週末放假夜遊新濠影滙

趁週末陪女友玩咗轉新濠影滙, 上環信德啲agency買套票, 當中有船票 x 2 / 酒店雙人房一晚 / Batman 4D電影門票 x 2 / 摩天輪門票 x 2張.




氹仔落船後坐免費shuttle bus.






落車唔係酒店正門, 要行經過一段購物大道.




首先我哋要去酒店, 官方check-in時間係3pm.






套票安排住明星滙雙人房都算寬敞, 而且景觀開揚, king size雙人床可以碌住嚟瞓, 只係嫌浴室企缸唔係浴缸有啲失望.














我哋諗住睇魔幻間magic show, 夜啲去睇Batman 4D電影, 留返最後去坐摩天輪.

魔幻間magic show
成人票 $450 / 長者票 $380 / 小童票 $360

Batman夜神飛馳
成人票 $150 / 長者票 $125 / 小童票 $120

影滙之星摩天輪
成人票 $100 / 長者票 $85 / 小童票 $80

原來可以買$580通行證, 可以睇晒玩晒三樣嘢, 我哋套票有Batman 4D電影同埋摩天輪, 只需要買魔幻間門票.




魔幻間表演show約1.5小時, 有四位唔同駐場嘅魔術師, 由近距離魔術到大型舞台魔術, 壓軸輪到Franz Harary團隊登場, 配合勁爆音樂, 又有女dancer跳唱表演. (入場後唔准拍攝㗎...)

多謝咁詳盡的介紹，睇黎都有多個有力的原因再去澳門了

返出嚟food court諗住食啲嘢, 原來好麻煩, 首先要買儲值card再去買食品, 有剩餘額可以退返錢, 但退返係MOP而唔係HKD, 價錢都唔平, 而且menu好多嘢都賣晒, 有得買又唔係樣樣啱食.










夠鐘我哋入場睇Batman 4D電影, 英語對白無字幕, 約7分鐘都係講Batman點樣惡鬥樣衰小丑團隊, 唔需要戴立體眼鏡, 播放時座位垂直升起, 睇住劇情而搖晃震動, 有埋灑水 / 香薰 / 毒氣 / 爆破效果, 怕暈怕刺激就唔好坐最後排座位. (入場後唔准拍攝㗎...)








跟住我哋去坐摩天輪, 繞圈一次約15分鐘, 遠觀可以望到珠海橫琴, 天氣好呢個view真係靚.


















最後我哋坐免費shuttle bus去賭場, 玩到半夜返酒店房休息.

週末過澳門玩兩日一夜都幾relax.

旧年又开多左几个场，觉得澳门真系好过香港