本帖最后由 賓州電鋸插人狂 于 2016-10-20 01:00 编辑
大家有無得介紹澳門乜嘢係必食, 一齊分享下喇 !
我最喜歡去 "新明珠" 食花甲蟹煲, 位置係關閘附近, 唔識路可以搭的士, 你話 "台山水佬榮" 好多的士司機都識去, 蟹煲嘅蟹最細都有兩斤, 有時一個蟹煲得一隻, 但係爆肉爆膏無呃秤, 平時HK你都好少機會食得到. 湯底起初只係微辣, 但越滾越辣, 有點似冬陰功個種辛辣, 配料亦係爽甜鮮味. 單叫花甲煲 (時價) 約300至400葡幣, 食蟹要另外點, 膏蟹或肉蟹當然唔同價, 當晚我哋叫肉蟹 (時價) 要400幾葡幣, 夠四個人份量, 計埋炒菜 + 白飯 + 汽水差唔多900葡幣結帳, 但絕對值得去食.
|