串燒

好耐無番過嚟，只因窮到兩餐不繼，我地厘D最低工資好撚搞笑..政府慈悲五月加多兩蚊一個鐘，但係果兩蚊都未到手..已被通漲蒸發得化為烏有，再加多二十蚊就平衡到通漲，所以..仲有鳩錢週圍揾好野食咩！！！

我厘個飲食版版主都算濕鳩>..<日日捱蕃薯，下面就係我日常午餐

當我萬念俱灰..意圖了此殘生的時候，好彩孤寒財神爺話比我聽，飲咖啡..睇法國電影..已自動 “升呢”為中產人仕^^

我鐘意一邊嘆越南咖啡，一邊睇法國四仔電影，仲會一邊打吓機。原來我地位幾高架，三十幾萬一個月嘅財神爺，都係同我一樣係中產乍。我登時乜鳩信心都番撚番晒嚟。

立即去中環嘆番個午餐。“蘭芳園”好多80後等位，但我一個人好快有位，午餐四十五蚊起錶，“蘭芳園”馳名金牌秘制豬扒包，最平厘款45蚊就要厘個囉。
先到磨菇炒蛋奄列..蛋又無味.. 磨菇都係無味..一個上好制作，唔需要客人自己落調味品..都可以食到味道…這個奄列超把撚！！
馳名金牌秘制豬扒包，我屌丫！！咁撚細個包都有嘅？？佢老母果塊豬扒仲搞笑，得半塊？？仲要係涷嘅添！！涷嘅…重會有幾撚好食丫….
條脷無毛！！四十五蚊架！！食D咁嘅垃圾..仲要咁多人等位，究竟..係比D專欄吹幾吹就會發達，定係“蘭芳園”個老闆行緊運呢？？？奉勸各位咪再迷信名店.. 咪再笨實。

上次都話唔再幫襯,今日鬼迷迷又入左去...收45蚊一個午餐..少得可憐唔緊要..但點可以都唔係45蚊嘅味道@_@如果你話蘭芳園好食...得罪都要講句...你唔識食野-_-||—


荃灣有一間叫 “一品雞煲火煱” 無耐性千祈唔好幫襯，動輒等兩個鐘好平常，我至鳩憎等位，等兩個鐘我啋你都岸九。但係…小象有三次在 “一品雞煲火煱”等三次位的記錄，這也是算破我在一間食店等位的記錄。

一品雞煲我最受落是用料新鮮，由其該店自制的蝦丸..墨魚丸…又爽又鮮味，即炸响鈴鬆化，招牌雞煲香口入味，如果唔好咁鹹我更加鐘意。

信我..食過一品雞你一定唔會鬧我吹水，仲心思思想又再去，但係…等位等到你火滾..就關人九事。如果你有超過十個人，可以定枱..但定左枱我都試過仲要等差唔多一個鐘@-@

過年後..有加國親友返港…帶他們試元朗大榮華食地道粤菜，其實大榮華近年水準下降，我亦少去晚飯，但加國親友慕名而至，勉強帶他們一試。

但係這一次..食左個我都未食過嘅元朗 “風味圍村九大簋”，又唔錯喎！！餸菜用雞公碗盛載，賣相已十分討好，所以簡簡單單的鯪魚球..炒菜絲都好味D，豆豉蝦..盆菜豬肉也份外惹味。

難得的是…大大話話七八年未食過一條有魚味的烏頭，現在的烏頭木木獨獨真係好難食，今次這一條令我再度吃得到烏頭魚味。最精彩就是大榮華的馬拉糕，這是一貫有水準的單尾甜品，如果去大榮華一定不可錯過。

你或者會問標題係 “串燒”..無串燒講過嘅？？？

"蘭芳園" 好嘢丫, 十九幾年嚟都保持到水準........ 個價錢依然係咁 9 搵笨7,  d 出品依然係同咁 9 行貨, 真係難得 {:soso_e113:}  

唔知係咪象版升呢跟曾司長同樣貴為中產
心情靚，久休復出的報告有種特別輕鬆的感覺
定係象版剛剛搵完肥EE，成個人鬆晒至寫呢個報告
點都好，出到就好，出到就好......
香港的名店真係每況愈下
錢搵到就擴充，開分店，加價
食物水準呢，保持到8成已經偷笑
我成日行過蘭芳園，但早已唔入去幫襯，留番D位俾自由行的朝聖者
我情願去附近的陳泗記簡簡單單飲杯毫無花巧的奶茶，食份最基本的蛋治

大榮華真係跌咗WATT，水準好飄忽
以前佢地的新界烏頭確係得
唔知依家烏頭邊度嚟？

太多食店要彈
象版快D出多幾個報告俾我發下勞騷

bart_bart 發表於 2013-3-7 22:36

                               
登录/注册后可看大图

"蘭芳園" 好嘢丫, 十九幾年嚟都保持到水準........ 個價錢依然係咁 9 搵笨7,  d 出品依然係同咁 9 行貨,  ...

最撚火滾係重係其門如市{:soso_e117:}  更無天理嘅係...{:soso_e111:} 果D報紙電視..重成日講到 "蘭芳園"幾撚好食先夠癡鳩線{:soso_e180:} {:soso_e180:} {:soso_e180:}{:soso_e180:} {:soso_e180:} {:soso_e180:}   

chulo2009 發表於 2013-3-7 23:52

                               
登录/注册后可看大图

唔知係咪象版升呢跟曾司長同樣貴為中產
心情靚，久休復出的報告有種特別輕鬆的感覺
定係象版剛剛搵完肥EE， ...

朱老版{:soso_e181:} 如果唔係你喺後面鞭插小象{:soso_e100:} 小象都唔會出左厘一野{:soso_e120:} 所以...我係無打算復出囉{:soso_e133:}

昨日..我出左篇嘢..想睇下有無小小回應...點鳩知..原來改左個金碧輝煌版面^-^但係見唔到飲食區？？我揾左兩分鐘右左先揾到-o-原來棄置在一個不顯眼地方，當時我都有D錯愕，乜個飲食區搞到咁坎坷...但睇下有係嘅..小貓兩三隻..唔炒我尤魚..已比足面囉^^

朱老版..你講得好啱大榮華D野，真係好飄忽，有時差到你唔信{:soso_e120:} 唯一次次保持水準得個馬拉糕，同埋水晶包...如果失守埋..肥滔要一死以謝元朗鄉親{:soso_e137:}

難得見象版出山作，
再忙都先回呢個帖。
蘭芳園的確係名過其實的典範之一，
我食左一次已經同自己講唔可以俾佢呃多次，
反正同我求其入一間茶記無咩分別。

雞煲我唔好，
不過你講到咁正下次一班人食飯可以試下喎。

大榮華食過只可以話不過不失，
反正元朗大把小店其實野食水準唔錯又唔貴，
唔再去都大把選擇。

kkbbq 發表於 2013-3-8 17:31

                               
登录/注册后可看大图

朱老版 如果唔係你喺後面鞭插小象 小象都唔會出左厘一野 所以.. ...

唉，飲食版真係愈來愈靜，深圳飲食版尤甚
都明白象版的心情
唔勉強你
希望你好快再抽起條筋出報告
又或者有人再喺你後面鞭插你

chulo2009 發表於 2013-3-11 11:42

                               
登录/注册后可看大图

唉，飲食版真係愈來愈靜，深圳飲食版尤甚
都明白象版的心情
唔勉強你

為表支持, 啱啱係深圳飲食版第一次出嘢{:soso_e113:}

蘭芳園當年以奶茶起家
出左名就攪埋DMUD鬼撈丁、豬扒包
引左一大班朝聖者
長期門口一大條龍
食物質素同價錢不斷成反比
而家只剩一個虛名的茶餐廳
不過佢位處中環，賣虛名、扮風味足以搵到食

大榮華元朗總店多年前試過一次
果陣排哂隊等位
但都真係物有所值
馬拉糕、豬油撈飯一試難忘
之後佢係港九都開左分店
唔知係分店問題定整體水準下跌
之後幾次係灣仔分店食
都食唔返之前既水準
就連最得既馬拉糕都冇以前咁好
難度高水準既食店真係咁難保持？

嘩！好親切的象版用辭又見番喇，好7好9開心{:soso_e120:}
你而家貴為中產，但唔Q好用番薯代表赤貧嘛
我好鍾意在街邊買燴番薯食架
妖！我咪係好窮嘅草根{:soso_e109:}

kt 早前在台灣掃街食佢哋嘅焗地瓜






真係好味過香港甚麼米芝蓮嘅出品呀！