之前響隔離台成日見到有人去呢個場幾好幾正,咁我又去試下。先講地點,係非常方便,過左關行去全程都有上蓋唔怕落狗屎,去到地下有阿姐帶上3樓,之後行一條長走廊行到盡頭先去到呢間舖。
門口計不過不失,入去更衣室,沖涼位有6隔,寬闊的,但3VS3打對面無遮無掩全無私隱,淋浴露和洗頭水都唔係大牌子,唔見有護髮素。整體來說更衣室乾淨企理,Locker空間都夠大,但更衣室得一張長凳,三個人換衫會覺得迫。
出去大堂坐,空間感不錯,地方唔算大,但坐起來闊落,無獨立電視機。下午四點去到,得四五個客人,由於這裏按身會送兩個大堂,見有客會雙飛,而技師都會叫客咁做。見到有客想做香薰鬆腿,但咁少客既情況下居然無技師!個客係到嘈,最後有個無換工衣既技師幫佢按。我就點了按腳,是個四十來歲的姨姨,瘦身材的,用力和技巧都不錯,按腳前還會按肩項,全程足60分鐘。同時間有個大媽搵個大叔按腳,個大叔一路按一路唱山歌,仲問人識唔識唱,真吹漲
入房做泰式,間房幾大,設計都OK,但有些牆紙有批口。雙人大床,明明間房有位做3邊床,但硬要排埋一邊,技師按時無咁方便。技師來到,廿零歲,瘦身材,細細粒,按時夠力,做大動作亦做到足,全程正骨,無任過明示或暗示。足120分鐘,按時間房明明關了大部份燈,但突然房中有燈亮起,而且房內不能控制的,及後先知是有人循察所以著燈。另外,間房冷氣夠,太大風,有啲凍!
出返大廳做鬆腿,之前有報告話點正點好,咁咪試下。其實D技師之前按腳時都見過晒,都係嗰幾個,鬆腿是由採耳技師做的,目測大約有四五位採耳技師,有一個是肥大媽,其餘的普普通通。報告話什麼到位不越位,又話咩升降幾多次,我諗有人諗多左,大比隙都掂唔到,又點到位不越位呢。而且唔係用咩香薰油,只係普通BB油,成條大腿小腿都按晒,係用力的,唔係hea按,足45分鐘,簽小費走人,佢張小費紙同平時按腳的一樣,30蚊起標,最多簽50。
呢間場正過正骨水,要按正骨可以一去,技師有心有力唔hea按,唔好有任何歪念就會按得開心 |