九龍城湘菜 - 湖南少奶

vshare系統升級，混亂中圖片上傳功能暫時失效
飲食報告沒有美食圖片點出報告呀？
哈哈哈！kt 好好彩在系統升級前上傳咗幾張相在草稿箱
而家可以施施然趁這個空檔出番個報告
嘿！今次呢個報告仲唔係獨家冇人爭！{:soso_e128:}

好！話說某閒日晚上，kt 和老虎又要揾食
記起九龍城有間有少少名氣的湖南菜......湖南少奶
就唔理三七二十一，飛奔試菜去也.......

湖南少奶，一間小館，沒有豪華裝修
但有那種特別的味道.......甚麼味道？
kt 唔太知道......
我和老虎都未去過湖南，唔知道它是否有地道的裝修
總之就係那種古樸的感覺.....一種令我舒服的感覺
唔識講唔識形容，惟有用相帶大家去睇下啦...........


一幅有古典圖案的大門，與兩側桃紅磚場配襯出一種懷舊feel


睇吓那些四方木枱，有冇當年武俠片中風流俠仕的痕跡？
唉！kt 真係老喇，連寫寫吓飲食報告都想當年、話當年{:soso_e127:}

唔吹水喇！快快趣趣入正題..........


湖南少奶.....食的是湖南菜
湖南菜有乜特色，kt烏啄啄，總之是那些甚麼水煑菜式、味道有點辣吧！
第一味點的是涼拌魚皮
白淖魚皮，用少許薑絲葱絲豉油麻油撈出來的涼拌魚皮就食得多
呢味辣辣地的涼拌魚皮就第一次食
佢哋加咗一些辣椒油，再加埋紅椒撈埋，幾鬼有特色
魚皮一樣好爽，加埋凍凍地辣辣地，做頭盤幾開胃架{:soso_e124:}
不過 kt 又衰又奄尖，總係覺得魚皮欠咗以往粵式做法嗰種鮮味
唉！都係 kt 食古不化，唔肯接受新口味{:soso_e134:}


第二道菜 - 毛氏紅燒肉
呢味係這間食肆名菜，X飯網讚到天上有地下無
講真都幾好味的，那些豬腩肉肥肉瘦肉比例一流
炆得唔太淋有咬口，冇東玻肉咁肥膩
老虎要 keep fit 祇係淺嚐咗一舊，其餘的入哂 kt 個肚度喇
但又係美中不足，就係紅燒肉炆得唔太耐，所以味道欠咗少少濃味......
唔知係咪 都係 kt 奄尖喇！:y-27:


第三道菜 - 黄骨魚煑荷包蛋
嗱！呢味菜就係成個報告最正的推介！
嘻！反而X飯網提都冇人提過........冇眼光:em11:
講番個菜，黄骨魚即係黄花？
佢哋應該係用魚湯底浸熟條黄骨魚，所以條魚好滑，好入味好甜！{:soso_e179:}
點解水上人好多都用油鹽水浸魚，道理都係一樣，追求鮮味嘛！
仲有神來之筆.......就係荷包蛋喇
D細細塊嘅荷包蛋煎到唔太熟還有少少蛋汁
隻荷包蛋吸收埋魚湯的精華，魚味加蛋味.........
入口的感覺........一個字......正！


切開了的荷包蛋，蛋汁加魚汁.......kt 強烈推介
攪到 kt 冒被扭耳仔的風險都要同老虎爭食 :y-17:


最後一道菜 - 香辣笳條
呢味菜都好香口，味道都好正好辣
但炒笳子好蝦厨師手勢.......
呢碟香辣笳條賣相好，味道好，但就肥膩了少許
初時熱熱地時食咗好多件，但一凍了少許時 kt 就唔再起筷喇！
普通之作！

成餐飯三百有找，都算不過不失啦，話哂都叫做有些特別的風味！
嗱！我呢個報告係為咗撑象版先怱怱忙忙出的
呢幾日見象版冇乜生意 (唉！冇得上傳相片點出飲食報告呀 :y-63:)
咪出番個半行貨報告等象版有些勢藝加吓我分啦 :y-17:
象版你要體諒 kt 一番苦心，唔好炳我出個咁屎嘅報告就得喇！

攪乜呀！個糸統又唔同咗嘅？
我六日前在草稿箱開咗呢個帖
剛剛得閒先趕好再正式出帖
以前都係計正式出帖嘅時間嘅啦
而家新系統當番我六日前嘅帖
所以沉咗落去
攪到我要補個回帖浮番起個報告:em16:

妖！又冇咗個邀請 function 呀！:em22:

六日前？R哂頭。呢D湖南菜同大陸個D好似未見過！黄骨魚即係黄花？係街市見又好似唔似黄花喎？不過好想試毛氏紅燒肉，毛主席食過話正！

kt1997kt 發表於 2012-5-14 17:40

                               
登录/注册后可看大图

攪乜呀！個糸統又唔同咗嘅？
我六日前在草稿箱開咗呢個帖
剛剛得閒先趕好再正式出帖

我仲以為自己眼漏眼，出左六日都唔知
報告未睇，先撐一撐你
係咪出相功能已經回覆正常？

kt1997kt 發表於 2012-5-14 17:43

                               
登录/注册后可看大图

妖！又冇咗個邀請 function 呀！

你pm所有好友叫佢地來捧場嘛 :em19:

chulo2009 發表於 2012-5-14 18:09

                               
登录/注册后可看大图

我仲以為自己眼漏眼，出左六日都唔知
報告未睇，先撐一撐你
係咪出相功能已經回覆正常？

出相功能未得呀！
我post 相上草稿箱係 system upgrade 前
所以先出到呢個報告咋！

chulo2009 發表於 2012-5-14 18:10

                               
登录/注册后可看大图

你pm所有好友叫佢地來捧場嘛

班好友會自已聞到味出現嘅喇{:soso_e113:}
我勞氣係次次糸统升級都有後遺症.......唉！

大表哥 發表於 2012-5-14 18:02

                               
登录/注册后可看大图

六日前？R哂頭。呢D湖南菜同大陸個D好似未見過！黄骨魚即係黄花？係街市見又好似唔似黄花喎？不過好想試毛 ...

黄骨魚即係黄花？
我都唔肯定呀？不過食落就好似黄花嘅味道！

小喇叭  無相post成個飲食區死氣沉沉 {:soso_e134:}  我都諗住過多兩日番元朗耕田 養豬{:soso_e162:}   估唔到kt超版出手扶小象一把{:soso_e181:}   比撚番DD生命氣息我  多謝晒喇kt超版{:soso_e165:}

kt超版 臨改版前  我寫緊一個報告架{:soso_e182:} 一改好版 我諗住仲唔攞番個頭彩{:soso_e179:} 點知到今日都未出到野{:soso_e109:} kt超版 咁嘅環境  你都幫小象撑下場  請受小象一拜{:soso_e183:}