周月拉麵

暫時唔想出骨場報告住,
應承過象版同batbat ,KT等人會出個處男下海食版報告.
早兩個禮拜終於食左一間值得推介下...
話說上個星期小弟大鄉里有D事要出省城一趙,
辦完正事就行去附近搵野食醫肚.
行下行下行左去呢度...


見裡面都係3 幾個人排緊隊,
比起隔離不遠處九記條龍短得多...
就入呢間啦...
店子小小, 裝修簡單得黎滿有日本拉麵店氣氛


呢度選擇唔算多, 好似常備拉麵係4定6款, 再加2款時令限定...
我就叫左燒黑豚肉拉麵...


等左唔駛十分鐘就有得食了,
一黎就呷左啖湯,
唔錯, 話就話係醬油湯底,
不過淨係睇層油都知應該落左豬骨, 同埋可能雞落去肴...
基本上咸香有味道.


再睇個麵,
比一般拉麵略幼身,
可能為左唔好吸太多醬油而選用卦,
咬口麵香合格有餘,
就係幼身所以味道略淡,
未盡我偏好味濃者之意.

小弟極愛食溏心蛋,
搞到連相都唔記得影就消滅左佢添...
隻蛋做到流心當然係基本要求啦,
有蛋香, 內裡嫩滑, 唔錯.


跟住另一主角出場,
黑豚肉用左用腩肉之類部份,
帶住D肥膏當然甘香可口,
再加上表面輕輕燒焦, 加添野味...
諗起都仲流口水...
不過肉味未算係上上之品, 未夠鮮甜.
又不過, 幾十蚊碗拉麵又不宜要求過高, 算啦.

最後埋單連加一盛惠...


呢半年自稱正宗拉麵開左好多,
我試過嘅... 好少...
因為我最怕排隊...
所以呢間周月我只好同自己去日本食過拉麵比較.
坦白講, 價錢絕對唔係平,
不過裝修, 食物質素都有日本風味,
水準都可以算係中上之選.
係唯一唔好就係,
如果我山長水又遠出到去中環,
歌賦街果頭咁多好野食,
下次入唔入去好呢?

tok既飲食報告
一定要霸頭位

睇相呢間野的確幾有日本地道feel
我係香港好少食拉面
唔係唔鍾意食
價錢唔抵係一個原因
排隊都係另外一個原因
始終排成粒鐘食碗拉面好似唔多化算
不過呢間睇落水準唔錯
價錢唔平但如果唔駛排隊都值得去試

不過學tok版講
去開果頭又真係好多選擇喎......

仲有
做咩暫時唔出骨場報告???

batbatbat 發表於 2012-7-30 14:51

                               
登录/注册后可看大图

tok既飲食報告
一定要霸頭位

你都話係港島人啦,
難為我呢D新界大西北鄉下佬,
真係好日都唔過一次海出城嘛...

不過呢間水準算係唔錯...
同埋唔駛點排果下幾好...

tok 發表於 2012-7-30 14:54

                               
登录/注册后可看大图

你都話係港島人啦,
難為我呢D新界大西北鄉下佬,
真係好日都唔過一次海出城嘛...

雖則我係港島人
不過平時冇咩必要都唔會過中環食飯啦
尤其係LUNCH....人又多, 而且又貴
去親中環食飯都係D友人相聚飯局
所以要去呢度睇怕都真係要特登一試......

尼個價錢比日本貴好多，係日本同常會賣500-800yen一碗。
不過睇上去真係幾足料。
Tok版果然食野同dup骨一樣，中意去少d人果間。

tok 超你好嘅又學，唔好嘅又學
好嘅學kt 出飲食報告，tok 超 你就可以揾到那種新鮮感覺
唔好嘅又係學 kt 唔出骨版報告住，你唔同 kt.....
kt 唔出報告冇乜人理，你 tok 超唔出報告住你嘅 fans 分分鐘掟蕉反枱呀:em14:

講番呢間周月，你影嘅相如果唔話俾人知喺香港，講係日本某小店都有人信
真係好有日本拉麵店個種味道
我而家先睇到呢個報告，加上個人有少少肚餓
你個報告真係睇到我流口水呀
我同你一樣，食拉麵鍾意濃湯濃味
你個碗燒黑豚肉拉麵一睇就知好夠味
D 麵我都覺得好爽好正
食拉麵我鍾意食麵多過食肉
平時食普通拉麵鋪我都係鍾意食隻蛋多過食肉
何況今次你個隻係溏心蛋，俾我都係第一時間清咗隻蛋
再消滅D麵，最後先係黑豚肉
讚咗咁多，惟一要彈係價錢好似貴咗D喎！
不過點都好，多謝 tok 超呢個處男飲食報告:em17:

托版出既報告，真係好有咸味濃味報告，又周又月夠味道

個拉麵  睇個樣好正  好想食
不過  好貴呀

夜媽媽睇完TOK版呢個拉麵報告流哂口水{:soso__1464060584687121763_1:},開始肚餓,唯有煮個公仔麵頂住檔先{:soso_e135:}

tok 版處男下海既食版報告~
金虫一定支持{:soso_e142:}
金虫係中西區食虫~
虫宅都喺中西區~
周月~
金虫都食過幾次,
上一次係6月頭,
2條友去...一人叫左一個麵再share 食~~
我朋友叫左一個叫青之涼麵, 88蚊 每日限定30個!!!
份量都幾多~上面有香草同菜,
配黃芥末食... 成個感覺好fresh ,麵底仲有"秘製醬汁" ,
都係酸酸地個d... 夏天食呢個真係一流!!!{:soso_e179:}
麵身就比較扁同薄, 所以就會吸收晒d醬汁 ,
每一啖都會食到菜同埋沾左醬汁麵, 口感好豐富!

我梗係要嗌鋪頭既主打~沾麵tsukemen
店員話麵可以選擇凍定係熱食.,
不過我認為凍食既麵係爽口同彈牙d 既!
而且可以揀100g 200g 300g 均一 $85
我揀左200g~
黎到個麵仲會送多隻糖心蛋..{:soso_e182:}
雖然嗌左凍既麵, 黎到係一室溫既凍,
並唔係果d放入雪櫃雪到硬晒個隻,
睇落都已經好有彈性, 麵身較粗,
而個醬油湯係熱既, 咁就明白到點解個麵係室溫, 而唔係冷麵個既凍啦..
因為佢係沾麵, 點一點就食..如果係凍既就會外面係熱,入面係凍好奇怪
個醬油湯好香.湯入面有荀同豬肉~
十分濃厚既味道~
鍾意食濃味野既人真係會覺得好正!{:soso_e113:}
而糖心蛋都係偏咸,似係用醬油煮既...
食完個麵,仲會係個醬油湯加雞湯, 可以飲埋個湯..
呢個時候已經好滿足~

補充資料：
店員既服務係好好...好有禮貌,
亦會主動幫你加湯同加茶..
而且對食物都好熟悉...
係值得一讚!
環境好乾淨舒服,
燈光我相信有經過心思既安排,
因為坐係到個陣唔會有燈"燦"住隻眼,
但係食物放係你面前個陣就會好似打左燈咁..
好神奇!哈哈

金虫