真係 "廚藝一絕" 亞龍咖哩

显示全部楼层 · 发表于 2015-8-2 05:08:59

本帖最後由賓州電鋸插人狂於 2016-4-5 10:00 編輯

真係忍唔住要寫下處男作食評：

一直聽聞呢間野食咖哩好正，今日特登同埋老婆&公主一齊試下。我order咗一個咖哩牛脷，一個鮮茄蝦，黎食咖哩緊係先講下佢個咖哩啦！

從來未食過咁架咖哩，咖哩完全唔會好似平時食果D咖哩粉做出黎架效果，因為呢間咖哩如果你蒙住雙眼食，肯定以為唔知咩人落咗兩滴辣椒油俾你食，至於個賣相睇翻我影已經可以欣賞到。

跟住講下個牛脷，我仲以為搞錯咗俾咗份牛肉乾我，最頂癮佢完全冇牛味，又切到好碎，能夠有咁架廚藝真係唔簡單。繼續講下個無敵酥餅，食咖哩唔配飯同酥餅，肯定冇可能啦！酥餅一放落黎，即時另我聯想到大陸D外省人嚮街邊賣果D咁架樣，夠特別喎風味表現，我老婆真係唔客氣，快手過我搣D落黎試下，跟住我老婆話好難。。。。。唔食，我馬上唔客氣又滅D，點下個絕世咖哩試下，頂。。。。。掂到呢！絕對充滿第三世界食品風味。最後當然講下個鮮茄大蝦，番茄正常都估佢用大陸貨，可能廚房想表現下佢地刀工，將D番茄切碎，做成一個番茄醬咁，DKLM咩鮮茄煮法咁超然境界，真係又黎一絕。價值90元個鮮茄蝦，老闆絕對足本，一共有三大隻，本來叫俾寶貝女食，佢又唔食得多，所以份量冇所謂啦！不過寶貝話唔食，冇辦法唯有我又食埋佢，真係唔食由自何一食DKLM，D蝦唔知係咪大澳出品，竟然蝦都有霉香，食咗兩淡，我真係再忍唔住，好似以前有套卡通片咁，大大聲講。。。。。好味道呀！

講完跟住就跟老婆同寶貝講，我地走吧。。。。。去食魚蛋粉。

发表于 2015-8-2 19:41:14

好像不錯啊, 謝謝

发表于 2015-8-5 15:05:45

依間野
又貴又唔好食
樓主上當了

发表于 2015-8-12 23:14:59

呢間嘢...十幾年前就好好味...
而家就好X好味囉...

发表于 2015-9-24 22:13:15

好像不錯啊, 謝謝

发表于 2015-10-2 17:52:10

都唔知邊間先係原裝，唉好亂....

发表于 2015-10-12 11:49:25

賣相喇啱我

发表于 2015-11-25 14:47:18

感謝師兄的分享！

发表于 2016-3-9 19:00:37

阿龍可以、但我比較喜歡佐敦咖哩啲味道

发表于 2016-5-3 11:48:47

我都鍾意食咖哩，會去呢到試一下