北角老飯店 - 美味大閘蟹宴

又到農曆九月大閘蟹當造的季節
識飲識食兼對蟹情有所鍾的香港友人自然嚷着要品嚐這美味之物
一向惟命是從的 kt，可以做的祇是提供地點給友人決定而矣！

左思右量，kt 提供了兩大選擇:
新派食蟹專門店 - 鴻X海鮮酒家和....傳统上海老店 -北角"老飯店"
醒目兼眼光獨到的友人，第一時間選擇了......北角"老飯店"！


坐低第一眼，宣傳poster 就貼正喺牆邊
好似提醒我.....你識嚟呢度食就一定要食大閘蟹喇


閒日晚上七點左右，唔算太多人，環境氣氛都唔錯
適合知己良朋，把酒共聚！

"老飯店" 係略有名氣之傳统上海菜鋪
但今次我和友人目標明確......食蟹{:soso_e112:}
見部長介紹一個二人大閘蟹餐，二話不說，即點.....
呢個餐有乜野食？要幾多錢？
唔好心急！kt 影咗張菜單，不過賣下關子
睇完哂D餸送俾大家睇

好！一味一味嘅餸現在出場.......
先來兩冷盤 : 海哲頭 同 棒棒雞


海哲頭賣相幾靚，食落又幾爽幾咬口
最得係佢哋師傅嘅調味，唔係太重麻油味
唔似外邊有些渣野好似食麻油橡筋咁....要讚！


棒棒雞肉幾新鮮，粉皮又滑
同海哲頭唔同，今次師傅落嘅芝蔴醬好濃好搶味
但同雞肉和粉皮配合得好好
成碟冷盤確實做到俾人開一開胃的感覺


再嚟一個 蟹粉海鮮羹
睇樣係咪幾靚呢？話俾大家知，食落都好好味架！
羹入面蟹肉同蟹羔都好多
成碗野蟹味芬香，加埋少量切粒蝦肉.......一個字......正！


乜料？菜湯？
唔係....俾我哋洗下手嘅茶咋！
人哋用檸檬，佢就用菜葉，真攪笑！


再嚟一個幾傳统的蒜羌汁醬
做乜？等主角出場囉


出嚟喇！出嚟喇！主角出場喇！
每隻四兩多一點的江蘇大閘蟹出場喇
"老飯店"都幾老實，佢冇係又用唔係又用洋澄湖個名
而家又有幾多大閘蟹真係洋澄湖出品吖
係江蘇出品己經好好喇！


咁正嘅主角，梗係用另一角度影多張相啦！
聽部長講，如果唔要套餐，每隻蟹散叫要$280蚊/隻


影完相辦完手續，兩隻蟹就交俾部長做解剖手術喇！


解剖手術成功，堆砌番原狀


另一角度睇多一次，睇下部長大國手的手勢如何


開餐喇！開餐喇！
第一步先幫隻大閘蟹除衫，赤裸裸哋望真佢少少先.....
佢嘅蟹羔梗係第一時間咀落去啦......
嘩.....等同美少女羊脂白玉身驅......又甜又鮮
冇泥味！冇腥味！
祇有蟹的甜味、祇有蟹的鮮味、祇有蟹羔的香味......
我唔再識用乜野形容詞喇！總之就係好味好味好好味啦！

好野祇可以淺嘗輒止，因為見到友人的開心滿足食相.....
kt 決定將餘下的美食....盡留給友人.....讓她大快朵頤
一個無私的讓蟹決定.....換來友人細心拆了一隻蟹拑....然後親手奉上回饋
甜呀！甜呀！蟹肉甜，心意更甜！


不消半句鐘，蟹的嬌軀已經失陷了
剩下的.....祇餘衫褲.....蟹屍而矣！


又到大閘蟹嘅知己出場.....薑茶是也
中國傳统食療認知、大閘蟹因生活於寒泠湖底，故此是極寒之物
因此....品嚐完冷美人之後....一定要飲薑茶補補陽剛之氣


主角出完場，又到配角 show "哥利" 的時候
呢一味係葱爆肥牛
唔好睇好佢係呢餐嘅配角，佢有幾十年功力、實而不華的
點解咁講？
食呢味菜真係試到傳統上海菜的風味、同埋食到呢度厨師嘅手藝
肥牛入口就知好野，肥瘦適中，再加上撲鼻而來的蒜葱味
果然喺呢碟平凡的菜色入面....感受到"老飯店"呢間老字號的巧手小菜水準！


冬菇豆苗.....水準之作
好嘅食物質素 - 豆苗鮮嫩爽甜
好嘅烹調水準 - 炒豆苗唔油膩、咬獻


蟹粉小籠
遲咗少少影相，個小籠包有少少漏氣，唔得飽滿添{:soso_e110:}


有料即係有料，雖然漏咗氣外觀差咗
但除咗個bra，你話係咪正到漏汁 :y-53:


菜肉雲吞，全餐飯最唔掂就係呢味
湯冇味、雲吞都冇味
唔得 :em13: 食咗一粒就唔食要變廚餘了 :em18:


高麗豆沙，又係麻麻地
第一係樓面問題，呢味甜品上枱時都唔夠熱，冇咗個種一咬落去有豆沙汁流入口的感覺
第二係厨房問題，成舊野粉多 (又冇味) 豆沙少......


最後....西瓜一碟
特別一提，傳統店舖就有呢樣好.....食西瓜就送上話梅粉一樽
唔好睇少呢樣小事，連臨尾送客的生果碟都一絲不苟.....抵讚:em20:


kt 覺得話梅粉真係可以調起西瓜的甜味的
落少少話梅粉在碟邊，拮起西瓜索下粉......冇得頂！


嗱！全餐食哂喇
kt 而家就 post 張菜單出嚟做個總結
呢個餐而家做緊特價$880
連茶芥、加一同貼士埋單$1030
抵唔抵食你哋話喇！

梳化你先
蟹會補精益血，加上薑茶行氣活血，一定谷精上腦，有無搵靚女解決？

咁識飲識食，又。。。。
真羨慕死人

SmallD 發表於 2012-10-22 15:04
初初

你想初（搓）乜嘢

價錢當然係貴啦。。。
不過有時冇得計咁多

SmallD 發表於 2012-10-22 15:04

                               
登录/注册后可看大图

初初

霸頭位淨係"初初"兩個字，好多人唔肯過你喎D超{:soso_e120:}

unhappy123hk 發表於 2012-10-22 15:10

                               
登录/注册后可看大图

價錢當然係貴啦。。。
不過有時冇得計咁多

其實兩隻蟹都好大，D餸又好食
你問我我會話.....物有所值囉
我早日又去咗小南國食咗個差唔多嘅餐
價錢最後埋單都要八百幾
但D餸又細碟又冇咁好味
隻蟹得三兩左右又冇咁鮮甜
一比之吓呢個餐明顯抵食D

KT食囡囡講究，原来食野一様咁講究，真係VS真正食家。

秋風起，蟹腳癢！
我就話唔貴！
見到大閘蟹d膏，真流曬口水！
成個餐得兩個菜標能合格，
但都無影響大局。

國慶時上深圳西湖春天食過餐大閘蟹，
一隻4兩都要成180蚊人仔，不過比起
香港街市賣既25蚊隻又真□系好食好多！

SmallD 發表於 2012-10-22 15:04

                               
登录/注册后可看大图

梳化你先
蟹會補精益血，加上薑茶行氣活血，一定谷精上腦，有無搵靚女解決？ ...

頂！呢度飲食版嚟架
講到埋完單咪算囉
仲要人寫埋下半場，冇解{:soso_e117:}

係呀，點解D超你唔加分俾我？{:soso_e109:}