浪漫鐵板燒 - 灣仔秋田刺身鐵板燒專門店 (支持滿愛月)

為了支持满愛活動
kt 出了一個缅懷昔日骨場情的報告……"kt 感言-珍惜眼前，活在當下"
這是一份報告.....寫「愛」的過去式

為了更支持滿愛活動
kt 甘願做二次郎
再出一份記錄住今日kt 沉醉中，享受中温馨浪漫的愛
這是一份報告.....寫「愛」的現在式

一月份某天，是kt 友人 "薯仔" 的生日
友人生日，kt 自然大費周章，遍尋浪漫美味食肆以示誠意
浪漫是食的環境
美味是食的質素

尋尋覓覓，終於找到了.....就是灣仔秋田刺身鐵板燒專門店
點浪漫法？
點美味法？
去片........................


講明係鐵板燒專門店
梗係要開始前影番張事前相啦
就好似骨場影院一樣
將會有好多浪漫醉人片斷在此處發生......{:soso__4721797095555609439_4:}


愛情故事除了男女主角
還要有綠葉配角襯托的
介紹這餐的最佳男配角出場.....鐵板燒師傅哥哥{:soso_e183:}


先來一個開胃前菜....和風沙律
番茄、粟米粒、椰菜等一般沙律材料
但最精彩的是那日式芝麻沙律醬
它，吊起了食材的鮮味
少許酸、濃、香的味道.....令人有那種開胃的感覺！


再來另一小食.....魚子蒸蛋
師傅將原隻蛋杯放在鐵板上將蛋蒸熟
真心話，這不是甚麼精湛廚藝
但鐵板師傅哥哥在人客面前慢慢耐性地蒸熟那隻蛋
仲要係火喉啱啱好，蛋白僅僅熟而滑
雖然味道平平無奇
但心思、時間、誠意搭夠了


食完前菜就到真正鐵板燒食物出場了.......
第一味.....鐵板煎銀鱈魚
和薯仔掛住喁喁細語，唔記得影條魚係點燒出嚟添，失敗！{:soso__11677426252709022285_2:}
冇計，惟有俾張製成品相大家睇下啦
條魚真係煎得好靚好香
魚身都好有味道，但始終係雪野急凍野，對 kt 來講點都唔夠新鮮蒸魚好食嘅喇
這樣.....惟有又去冧吓薯仔啦
知道薯仔不吃鱼皮......
於是 kt 在她耳邊輕輕的說 : 「慢慢來，唔好急，等我慢慢幫你除....」
薯仔面帶紅暈望住我回答 : 「除甚麼？」
kt 很正經一字一字讀出來 :「除..魚...皮...」
薯仔笑得前仆後仰，一拳打向 kt.......
很浪漫.......


因為這個秋田二人餐包了薄燒肥牛，但薯仔唔食牛.....
kt 於是要求店方為她改了一份煎帶子
所以....整個鐵板就為薯仔tailor make 燒緊呢一碟愛心帶子了{:soso_e112:}


一碟四粒，薯仔梗係和 kt 分甘同味啦
她兩粒 kt 兩粒....樂也融融
味道？還可以吧！


曄！做乜咁大陣仗，成隊龍蝦排隊入鬼門關上断頭台？
原來，係店方刻意做的形像工程
將還未完全斷氣的龍蝦放在鐵板上
用熱力令龍蝦鬚、龍蝦脚在痛苦中垂死掙扎
薯仔話唔想見到殺生在她面前....所以轉身避看
kt 唯有一路擁着安慰她，一路影這張相吧
唉！又一次證明，kt 真係天使同魔鬼混合體的化身


不消幾分鐘，鐵板燒師傅哥哥已經用他純熟的技巧
幫龍蝦煎皮拆骨了


好喇，第三味餸正式出場......啖啖肉鐵板龍蝦
開場咁嘅陣容，最後變為一碟千錘百鍊的龍蝦肉，你哋話正唔正？
龍蝦肉爽，龍蝦肉鮮，龍蝦肉甜
唔需要加任何調味，都已經令 kt 大快朵頤了{:soso_e124:}


這場大龍鳳原來還未落幕
師傅哥哥見我哋食得七七八八時就再開壇作法
將先前的龍蝦頭、龍蝦殼再一次搬上枱做法事


嘩！熊熊聖火.....目的又是讓大家影張相，然後....嘩一聲！
果然係 customer oriented，不過....kt 同薯仔又 buy 喎


法事做完，所有袈裟道具被搬入廚房
不消片刻，第四道菜出場.....龍蝦頭尾粥上枱了
真心直話，所有龍蝦精華都在啖啖龍蝦肉中被 kt 吃進肚裏了
這碗粥.....還可以有甚麼招式
但店方心意搭夠，合格啦！


又嚟喇！攪乜野？好似行軍打仗，兩陣對圓咁嘅？
答案係.....白白未煎熟的鵝肝，對陣香脆待吃的法包多士


戰況係點？梗係大大塊鵝肝大勝一場啦
香脆法包，惟有甘作城下盟，在鵝肝底下做其綠葉了
講番味道，鵝肝煎得幾香，配合埋法包的脆
很好味！很好味！


第六味菜......鐵板肥牛片
因為薯仔唔食牛，這味鐵板肥牛片祇有 kt 在孤身作戰了
又扯出大西洋吹下水
和牛是賣得好貴的食材
但並不代表能奪得 kt 的心
除了入口能融化之外，無論肉味，口感，質感
我還是喜歡道地黄牛多一點......
唉！kt 我這一個草根真係難登大雅之堂


又攪乜冬冬？全晚最精彩的大龍鳳即將上演了
kt 幫它改了一個名......浪漫鐵板炒飯


點浪漫法？唔駛急，kt 影咗好多張相，大家慢慢睇
炒咗陣間白飯，師傅哥哥就加咗煙肉同紫菜
然後....慢慢攪、慢慢砌
攪乜？ 再睇落去啦.......


噔、噔、噔、噔........
出場喇.....炒飯 Hello Kitty 成形了
薯仔見到好開心.......
攬住 kt 講多謝，多謝我為佢嘅愛的安排.......


未完未完......
師傅哥哥再接再厲，再去砌出另一個公仔圖案


好快！熟練的師傅哥哥又砌出另一芝麻街偶像喇
仲有....神乎其技的表演開始了
就是用雞蛋黃倒寫......"生日快樂"幾個殺死薯仔冧死薯仔的字！


大功告成.......
一份愛的食物，一幅愛的圖畫
終於呈現在主角薯仔眼前了
kt 望住薯仔.....
她咀角流露出的笑意
她眼神流露出的滿足
每樣每樣，都令 kt 心醉傾慕

最後，熟手技工師傅哥哥亦熟練地兼任攝影師
為 kt 和薯仔、加埋他的浪漫炒飯大作.....留下愛的足跡，留下愛的印記！


好！浪漫感覺可以滿足心靈
但現實食物亦可以滿足腸胃渴求
浪漫過後回到現實
師傅哥哥開始將圖案拆碎
為顧客實實在在地制作.....鐵板炒飯


實實在在的炒飯面世了
實實在在的說.....炒飯是講求火喉的
攪咗場咁大龍鳳，堆砌咗咁多浪漫
在鐵板上的生米都煑成白飯啦
講味道，o.k.啦，不過不失
但和其他冇攪大龍鳳食肆的炒飯一比，高下立判！


眴爛過後必定回復平淡
連鐵板燒都逃不出這定律
今回師傅哥哥就平平淡淡，實實在在炒出清下口味的.....鐵板炒雜菜



平淡清新的雜菜放在面前
沒有華麗出眾的外觀
但此時此刻清下腸胃，又係絕配之作


很多人說，沒有甜品的晚餐會令人覺得不完全
沒錯，浪漫的鐵板燒怎可以沒有窩心甜品為它畫上完美的結局
期待....期待.....煎甚麼鬆餅？


答案面世了.......綠茶雪糕鬆餅
薯仔笑了，好興奮，好雀躍
典型一個鄰家小女孩見到心儀玩具的模樣
面對着薯仔，kt 可以做甚麼？
唯有乖乖地淺嘗輒止，然後乖乖地將所有雪糕無私地獻給她吧！

最後埋單了，埋單一千三百多
大家話抵唔抵......kt 唔表態了
因為 kt 這餐最喜歡的不是食物
而是因這餐浪漫鐵板燒而帶出來之愛的感覺！愛的享受！

正啊~~    消費貴5貴啊？？    睇師傅整的有型有款啊

pp026621 發表於 2013-1-30 16:03

                               
登录/注册后可看大图

正啊~~    消費貴5貴啊？？    睇師傅整的有型有款啊

餐飯要差不多千四蚊埋單
個鐵板燒師傅真係功架十足的{:soso_e128:}

{:soso_e103:}哇! 睇相師父功架十足...利害到震...

只是...

只HELLO KITTY....好老翻 FEEL 呀.....{:soso_e140:}

czshare 發表於 2013-1-30 16:35

                               
登录/注册后可看大图

哇! 睇相師父功架十足...利害到震...

只是...

你下次去叫C父整只虎同豬比你。{:soso_e142:}

ryohung0077 發表於 2013-1-30 16:41

                               
登录/注册后可看大图

你下次去叫C父整只虎同豬比你。

{:soso_e141:} {:soso_e141:} {:soso_e141:} 無品味...

千幾蚊有埋龍蝦算抵，
特別係後面個炒飯！
真係講出道理！
“愛的真實”！

czshare 發表於 2013-1-30 16:42

                               
登录/注册后可看大图

無品味...

你都無情義。{:soso_e141:}

ryohung0077 發表於 2013-1-30 16:49

                               
登录/注册后可看大图

你都無情義。

里無厘頭, 驅風油{:soso_e141:} {:soso_e141:} {:soso_e141:}

czshare 發表於 2013-1-30 17:07

                               
登录/注册后可看大图

里無厘頭, 驅風油

帶你虎虎去食緊係要整個豬同虎啦！{:soso_e148:}