觀塘德星酒家食後感

這是一份充滿巧合的報告
巧合在樂叔在近期先出他的第一份飲食報告
巧合在金虫先生又回應介紹一些觀塘火煱美食
巧合在 kt 又在上星期六無厘頭要和虎往觀塘辦一些事 (其實 kt 很少在觀塘區出沒的)
咁多巧合事夾埋，促成咗今次 kt 觀塘尋食之旅 - 德星酒家火煱


嗰日好早就到，坐低嘅時候得六點半，咁早梗係得幾枱客啦{:soso_e121:}
講吓德星嘅環境......
裝修美輪美奐......不過係三十年前
講真，咁耐歷史又座落於一個舊商場嘅酒家
期望乜野豪裝是不切實際的......一句講哂，算可以接受啦！


德星自助火煱現在正價$98 (2個鐘) 喇，不過仲有宵夜時段$88 (9點後入座)
但免費湯底唔多，得三款大路野
其他要加錢，第一次去唔知頭唔知路，都係揀個沙爹鴛鴦煱穩陣點


影埋張 order 紙俾大家睇，基本大路野都算齊全啦
可惜無新鮮生蝦送，要加錢{:soso_e103:}


係咁意影張沙爹鴛鴦煱相呃多一分先！:y-53:


除咗肉類，德星又設有一個所謂"美食亭"
有幾款菜、鮮冬菇、金菇、羅白、粟米......等等
比較特別仲有南瓜件，夠健康！
當然.....烏冬同公仔麵都任攞
呢幾款蔬菜雖然大路但就幾新鮮，唔係嗰D睇落又黃又老嘅樣，唔錯！


打邊爐"拾吓拾吓"梗係要食多點款式啦
兩個人叫咗八碟肉........
有駝鳥肉 ，因為對呢度嘅肥牛冇乜信心
因為試過好多間平價自助火煱嘅肥牛都係得肥肉冇瘦肉，真係食唔落 :em18:
仲有魚蛋同貢丸，但質素好普通，魚蛋仲腥腥地{:soso_e149:}


呢碟釀魚肉同水餃就唔錯喇
水餃幾多餡料，但就係韮菜水餃，老虎個人口味對韮菜有抗拒，所以幾隻水餃都係我食哂
釀魚肉豆"pop"嘅味道都唔錯，可以推介！


又豬膶又鵝腸又魷魚，kt 係咪揾命搏呢？
唔緊要，我年青有本錢嘛:y-17:


呢碟駝鳥肉唔錯，"拾"完都好滑好有肉味
一定好過嗰D肥到阿媽都唔認得嘅"肥"牛


呢味手打牛丸就係 kt 成晚覺得最正嘅一味
好新鮮好滑同好入味
好似食緊山竹牛肉點心咁，一流！全力推介！


再叫多碟炸腐皮卷，中規中矩啦


除咗打邊爐配料外，德星仲有一個熟食counter
入面有碗仔翅......不過我冇試呢個大路生粉獻喇
仲有唔知係茶葉蛋定鹵水蛋嘅物體，因為又冇茶葉味又冇鹵水味，所以我都唔肯定係乜？:y-47:


連潮州粉果都有，味道都O.K.架！


又有類似芋角的東西，豉汁味道還可以，不過唔夠熱，麻麻地！


炸雞翼就幾好，夠香口！

其實仲有三款糖水 (芝麻糊、綠豆沙同番薯糖水)，不過我冇食到喇！


打邊鑪"拾"咗兩個鐘，時間都差唔多八點幾
客人就多咗好多，有八成滿左右
但有一樣野提一提，我同老虎食完都差唔多兩個鐘
熄咗爐吹緊水時候，真係有部長埋嚟叫我埋咗單先
睇嚟呢間野真係會嚴格執行任食二個鐘呢條規矩的，大家要注意喇！

好喇！介紹完食野嘅過程，係時候寫下 kt 嘅食後感喇！
以咁嘅價錢，德星嘅食物質素都叫做合格有餘了
但我想講....... kt 唔會再去幫襯了
點解？
德星嘅火煱食物質素唔錯，環境及服務都尚可接受
但 kt 最頂唔順嘅就係衛生問題
佢哋嘅杯碟碗筷唔乾淨不特止，仲要有D上次食完殘漬遺留
攪到老虎黑哂面，用咗十幾分鐘用咗成壺茶先洗得乾淨
呢種情況好明顯係廚房清潔阿哥阿姐做野馬虎之過

這還不特止，kt 去到剛才介紹過的蔬菜美食亭
因時間尚早唔係太多人，所以見到一個奇境.........
就係有一群蚊滋仔 (對！係一群，唔係幾隻) 喺D蔬菜上面悠閒地游戈
攪到我乜 mood 都 down 哂！

仲有仲有，我講過自助火煱有幾款糖水送
但 kt 冇影相、亦冇食到，點解？
而家開估......因為係個糖水車隔離唔夠幾cm，有一道由天花流落嚟的水柱:y-47:
對！係一路唔停的水柱，唔係水滴:em13:
奇怪的是，所有經理、部長同樓面好似見怪不怪咁眼尾都唔望吓條水柱
咁嘅情況，你話 kt 會唔會揾命搏去試呢D糖水喇！

kt 唔係奄尖的人，亦係草根出身
好多街邊老店或者街邊大排檔比較惡劣環境我都甘之如飴
但咁嘅衛生水準我就真係頂唔順喇！冇下次了！:em18:

kt超版再出食版報告~
金虫一定支持{:soso_e182:}
金虫估唔到可以坐到呢張VIP梳化~
實是慶幸~{:soso_e113:}
金虫亦估唔到kt超版伉儷會去德星打邊爐"拾吓拾吓"~
真令金虫受寵若驚{:soso_e152:}

金虫既推介令到kt超版夫人黑哂面~
金虫在此衷心地致歉{:soso__16000147948573004885_1:}
金虫既推介亦嚇倒kt超版(衛生水準)~
金虫在此衷心地講聲{:soso__5452375104824289346_1:}

金虫只係去過德星一次,
對德星既印象只係得平中之上,
即係平價之中既佳選~
上次去食已經係一年多前,
感覺內裡裝飾麻麻,
因金虫果次去到,
友人已幫手將d杯碟碗筷洗乾淨~
所以當時未發現有殘漬遺留~
總之,金虫好多謝kt超版爆料~
以免金虫下次耐99帶d朋友走去幫襯

之前應承kt超版會出食版報告~
可惜因工作繁忙而遲遲未出~
金虫在此衷心地致歉~
但金虫係有口齒之人~
應承左出,就一定會出~

金虫第一份食版報告~
將於三日內出~
如未能於期限出,
金虫在此衷心地懇請kt超版扣分~
以示懲罰~

金虫

yob 發表於 2012-8-27 10:52

                               
登录/注册后可看大图

kt超版再出食版報告~
金虫一定支持
金虫估唔到可以坐到呢張VIP梳化~

嘩！金虫你做乜覆得咁凝重？
我冇野喎！kt 出呢個報告都係平常心
想出個報告寫番我食完之後的真心感覺，絕無怪罪於你的意思
講真，呢個世界每人口味感受同要求都唔同，加埋每日的環境變異
點會有做媒人包生仔呢回事吖
分享交流的真諦就係講心中所想，好嘅要講，唔好嘅更加要講，咁就足夠嘅喇:y-53:

仲有仲有，我好多謝你呢個梳化回帖呀
個報告都出咗幾日都冇反應，攪到我以為個報告毫無吸引力呀
你一回帖我個心都定D，哈哈哈！

我等你個報告呀，唔駛急，但要快！

C HING  无加一,荼芥，埋單是否98元?

kt1997kt 發表於 2012-8-27 11:25

                               
登录/注册后可看大图

嘩！金虫你做乜覆得咁凝重？
我冇野喎！kt 出呢個報告都係平常心
想出個報告寫番我食完之後的真心感覺， ...

金虫都唔明咁好既包膠~
都冇師兄發表支持下{:soso__16816822747032754598_4:}
可能係命中註定金虫坐呢張sofa{:soso__13549960101623139298_2:}

咁好既包膠都比人忽略~
金虫決定喺其他回帖~
請大家過來欣賞下呢份佳作先{:soso_e179:}

wellcometaste 發表於 2012-8-27 11:52

                               
登录/注册后可看大图

C HING  无加一,荼芥，埋單是否98元?

係呀！98蚊全包！

小弟極其喜歡打邊爐
亦因為喜歡
故此對打邊爐既要求特別高
所以坊間好多任食打邊爐
都未能乎合我既要求
係我印象中
任食邊爐的食品大多唔新鮮，而且質素唔得
所以小弟寧願死慳死抵
都去返d遂碟計既高水準火煱店
唔去呢d任食邊爐

batbatbat 發表於 2012-8-27 11:58

                               
登录/注册后可看大图

小弟極其喜歡打邊爐
亦因為喜歡
故此對打邊爐既要求特別高

我都好贊同你嘅睇法
而家任食邊爐好多都要鬥平，所以將貨就價
D 食物款式係多，但質素就麻麻
可惜我久唔久都要幫襯下呢D任食邊爐
因為如果我同老虎得兩個人去打邊爐，有時叫多兩碟野都食唔哂
所以打邊爐時品種比較少，食多幾次又會心思思去打番次任食邊爐
貪你款式多，每樣可以食少少試下味過吓癮
起碼我可以叫下鵝腸、豬膶呢D被老虎定性為唔健康嘅野食下嘛

kt1997kt 發表於 2012-8-27 12:12

                               
登录/注册后可看大图

我都好贊同你嘅睇法
而家任食邊爐好多都要鬥平，所以將貨就價
D 食物款式係多，但質素就麻麻

咁你都講得冇錯
兩個人打邊爐的確只可以叫幾款野
有時又真係有d唔夠喉
所以任食邊爐先有佢既生存空間
其實有部份任食邊爐水準都仲叫還可以
不過價錢就一定唔會係98全包果d....
但果d連埋湯底, 醬油, 茶芥,等等
同去非任食邊爐都差唔多

batbatbat 發表於 2012-8-27 12:21

                               
登录/注册后可看大图

咁你都講得冇錯
兩個人打邊爐的確只可以叫幾款野
有時又真係有d唔夠喉

有冇比較好嘅任食邊爐介紹下？