火鍋加Häagen-Dazs 雪糕 放題(重要:午市$58)誇張

本來訂好了和家人去富豪酒店「御花園」吃自助午餐，怎知到埗後竟然發現餐廳被一個歐美交流團擠得水洩不通，老公見狀已即時眉頭大皺；再放眼一看，無論是自助沙律吧、冷盤、甚至甜品區，全都在大排長龍，嚇得兩口子決定即時撤退。走到街後，大家都盤算著該到那裡用膳。嗜甜的我，本打算去銅鑼灣廣場新開的「茶木」吃蜜糖磚塊，但老公不好此道，反而提議去同一座大廈的「牛陣」吃日式火鍋放題，也好，反正有兩個牛魔王在場，加上有任食 Häagen-Dazs，就咁決定。

入座前先選好牛肉級數、價錢和湯底等，最短的可以揀 60 分鐘，不過難得一家人不用上班，可以悠閒地圍爐而坐，沒必要吃得太忽忙，就依店員建議，揀了每位 $148，90 分鐘任點任食的清湯底火鍋。雖然這天是週末，不過店裡食客唔算太多，而且服務員效率奇高，坐下後不消一會，已送上了湯底、兩碟牛和一碟豬。

取食物前先到混醬區自調心水口味醬料，除了四款以小木桶盛載的蒜蓉、指天椒、芫茜、青蔥之外，還有豉油、芝麻醬、酸汁、七味粉等，雖然選擇不多，不過個人推介以芝麻醬、青蔥、酸汁和七味粉等混合調製醬料，味道甜酸醒胃，夠惹味。

至於牛肉，其實忘記了是來自那裡，日本？澳洲？ 也不打緊，反正現今百物騰貴，到街市買普通牛肉，閒閒地都要過百元一斤，而這裡卻可以任點任吃。雖然牛味不濃，但質素還算穩定，起碼後加的，完全沒出現一碟比一碟肥，而且分量亦不少，入口鬆化柔軟又有咬口，夠曬平靚正，已算不錯。

反而豚肉樣子有點嚇人，佔了一半是肥肉，感覺實在太油膩了，完全提不起勁吃下去，甚至連其後再加點的，端上來時也是肥多瘦少，老公還笑著說：「難得質素這麼穩定，竟然碟碟都一様」，真氣人

往外出 buffet 檯走一轉，除了一大盆腸仔外，其實長檯上擺放的都以蔬菜為主，非常健康。單是瓜菜就已經有番茄、南瓜、冬瓜、翠玉瓜、蓮藕、馬鈴薯、粟米、白蘿蔔、油麥菜、旺菜、唐生菜、銀芽、大蔥等。

而菇菌類方面，就有、雞脾菇、鮮冬菇、秀珍菇、金菇菜。當然也有一些丸子，例如魚蛋、墨魚丸、獅子狗等供應。

想拿點吸湯之物，豆腐、豆卜、粉絲是不二之選。如果仍嫌唔夠飽肚，還有烏冬、拉麵、甚至白飯、炒飯可供選擇，想再味濃一點的話，白飯旁竟然還有一鍋牛肉咖哩，自己  DIY 弄咖哩牛肉飯或咖哩牛肉炒飯也不錯。

另一心儀對象，當然就是 Häagen-Dazs 雪糕，這天四款口味包括有曲奇朱古力、士多啤梨、焦糖脆餅、夏威夷果仁，只可惜盛載雪糕的圓筒，全都接近美人照鏡，要費九牛二虎之力才勉強弄來一小碗，而且等了又等，仍沒人來更換新的，實在令人失望。結賬時問老公我們四人合共吃了多少碟肉，一數 10 碟，嘩，果然不愧是食肉獸。撇除沒足夠雪糕吃外，這裡整體水準算不俗，雖然選擇不多，不過勝在價錢實惠，牛肉質素穩定，心癮起可以來試試。

其實呢d會唔會食到肚痛

真係好平wor

最好配个图看看拉

好似唔錯喎！啱晒我呢啲食肉獸！

係架, 牛陣58蚊午餐真係超值

去什陣同牛一都係為雪榚

thank for your sharing

個價格係算幾平, 但真係無咩料選擇

我食過, 真係唔錯, 性價比高