星期六晚走去東涌逸東搵食,記得有師兄出過東昇樓農家菜的包膠,
咁岩順路就入去試試,睇下究竟係景點定食點!
沿著信逸樓一直行約分零鐘就會見到一條鐵樓梯,
遠遠望到燈光火著果度就係今晚目的地!
去到東昇樓先發現太多人要等位,又估五到山卡
啦地方都咁旺,太肚餓五等啦,見到有間新開
主打川粵菜的正記有位五使等,就退而求其次!
奇味脆骨腩$55,外層夠脆內裡魚肉仍保持鮮嫩,
SORRY!太肚餓啦食左大半先記得影相,份量其
實頗夠,微辣帶點之然粉香味,送啤酒絕配! 7/10
避風塘牛仔骨$80,價錢貴左D但份量足無呃秤,
應該係先過牛仔骨後拉油,再加上金銀蒜、辣椒、蔥
少許之然粉和幼黑椒,後用猛火狂炒幾下,鑊氣十足! 6/10
勝瓜炒什菌$45,呢個價錢絕對貴,想想一條勝瓜不過
才十元八塊,成碟野總成本都五使15蚊,感覺有D搵笨,
不過仍要讚一下廚房佬,勝瓜剛剛熟與五熟之間,火喉
控制得宜,為呢碟野扳回五少分數! 6/10
一碗白飯兩支獅威三個小菜埋單$234,五平亦五貴!
希望下次來試下東昇樓,到時再和大家Share,拜拜! |