(河馬仔專欄)尖沙咀《Farm Kitchen Vegi》德島洋式和風午餐

显示全部楼层 · 发表于 2012-10-23 23:16:55

登录/注册后可看大图

『馬場樂子(妹)』(18) : Mary的大學同學，也是Mary日文班的老師。

『馬場彩珠(姐)』(18) : 樂子的孖生家姐，和妹妹樂子一齊在同一間大學讀書。

『Mary CHAN』(18) : 馬場姊妹的大學同學，樂子負責的日文班的學生。

登录/注册后可看大图

樂子 : 今次介紹的餐廳，其實都有好多日本居港僑民以及喜歡食到來自日本的蔬菜的食客都呢度架。

Mary : 由於呢度係尖沙咀，所以店內就有唔少OL同埋白領食午飯噃。

樂子 : 雖然係商業區，不過店內就好有農莊氣氛架。店子就係位於尖沙咀金馬倫道The Cameron嘅Farm Kitchen Vegi。

登录/注册后可看大图

Mary : 有室內亦有室外座位呢，室外就有大遮。

登录/注册后可看大图

彩珠 : 遲到了呢，對不起。

樂子 : 家姐飲杯水先啦。

登录/注册后可看大图

Mary : 個餐牌有三樣幾特別而且較吸引嘅午餐SET噃。有洋風，和風...

登录/注册后可看大图

彩珠 : 還有德島特色料理呢，我們就逐樣要一人前呢。

登录/注册后可看大图

樂子 : 餐前有一個好好食嘅胡麻醬沙律，沙律夠凍而且蔬菜非常爽脆，食得出蔬菜嘅新鮮呢。

登录/注册后可看大图

樂子 : 先來呢個『和風四角御饍』，有日式牛肉煮薯仔+刺身三種+雜錦天婦羅+鹽燒鯖魚，刺身就較薄就普普通通，牛肉就略嫌肥但又係薄，不過天婦羅就真係做得唔錯架，有蝦有蔬菜，炸漿做得唔厚而且炸得幾透，鹽燒鯖魚就味道適中都算可以啦，四樣味道都係偏淡少少，加上糙米飯，始終餐廳都係有健康嘅主題嘛。

馬場樂子 --- 對『和風四角御饍』之評分 :

登录/注册后可看大图

彩珠 : 到我這個『洋風四角御饍』，有雜菜湯之外和芝士麵包外，還有蒜香雞肉配燒肉汁+刺身意粉沙律+吉列忌廉蟹肉枝豆+雜錦海鮮煮薯仔。雜菜湯不像羅宋湯甜但充滿不少菜，蒜香雞肉又真的頗香口，有點似雞排。刺身意粉沙律有時會用上三文魚或吞拿魚，凍食較合夏天的。吉列忌廉蟹肉枝豆有點似可樂餅的做法，外面脆脆但入面軟綿綿而且有豆有蟹肉好有層次，細細一塊好適合少女的口味。雜錦海鮮煮薯仔也很好味道，入面有少少小八爪魚，加上菜蔬好有燉菜的風格呢，而且這個set有齊各式各樣的，看起來都有夠豐富。

馬場彩珠 --- 對『洋風四角御饍』之評分 :

登录/注册后可看大图

樂子 : 係噃，Mary想知道德島的飲食特色同埋特產呢。

彩珠 : Mary您一定食過鳴門卷啦，類似一種魚卷上有一個漩渦圈圈的印呢，其實如此叫法都是以鳴門海峽的漩渦而命名的，而鳴門市就在德島縣的。當然魚卷的起源就不清楚了，不過德島出產的酢橘，鳴門海帶，鳴門蕃薯，常節小鮑魚都很有名的。

樂子 : 同埋德島拉麵幾喜歡落半熟蛋或生蛋呢。而德島古時叫做阿波國，不如今次Mary就試下呢個『德島御饍』(炸日本阿波尾雞)。

登录/注册后可看大图

Mary : 呢個御饍同我平時食過嘅日本菜感覺好唔同，有加入大量白飯魚的雜穀飯，估唔到可以令一碗飯即時好似變了身一樣。而呢個甜麵豉醬長茄子燒得甜甜地但又保持茄子嘅爽，連我唔多鐘意食茄子都好鐘意。更精彩嘅就係呢個炸阿波尾雞，雖然外表有點乾身，但做到外脆內嫩就係呢種，熱辣辣嘅肉再加上少少的胡椒盬簡單直接令冇乜脂肪嘅炸雞皮同埋嫩雞肉昇華到極高水平，成個餐一啲都唔乾身，一流。

樂子 : 而阿波尾雞係德島縣之名產，此雞種經過當地之努力研究之下所配種而成，既有軍雞之活躍個性及耐熱耐寒，亦帶有肉質之甘香。由於阿波尾雞在飼養上有很多限制以及產地不太多，所以好多人見到都好想試試呢。

Mary CHAN --- 對『德島御饍』(炸日本阿波尾雞)之評分 :

登录/注册后可看大图

发表于 2012-10-24 05:00:42

現在比較有名D拉面，一碗都要78-88元，80-85元套餐，抵食呀！

发表于 2012-10-25 23:23:29

wellcometaste 發表於 2012-10-24 05:00

登录/注册后可看大图

現在比較有名D拉面，一碗都要78-88元，80-85元套餐，抵食呀！

咁我寧願食呢個都唔多想食拉麵了,呢個夠特色{:soso_e113:}

发表于 2014-6-6 22:09:32

價錢，景色，裝修同食物都好吸引

发表于 2014-8-12 12:16:03

真係好豐富, 套餐呢個價真係ok

(河馬仔專欄)尖沙咀《Farm Kitchen Vegi》德島洋式和風午餐

评分

相关帖子