大埔大大塊豬扒

我有個老友喺大埔長大。
近十幾年已搬到去港島住。
但佢幾乎每個月都會揸車番入大埔搵嘢食。
佢話對"家鄉"美食好有歸屬感。
兩年前跟佢到大埔熟食中心開餐。
食到個肚撐到要爆咁滯。
但最後碟炸豬扒，令我念念不忘。

呢日，見橫掂有事要入大埔，提早少少出發。
坐火車到大埔墟站，由A2出口步行唔駛十分鐘。
自己失魂，落雨冇帶遮。
好彩由車站到大埔綜合大樓，沿途90%都有瓦遮頭。
只係到咗馬路對面行人路要冒雨濕一陣身過馬路。
呢座大埔綜合大樓認真夠派頭，外觀美侖美奐。



地下係街市，一樓係賣生果、乾雜貨。
二樓就係我今次嘅目的地 - 熟食中心。
上去搵食，唔駛經街市，有行人電梯及升降機直達，可以避開街市的魚腥味。

熟食中心面積都幾大，地方好企理，食檔數目都好多。
雖然有心目中要幫襯的食檔，不過我都刻意兜一轉睇睇。
食檔雖多，都係以賣粥粉麵為主。
今次幫襯的係"東記上海麵"。

我想食嘅唔係上海麵，而係佢地嘅招牌炸豬扒。
一盒豬扒要成60蚊。
如果叫個$19粉麵，加多6蚊就可以拼豬扒。
一盒一個人冇可能食得晒，就要個菜肉雲吞河拼豬扒。

個河粉先上，四粒雲吞，兩條大菜芯。
河粉冇淥得過淋，以19蚊計，冇嘢投訴。
五分鐘後，主角到。

新鮮滾熱辣啱啱炸起，睇見都流口水。
諗唔到加6蚊塊豬扒咁鬼大，抵呀！
如果60蚊盒有10塊，嘩！點食得晒，好彩冇貪心啫。
拿拿林咬一啖。
好香嘅南乳味！
豬扒厚一公分（唔計漿皮），唔厚唔薄，炸得啱啱好。
平民嘢，一定係雪藏貨色，不過炸得唔乾唔韌。
豬扒邊條肥膏仲喺度。
精華呀！
唔怪得知咁鬆香美味。
顧住食主菜，碗配菜河粉終於食剩半碗。
兩年的思念得到慰藉，好滿足咁離開。
臨走前留意到雞翼都係佢地招牌菜。
好，一於下次換過口味點雞翼鐘。
又或者起個雙飛，兩樣都唔放過。

進食期間，店家有問我飲唔飲嘢。
我冇叫飲品，因為我打算搵個茶檔飲杯咖啡。
印象中，呢度D茶檔奶茶咖啡都有水準。
吓？！點解所有茶檔都冇開㗎？
算啦，橫掂仲有時間，速速離開熟食中心，搵間茶餐廳嘆番杯熱咖啡。
飲埋呢杯咖啡，至講得功德圓滿。

炸豬扒擦有南乳一定好香口惹味， 睇見塊豬扒都流口水！ ！
我要起雙飛~雙飛~~！:y-87:

下次叫埋我一齊食!

這間東記..我都食過..好似出過報告..但我又搵極都搵唔到{:soso_e101:} 再搵先{:soso_e112:}

20813261 發表於 2012-5-17 15:43

                               
登录/注册后可看大图

下次叫埋我一齊食!

係啊..叫埋我老友去丫{:soso_e112:}
大埔熟食市場  同埋街市  都好多人識佢架{:soso_e179:}
佢出名在街市向D肥EE批睜 掃pat pat  {:soso_e102:}

kkbbq 發表於 2012-5-17 15:53

                               
登录/注册后可看大图

係啊..叫埋我老友去丫
大埔熟食市場  同埋街市  都好多人識佢架
佢出名在街 ...

肥EE我啱,不過我無係街市咁做喎,
我都係跟你上老人院揾好過

塊扒真係好大塊{:soso_e102:}
好吸引

炸豬扒睇朱兄報告真係keep到當年水準
冇錯如果去食真係要打孖食埋雞翼,以前要留肚至去食
幾懐念下{:soso_e129:}

20813261 發表於 2012-5-17 15:43

                               
登录/注册后可看大图

下次叫埋我一齊食!

下次都唔知幾時入大埔
不過唔一定入大埔
由象版做領隊，去邊度食都得啦

kkbbq 發表於 2012-5-17 15:53

                               
登录/注册后可看大图

係啊..叫埋我老友去丫
大埔熟食市場  同埋街市  都好多人識佢架
佢出名在街 ...

原來佢口味真係咁清，專食豆腐.