|
Knight’s Kitchen （1） - 食豬記
前言：
之前成日都想過黎食區出報告，又應承過Ken版，Kt版會出，亦係時候實現承諾。不過第一次寫食評，寫得唔吸引唔好鬧呀！廢話講完，開始正題！
正文：
某個平凡的中午，因為電腦出問題，就去了銅鑼灣Sogo附近維修。拿電腦到維修部後，亦係時候去醫肚了！
在Sogo往灣仔方向尋找的時候就發現這個廣告招牌！
想想自從在日本住了幾年，都很少在香港吃日本料理了。於是就走下樓梯去看！對的！這家日本料理就在地庫！
穿過那日本風格的門口，就有服務員以不標準的日本話“いらっしゃいませ”來歡迎我了。説明了一位後就帶我坐到角落上的一個位置。
場地係傳統日本式普通檔次料理格局，某程度比新款fusion好，比較warm。
廚房係開放式，基本可以現場見到師傅預備飯菜。當然亦非常整潔。
不過亦奇怪客人非常少，那一刻想會不會到了黑店？雖然菜單價錢也不算太貴。不過比較靜亦是好處，現在食飯時間很難找到這麼寧靜的飯店。
看了一下中午套餐就點了個在日本非常普通的滑蛋豬排飯。沒錯！這裡是主打豬排的！
（金星豬！）
當然亦點日本料理店先會有的“カルピス”。
沒有多久，飲料同飯也來了！
“カルピス”係日本進口，所以味道無特別問題，好正常。
至於滑蛋豬排飯，飯是日本米煮，米粒軟硬適中，有咬感。至於豬排，因為係現場炸，所以非常香口。肉質方便，鬆軟而同時保持咬口，亦不油膩。食落沒有渣，有日本當地水準！雞蛋嫩滑，洋蔥熟而不淋，非常好。趴下咬下，很快吃完！
之後休休閒閒坐一會就埋單離去，總數12X元。
味道不錯，有機會應該會再去。
後記：
1）自己其實幾鍾意食日本野，不過自從早幾年開始係日本斷斷續續度過三，四年。可能食習慣當地正宗菜式，所以回港後比較少食，特別係一個人時。因為總感覺味道不夠好，不夠正宗。不過近年開始發現食物水準開始提升，特別係中價店鋪。所以亦開始去試。當然服務態度始終有形無神，未能完全同日本看齊。不過亦感覺非常滿意。
2）另外這間日本料理有一點非常特別，就是食定食時，白飯是可以不停加不收費。基本上很少地方會有。大胃王就肯定非常喜歡！
3）第一次寫食物報告，比較生手，唔好意思！其實早幾個月前就打算開始試寫，不過太多事拖到今日。希望有時間可以繼續寫下啦！
- 完 -
| 
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡
