點樣用法蘭絨濾泡咖啡

將法蘭絨放入濾杯裏面，注入熱水沖洗乾淨。








倒入適量嘅咖啡粉，注入熱水後咖啡粉會稍為膨脹，要留意咖啡粉嘅份量。




慢慢注入少量90℃熱水濾泡第一次，閒置等滴漏約30秒。




慢慢注入少量90℃熱水濾泡第二次，輕輕攪拌，閒置等滴漏約50至60秒。








一般注水濾泡兩次，隨個別喜好有啲人可能會注水濾泡三次。

• 法蘭絨喺第一次使用前，記得首先要用熱水煮約三分鐘。
  
  
• 記得要從中間開始向外面打圈注入熱水，亦要留意水溫、濾泡快慢往往係會影響到咖啡嘅香氣與口感。
  
  
• 布質嘅法蘭絨相對於過濾紙較為粗疏，咖啡嘅油脂可以通過法蘭絨而滴漏，保留到咖啡嘅香氣與口感，醇厚而有層次感。
  
  
• 法蘭絨嘅纖維較厚，滴漏時間相對於過濾紙亦較耐，即係咖啡粉喺熱水中濾泡嘅時間亦較長，可以充份萃取咖啡嘅精華。
  
  
• 法蘭絨可以繼續返用，每次使用後可以用水煮滾或用熱浸泡，攤凍後輕輕擰乾放入密實袋，擺喺雪柜內保存備用，否則會殘留異味。

多謝師兄報告

原來用法蘭絨都有咁多學問，又環保，有時間留在這版真的學會很多呢

要有心機才有好咖啡