深圳罗湖客家王海鲜酒家

又喺呢间食肆！当然饮极不厌嘅喺佢o地嘅老火靓汤！ ！

上星期日上去友人约食晚饭，话揾个有靓汤嘅地方，咁当然首选呢间啦。
7点半去到已经差唔多满座，好彩仲有最後一张枱留俾我o地。 。



咁啦啦声就菜先，友人话叫我发板。咁为难我，就点返食开嗰几个餸啦！

@@西洋菜生鱼汤 104元/中牌
来到呢间饮咁多次汤，都喺觉得最正喺呢个汤！
火候足，食材煲得淋身出味得来又唔会糜烂嘅嗰种！
汤水稠浓，完全感受到鱼味和洋菜味！
每人7-8碗，好好饮，但就饮到傻~~



@@咸鱼蒸五花肉
呢个又喺水准之作，其实食材好简单，但选材就不能求其！
五花肉肥瘦要均匀，片得薄身！不过当晚食嘅五花肉偏肥肉多。
而咸鱼更加选用“厚刀鱼”，蒸完出来咸鱼唔会溃烂，散晒; 而喺
鱼肉仲实净，啖啖鱼香更加渗入五花肉中！正啊~~



@@白鲳鱼 68元/斤
条白斤一两，睇卖相唔错！但食一啖就知失败！
蒸过笼！肉质变鞋！豆豉唔够味，落嘅豉油又少！
浪费咗条鱼！ ！



@@椒丝腐乳通菜
呢道菜好少话差嘅。都OK！



食完餐饭，咁友人话督场波做下运动咯。 。 。买单唔该~~

胜惠：￥256元（2人）

呢家老火汤我都中意饮，足料又夠喉真心不错的。