今次返深圳食东北菜：东北人风味饺子坊

同事带我返深圳食东北菜，装修几特别，大陆嘅餐厅一定地方大，用大红大绿嘅花布装饰，虽然刻意都叫有特色。我哋坐靠窗四人位，另一边有啲日式高台位，餐具好搅笑，每set用胶布包好，食嘢时即刻拆开，不过又系好刻意。










大家点返自己锺意嘅食物：

综合蔬菜大拉皮（$38）呢个凉菜好开胃，酸汁加埋烟韧拉皮、爽脆青瓜丝，可以消减咁多肉嘅油腻！
鄂伦村羊肉串　（$48）孜然粉另上，洒上羊肉串好香，羊肉串肥瘦肉相间，腌得好香，辣辣哋好食！
金牌酱骨架　　（$48x3）三块大骨黐住啲肉，虽然炆得入味，我嫌啲肉太老，口感一般！
韭菜盒子　　　（$16x4）焗得外脆，韭菜新鲜香口，好好味！
切肉饼　　　　（$28）皮多肉馅少，感觉比较乾！
全家福水饺荤拼（$36）水饺灼得刚好，外皮烟韧，馅料仲有肉汁，口感唔腻好味！
决明子茶　　　（$9）味道几特别，微甘开胃！
















店员好勤快，不过因为佢哋讲普通话，大家唔咸唔淡咁沟通！地方风味菜在大陆食，特别够味道！