本帖最后由 賓州電鋸插人狂 于 2017-8-20 12:00 编辑
本人係澳門人, 但唔太喜歡去大餐廳, 反而欣賞本地小店老店,
隨著在近幾年澳門經濟愈來愈發達, 賭場比起7-11仲要多,
但有澳門特色嘅小店老店就愈來愈少, 如果大家有時間,
可以行新馬路或十月初五街, 你會發現澳門以前最熱鬧嘅地方,
因為經濟偏傾, 人力資源流失, 現在7~8成店舖關門大吉了.
所以我香港朋友過來, 我都會帶佢哋食澳門本地人常食嘅嘢,
而唔係帶佢哋去大餐廳做羊牯, 其實澳門好多店, 食物又平又正,
比起香港抵食好多, 如果大家有興趣, 可以跟住我嘅介紹,
在澳門自己尋寶, 體會下澳門人平時最常食乜嘢.
(地址我唔詳細介紹了, 有少少提示, 自己去揾至好玩)
澳門陀地為食一日玩 (你鍾意可以玩多幾日)
午餐 : 食麵
店舖 : 雅香、園林、寶記、東京、發達、牛牛
提示 : 集中在三盞燈, 發達最難揾, 牛牛在永樂戲院附近
下午茶 : 茶餐廳
店鋪 : 劉記、祐漢街市頂層、賢輝
提示 : 劉記在青洲
晚餐 : 葡餐
店鋪 : 富仕、蕃茄屋
提示 : 富仕在雀仔園, 蕃茄屋在大三巴 (假日最好預先訂位)
招牌菜 : 富仕 "燒雞釀飯" "忌廉薯茸焗馬介休"
蕃茄屋 "咖喱崩沙牛腩配豬仔包" "薯絲炒馬介休"
消夜 : 永樂戲院附近有間牛什舖 (通上夜晚開舖, 我香港friend來, 每次叫我帶佢去)
細龜炒面 (沙梨頭)
黑沙環 (唔係黑沙灣) 消夜一堆
甜品 : 九記、禮記、李康記豆腐花、路環安德魯、金玉滿堂
以上介紹嘅店舖, 未必全部啱各位口味, 但我覺得價錢超值,
絕對唔會俾香港同胞做羊牯.
祝大家玩得愉快, 食得開心 ! |