@风子饮食@之罗湖乐园路“金稻园”烧烤+砂煲粥

冻冻o地去食宵夜，乐园路街尾金稻园。又几多人wor~~



坐落後，个waitress都好快手摆餐具。好声气问想食咩？ 友人话想食烧烤，我就要咗个砂煲粥。。去片~~~

@@特制豆酱料



@@狮庵（谐音）+ 咸焗凤爪
狮庵大大粒！剥开浸浸酸醋+蒜泥，入口好正！！e间谂起都吞口水~
潮州嘢，生腌咯！要食得生嘢嘅人先可试，唔习惯就会肚屙~





@@豆鼓鲮鱼炒油麦菜
好惹味。几好食！



@@烧秋刀鱼
烧得太干身，d肉鞋口咗d，不过都几惹味，特别鱼头+鱼腩位，好好食！！



@@烧生蚝 / 半打
生蚝够大只，肥美， 嗦晒d配料汁。。ho正~~ 不过就咸咗d….





@@烧茄子 / 2个
友人话仲意食，咁就一次烧两个，费事等！嘿嘿~~
麻麻o地觉得，因为配料和酱汁落得唔够多，两个都有d干身！



@@半打/烧鸡脚跟+半打/烤羊肉
“烧鸡脚跟”第一次食，硬口，有嚼头，又烟韧！ 要慢慢嚼先得。。
“烤羊肉”亦太干身，不过几入味。不过不失！



@@泥鯭+虾砂煲粥 - 主角当然要压轴出场啦！！
半斤泥鯭/34元，2条， 活嘅当禾面响水缸抓出来。。啪啪声~ 生猛！
半斤基围虾/29元，都喺弓弓跳~
正常佢o地落4碗粥煲嘅，禾就叫落3碗好啦。。因都叫咗好多烧烤嘢头先。。
半个钟後就上桌啦。。你o地睇下d粥几正~~ 泥鯭肉质细嫩，鲜甜好食更加不在话下！！





埋单胜惠：人仔189（3人）

我觉得味道一般，问题系价钱真系贵，每次都要好几百埋单