本帖最后由 賓州電鋸插人狂 于 2017-5-15 01:00 编辑
狗仔粉又叫粉仔, 上一代既懷舊食物, 依家香港真係少之又少, 我對佢有情意結, 因為細個阿媽成日帶我去食, 早排有一間熱鬧非常既狗仔粉店, 經過見無咩人排隊就去試下啦 !
我成日覺得狗仔粉既精粹係D菜脯, 如果無左菜脯成碗狗仔粉就無左靈魂, 而我食親都落人地半罐咁濟, 確實係有D誇張, 但係依家好多舖頭就算有狗仔粉都唔會成罐菜脯放係到俾人自己落, 次次叫俾多D都唔會多得去邊, 好彩呢間都仲係可以自己加, 呢間狗仔粉其實我覺得唔係唔好食, 但又唔係真係好到值得食D人講到要等成個鐘先食到囉 ! 佢有蝦米都煮到湯底杰狀, 粉都夠軟, 不過我自己始終都係鐘情係元朗由細食到大果間多D !
火鴨翅係好特別, 食落好多鴨絲都好足料, 湯頭非常重鴨味, 好香 !
叫多左個大雜燴小食, 有蘿白 + 大腸 + 豬肚 + 豬皮, 小食唔算好入味, 不過佢有個甜甜地既醬, 個人麻麻地鐘意個醬, 覺得有D怪.
總括黎講都算可以一試, 不過價錢都唔係平, 呢到咁食加多罐可樂已經成嚿水埋單... |