本帖最後由 賓州電鋸插人狂 於 2016-2-14 12:00 編輯
沿住中環自動行人電梯上山方向, 去到荷李活道左轉行前,
任食優惠做到2月底, 每晚分開三個時段, 每段限時90分鐘.
裝修扮港式懷舊格局.
中式點心賣相okay, 蝦餃爽口彈滑, 燒賣呀...牛肉呀...都係一般酒樓水準,
當日去到無晒雞包仔, 奶黃包係少少失準, 食唔到流沙嘅效果.
炸春卷幾香脆可口, 唔知點解無配沙律醬或喼汁.
西多士表面落咗糖霜, 口感好似食緊沙翁, 花生味似乎唔多夠.
羅宋湯少少鹹辣但有濃郁牛肉味, 可惜2nd round好似唔夠蔬菜料.
海南雞飯真係抵讚, 肉質keep住嫩滑唔肥膩, 飯亦有油香.
瑞士汁雞翼有滷香微甜, 食到豉油西餐嘅風味, 頭抽雞脾撈丁嫩滑juicy,
落咗乾蔥油鹹香惹味, 可惜2nd round上檯時唔夠熱囉...
芝士焗豬扒飯肉質爽嫩, 飯粒有蛋香, 略嫌芝士呀...茄醬呀...味道唔夠濃.
咖喱牛腩又係抵讚, 腩中帶筋好夠軟稔亦煮得入味.
食得出係 "雀巢" 雪糕, 用奶粉沖出嚟嘅味道點都呃唔到人.
奶茶呀...咖啡呀...有少少失望, 落奶太多掩蓋晒啲茶味, 飲杯凍檸茶算啦...
質素係唔錯, 但終歸都係茶餐廳水準, 抵食而唔好期望超好食, 否則就會覺得有落差.
|
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡