重慶印度咖喱VS歷史回憶冰室

今日路過尖咀在重慶大厦附近  又正直午飯時間  重慶大厦出名印度咖喱  近在咫尺  梗要入去食番個正宗印度咖喱  但係咁多間  都唔知邊間掂  由地下行上二樓 當時是正午十二點半  間間印度咖喱都無人食  頓時失去指標



終於 在二樓比個熱情差仔Sell我  又招呼我坐低  又攞埋餐牌比我睇  唔止差仔熱情 仲真係幾熱  差仔又立即較把風扇吹住我  咁我邊好意思走呢  叫野食喇


雖然是一間小鋪但都叫尚算整潔




綠色衫的印藉青年 就是對我熱情招呼的待應

燒羊肉咖喱 $55 咖喱味道OK  羊肉唔so  唔so就唔似羊肉 但佢又真係羊肉喎  有印度咖喱香味  但唔算特出無乜驚喜  我喜歡印度咖喱最鐘意是咖喱汁夠杰  至憎水一樣的咖喱汁  這個燒羊肉咖喱  除左羊肉外  重好多洋葱 青椒  非常惹味 70/100

千層餅麵包 $15 厘個就離鳩晒譜啦  又燶又散  咁都好意思攞出嚟比客食  爹厘媽厘  35/100

瑪沙拉奶茶 $10 以前未飲過  好正喎 同港式奶茶差唔多  茶味獨特  但我唔識點形容  總之飲得過  我在網上查過  這 “瑪沙拉奶茶”是由尼泊爾傳入印度  第日無無聊聊上去重慶大厦  飲杯十蚊嘅“瑪沙拉奶茶”都幾好丫  75/100

埋單80元 唔駛加一小費 如果個千層餅麵包做得好D就抵食咧 不過厘一餐 我食完都係半飽乍

食完咖喱 一個無業游民由尖沙咀行落旺角昅下D MK女  昅到三點三就去嘆下午茶  朱老版去嘆甲子老店  小象當然唔會比朱老版威晒  我去厘間都有接近五十年歷史嘅 “合發咖啡冰室”聽個名都知有料到厘  

我有個茶記行家佢45年前已在“合發咖啡冰室”做童工  他說不知這冰室有幾耐歷史  但五十年一定少不了  我當然亦知在旺區廣東道有一間古董冰室  因為我15歲學師是做工模  很多五金器具都要去廣東道購買  我當然去過“合發咖啡冰室”合法蛇王喇


但近十年八載已無去過“合發咖啡冰室”今日去到門口睛天霹靂個舊式“合發咖啡冰室”嘅招牌去左邊呀  成個門口唔同晒  個名仲要改埋  叫做 “合發茶餐廳” 噢賣割！！  我又輸左比朱老版喇



一場嚟到都入去喇  用面目全非絶不為過  全間冰室格局  已不留下一絲印記  雖然這不是新裝修  應該有七八年以上  但都已破破落落咁款  唉  一間歷史文物咖啡冰室  這樣便化為烏有了

叫左一個23蚊西多士下午茶餐 杯奶茶 用一隻都唔啱厘個場面嘅杯嚟裝  厘款杯只適合D新派茶記用架乍  都唔諗下自己乜環境  乜地方  乜位置

但杯失敗乍喎  奶茶又幾好味喎  如果茶味再重番少少就最好咧  70/100

西多士 有料到  唔過火 炸得剛剛好 昅吓個水吧 一個四十歲左右男人  男水吧手法一定好過女水吧  但我西多士唔鐘意用鮮油  我鐘意用茶記的平價 媽之lin牛油  寧瀉好味  70/100

西多士中間  還搽上花生醬扮咖央  如果花生醬加少少果占重正 酸 甜 鹹幾種味道  好正架  如果有相熟茶記  叫佢做件試下丫  最好係同水吧師傅熟喎  你明唔明亞

重慶咖哩，我食過幾次，
唔知點解，每次都唔記得上次去食既係邊間
有好，有壞
但間間都差唔多，間間都話自己最正！
不過上去食，要小心，唔好入錯非洲餐廳（一樣有好多好多間)
我試過出笠時轉錯灣，入錯左
成間餐館，有陳怪味，可能係佢地既食材發出黎既味道，
香港人唔易頂架！
所以立即走都走唔切，
去番另一面既印度餐廳

去重慶食咖哩，
想得到印度籍既待仔尊重你
記得叫餐飲時，如果食得，最好用拼音黎叫番杯"拿C"(酸乳酪)
班待仔會當堂知你係食慣印度野，唔會亂點你叫d無謂野

以前約10幾年前重慶大廈印度人多，但係依家已經變左聯合國，
除了真正印人外，仲有土耳其、巴基斯坦、孟買孟家拉、泥泊爾等等…
相中的咖哩五似正宗印度咖哩，仲有印度人整薄餅好叻架，邊有話咁樣衰架！

象版若對懷舊冰室有興趣，我可以介紹一間超過五拾年的文華啡冰室，
位置係紅磡寶其利街近黃埔街，由觀音廟一直行到尾就望到！

SmallD 發表於 2012-5-4 16:11

                               
登录/注册后可看大图

重慶咖哩，我食過幾次，
唔知點解，每次都唔記得上次去食既係邊間
有好，有壞

我都係第二次去重慶食咖哩  所以都係唔知邊間好  都係求其一間碰運氣{:soso_e113:}
多謝你教我一句"拿C"  {:soso_e165:} 咁我除左識一句"爹Lee媽Lee" (識講千祈唔好同印度佬講){:soso_e169:} 又識多句"拿C" {:soso_e163:}
"拿C"酸乳酪  好唔好味架  會唔會好So呢？？

無爭有為 發表於 2012-5-5 00:42

                               
登录/注册后可看大图

以前約10幾年前重慶大廈印度人多，但係依家已經變左聯合國，
除了真正印人外，仲有土耳其、巴基斯坦、孟買 ...

個咖喱唔算差  只係個薄餅離譜D{:soso_e101:} 但係杯"瑪沙拉奶茶" 好香 好特別 我想叫多杯添喎{:soso_e179:}
多謝你介紹的懷舊茶餐廳   瞓醒就去試{:soso_e112:}

kkbbq 發表於 2012-5-5 04:50

                               
登录/注册后可看大图

我都係第二次去重慶食咖哩  所以都係唔知邊間好  都係求其一間碰運氣
多謝你教我一句"拿C" ...

印度人既酸乳酪，同超記既味道差唔多，不過濃小小
食印度野，辣野，有酸乳酪，可以解辣、開胃，
尤其是有唔太食得辣既朋友，係一個好選擇！

象版你食嗰個千層餅又真係燶咗啲喎. 我食過7樓嗰間咖哩皇, 有個中國人叫johnny落單, 但佢好似識講巴基斯坦或印度話. 佢介紹我食燒鵪鶉, 同教我講 "剌c" . 我覺得哩間好食可以一試. 不過有4-5年冇去過. 最記得第一次去搭電梯上去真係差啲唞唔到氣, 個陣味真係好難頂.

kkbbq 發表於 2012-5-5 04:56

                               
登录/注册后可看大图

個咖喱唔算差  只係個薄餅離譜D 但係杯"瑪沙拉奶茶" 好香 好特別 我想叫多杯添喎{:soso_e17 ...

文華冰室係我落香港飲的第一杯奶茶就係呢間，約1980年
果陣得10歲係老豆帶去的，聽佢講話好似已經開左十幾年！

ah_kay123 發表於 2012-5-5 13:22

                               
登录/注册后可看大图

象版你食嗰個千層餅又真係燶咗啲喎. 我食過7樓嗰間咖哩皇, 有個中國人叫johnny落單, 但佢好似識講巴基斯坦 ...

我都聽聞過7樓有間好野{:soso_e112:}    但7樓會唔會有好多間印度咖喱呢？？？師兄有無介紹{:soso_e181:}

無爭有為 發表於 2012-5-5 19:05

                               
登录/注册后可看大图

文華冰室係我落香港飲的第一杯奶茶就係呢間，約1980年
果陣得10歲係老豆帶去的，聽佢講話好似已經開左十 ...

已經去左  打緊報告{:soso_e113:}