九龍東 Holiday Inn Express 中菜 - 彩雲軒的日與夜

kt 飲飲食食除咗食物質素之外
亦對食肆環境有少少要求
今次要介绍的中式食肆 - 九龍東 Holiday Inn Express 彩雲軒
對我來說就好多方面都滿足到我要求
首先就係環境寧靜舒適
食物亦精緻好味，連食物碗碟擺設都表露有心思有heart
價錢呢？唔算太平，不過都算物超所值

就因為以上因素
kt 去過飲早茶，亦去過食晚飯
所以可以出呢個報告----彩雲軒的日與夜

唔講咁多，去片睇吓呢間野有乜好先..........


呢張卡片先俾大家知下呢間野嘅資訊先


再睇吓酒家環境
係咪好靜好舒服，影呢張相係某公眾假期早上九點鐘左右


再睇吓窗外景色，唔算無敵景觀，但還算開揚


天花裝飾時尚，给人一種好舒服的感覺


好！睇完環境，開始睇食物同茶具了
茶具冇乜特别，反而茶壺上印有茶葉品類有點新意思{:soso_e179:}


第一樣點心上枱 - 帝苗雞粒水晶餃
食呢樣點心貪佢賣相靚
事實上冇令 kt 失望
呢隻水晶餃真係皮薄餡靚，晶瑩剔透
連食落去嘅雞粒葉粒蝦粒都爽口弹牙，非常有口感，正！


再來一籠牛肝菌地鱼燒賣王
賣相還算合格，用料都好新鲜
但食落有淡淡牛肝菌味，如果唔喜歡此味道的看官就要三思了


又喺一個好特色的點心 - 原隻鲍魚雞粒酥
雖然係鲍魚孫唔夠涉牙隙，但賣相同擺設都係一流水準
酥皮又正汁酱又好味，此店必食之選！


想叫即燒燒鵝腸粉，樓面話燒鵝味燒好喎
冇計，帶子腸粉都殺啦
我最喜歡的唔係腸粉本身，係裝腸粉那隻特色的碟，上枱時真係吸引非常
腸粉本身都好滑，中上之選


蟲草花滑雞粥，粥底好，稀杰適中，雞件又滑又入味
唔好睇少那幾條蟲草花，無論賣相同味道，都起咗畫龍點睛嘅作用架！

好，睇哂我飲早茶食嘅野了
俾多幾張點心纸大家睇下佢哋嘅出品同價錢啦



去埋個厕所就埋單，kt 好學唔學，學人連厠所都影埋

連去厕所都要有電視睇，你話誇唔誇張喇

最後埋單八折後一百九十蚊，抵唔抵？ kt 冇 comment 了！



講完彩雲軒的日，又要試下佢嘅夜了
和主子再探彩雲軒的小菜水準.............


晚間人流比較多了，但環境還算清靜，冇某些酒樓充斥住街市繁囂的感覺


夜晚的飛環裝飾，感覺上比日間更有時尚的感覺


餐具擺設比日間更精嫩得體


先來餐前小吃 - 鴨舌海哲
海哲爽而入味，反而鸭舌普普通通


嘩！乜冬冬？
咁靚嘅上枱樣，又揾微火番熱，大家估下乜膠野嚟？{:soso_e120:}


開估，松露花膠燴雞絲是也。
一句講哂----好得！一路加熱，熱辣辣咁入口，普通野都變精品啦！


潮蓮燒鵝，大路之作
惟一可評的是選料唔錯，鵝身唔肥唔瘦，食相味道都算合格吧


欖菜石鍋豆腐，一味令 kt 喜出望外的平凡小菜
kt 對白白滑滑的豆腐一向興趣普通
點呢味菜纯屬遵照主子命令，所以根本没有期望
點知，榄菜雞粒混合滑豆腐又出奇地配合
連一向對豆腐味道麻麻地的 kt，都要冒被主子狂炳的風險同佢搶食一番
你哋就知呢味平凡小菜幾吸引到 kt，極力推介之選


最後連飯後生果的擺設都咁有心思，我就好滿意喇

埋單又係八折後三百八十個大洋，我就話抵食了！

{:soso_e179:}{:soso_e189:}

sounds very good
thanks for the info

唔講都唔知KT又出左飲食報告

睇相睇名我以為KT又介紹埋D貴價野
估唔到呢間係酒店入面既中菜廳價錢唔算貴
睇到咁舒適既環境
如果好似KT所講食物都有番咁上下質素
價錢真係唔算得好貴
不過對於我黎講
地點係最大問題
好日都唔會走去將軍奧既我
眕怕都冇緣試呢間野啦

batbatbat 發表於 2013-7-9 15:02
唔講都唔知KT又出左飲食報告

睇相睇名我以為KT又介紹埋D貴價野

我都出少咗好多飲食報告喇
點解呢間我要出？
因為真係值得推介
佢價錢唔貴，食物質素好，環境又唔嘈
雖然 batbat 你可能好少去將軍澳
不過仲有其他 VS兄弟會有機會去架{:soso_e120:}

CHING知唔知8折到幾時? 價錢都算OK咁既環境

咁高級都是一百幾蚊唔是呀嗎有機會真是要試試

Very good choice , i will go next time

將軍澳近邊

點解有八拆。是不是係人都有。至幾時？