日本菜 - 將軍澳 稻 - INA

呢幾張宣傳相靚唔靚
就係呢幾張相吸引我去咗呢間食日本野喇

某天和老虎行下將軍澳地鐵上蓋pop corn商場
見到在crown plaza hotel 入面有呢間出名日本食肆
見到呢幾張相好吸引，又行到攰攰地
就呢間啦.......睇下有冇俾人斬到一頸血啦:em18:


門面唔係太誇張，但簡約得來感覺都唔錯


閒日夜晚八點幾，得兩三枱客
相入面的呢邊角落就鬼影都冇
死喇，死喇....唔通入咗謀人寺？
在 kt 心目中，所有食肆都係自由經濟主導
出品平、靚、正的食肆一定會人頭湧湧的
而呢間野冇人......係唔係.......？



刺身枱....有型有款
剌身師傅衣着同外觀都有型有款
但 kt 最欣賞的是背後那一幅牆的設計意念
一群遊戈的活魚點燃了顧客的食慾....令人覺得枱入面的刺身很新鮮
抵讚！{:soso_e179:}


枱面食具整潔講究
給人有那種窗明几淨的感覺


連菜牌都係簡潔而高雅


好喇.....kt 又長氣了.....講極都未入正題
好！即刻來個前菜先......豆付沙律
講真，老虎點這個沙律時 kt 心入面真係媽媽聲
頂！有蟹籽沙律唔叫，有海膽沙律唔叫....
做乜Q要嗌豆付沙律呀....又平又冇味{:soso_e111:}
哈！又唔係喎....個沙律又好鬼新鮮甜美喎
豆付同菜都祇係新鮮...但冇味
點石成金的是那碟汁醬
它....吊起了食材的鮮、甜，再加上汁醬本身的陣陣果香
真係令人食慾大增
連 kt 呢個食肉獸都同老虎搶豆付食...異數呀！



食完前菜就到主角出場......雜錦剌身
這個刺身價值二百五十大元，但每款刺身得兩片
總共得十四件刺身，平均十八蚊一件刺身
唔算太貴，但點都唔講得便宜
未食之時個心都有點赤赤痛
但食第一啖入口......我改觀了
蝦、帶子等等好新鮮好甜
但最俘虜 kt 個心的是那少少一片拖羅
妖.....那種入口即融，魚香滿溢的感覺 kt 真係唔識用乜野文字來形容
總之，那一片拖羅係 kt 懂得欣賞刺身十多年來感覺最正的一片{:soso_e195:}


唔夠喉，影多一張相留念


食完刺身食炸物
先來一個....炸雞輭骨
相對剛才的刺身，這道雞輭骨就顯得平平無奇
大路之作而矣！


見到這碟野.....知道coming的是.....kt喜歡的天婦羅了:em8:


主角天婦羅出場了
kt 長氣，成日都講天婦羅最重要的是炸油
不要講甚麼地溝油，就算用萬年油都會影響天婦羅的賣相同味道
大家睇下這道天婦羅的淺黃炸色就知用了新鮮油炸
食落入口亦沒有那種大殺風景的油膩味道感覺
又是一道很好水準的菜式{:soso_e179:}


日本野的色唔飽肚，臨尾揾少少飯麵頂下肚先
先來一個野菜烏冬
賣相普普通通，野菜普普通通
但主角手打稻亭烏冬才是精華所在
爽、滑、甜......一流的烏冬....Good！


再來一個野菜飯 (同野菜有仇:y-17:)
大路之物，不過都幾好味！


食完巡個圈，見有鐵板枱因為冇生意而好似摺埋咁
心想幫襯番個和牛.....但最後都係臨崖勒馬喇
一來飽飽地，二來要顧住個荷包
都係下次先試吧！ :em18:

最後要交代的是埋單幾錢
答案係........埋單連加一連貼士剛好一千個大洋
抵唔抵？見仁見智啦.....
我唔講喇.....任由大家comment吧:y-17:

睇相應該唔係中或大拖羅.... 大拖羅係即溶
帶子只有一隻
三文魚係腩位

食class而矣....

食飯時間都咁靜， 不過講真現時市道競爭太大。
咁嘅情形佢都仲生存到，相信唔喺價錢則是qlty口碑！

KT真識食，
呢間野係稻菊同集團打中檔之作。
睇賣相，以價論價平稻菊咁多，OK啦⋯⋯
少人食我諗係將軍澳少區外客去囉。
起碼我想去試就因為好鬼唔就腳一路無去⋯⋯

一千蚊太貴啦,食自助餐好過！


{:soso__13780918686075033497_1:}

unhappy123hk 發表於 2012-12-22 17:45

                               
登录/注册后可看大图

睇相應該唔係中或大拖羅.... 大拖羅係即溶
帶子只有一隻
三文魚係腩位

睇樂老講两句就知你識飲識食啦！
幾時帶我去食平靚正的日本菜？{:soso_e112:}

ken_choy 發表於 2012-12-22 18:43

                               
登录/注册后可看大图

食飯時間都咁靜， 不過講真現時市道競爭太大。
咁嘅情形佢都仲生存到，相信唔喺價錢則是qlty口碑！
...

呢間野環境同食物質素都唔错
但五百蚊一個人都唔算平
人少d 都可以理解嘅

tok 發表於 2012-12-22 21:12

                               
登录/注册后可看大图

KT真識食，
呢間野係稻菊同集團打中檔之作。
睇賣相，以價論價平稻菊咁多，OK啦⋯⋯

我幾鍾意呢間野架
人少少環境好，又唔嘈
呢種環境最啱食飯傾計……

chlonline 發表於 2012-12-23 19:21

                               
登录/注册后可看大图

一千蚊太貴啦,食自助餐好過！

大師，kt 對自助餐麻麻地
一來我開始老喇，食幾件魚生就飽飽地……一定蚀俾餐厅的{:soso_e109:}
二來如果要欣賞同食精致的食物……就千其唔好食自助餐

哈！打算寫返個日本食版報告。
估唔到比你寫先。
睇相d魚生都幾正，有曬色水。
不過我覺得我隨時食兩份。
天婦蘿都正！
成千蚊兩個人，有甘ge環境都唔錯。
不過我最like係人少。