葵芳金潮小厨

一行七人 到葵芳一家以平實出品 街坊價錢的菜館晚飯  話是晚飯  其實只是傍晚五時半  一入門 貌似老闆的男子就像盤問一樣 有冇定左位 七個齊人未 審問一番後才可入座  當時其實得三份一客人  有大把枱  算喇店  旺欺客常見架喇  叫野食把啦

招牌爽魚皮  這個魚皮 是用古式方法制作 油鹽更加上少許上等麻油  還有炸花生  麻油發出的芳香  未食都知好野  果然夠爽脆  唔駛點調味料  也有少許鹹味  只可惜葱花份量太少  不然就Very perfect
席上有位靚女  從來唔敢食魚皮  佢話魚皮好似蛇皮  佢見我地食得咁開心  試左一件  都話估唔到幾好食喎  80/100

南乳藕片炒腊肉  果真香噴噴南乳味  入口南乳味更是豐足  藕片略遜只因爽口  藕片小象不愛爽口  腊肉我覺得似五花腩多D  68/100

啫啫通菜煲  蝦醬做調味  通菜夠嫩  除非唔識做菜  咁靚嘅通菜  想整很唔好食都難  奇怪嘅係  無端端會有D又唔係好食過人嘅豬頸肉喺度嘅？？？  68/100

黃金蝦  這黃金蝦做得的確唔錯 鹹蛋黃佈滿整個蝦殼 分佈得很平均 又多 蝦夠大且鮮甜  但第一次食無頭黃金蝦 點解會無左個頭嘅  75/100

冰醬話梅骨  做法與季季紅的冰淋醬烤骨同一味道  酸酸甜甜 只不過金潮厘個細舊D  比季季紅果個睇落無咁漏  70/100

支竹蘿蔔炆魚腩  香囉  味道中規中舉  魚腩魚質麻麻  60/100

蒜蓉粉絲蒸扇貝  蒜蓉和粉絲都超多  好多都係叫做求其有就算  食到你到喉唔到肺  蒜蓉和粉絲值得幾多錢丫  只係厨房求其比D

隻扇貝新鮮到厘  唔講比你聽有幾好味喇  78/100

荷葉飯  嘩！！大包米喎  唔好話七個人  十個人都夠食  因為得我一條佬  個個細食

但係荷葉飯裡面有乜呢？我剿來剿去  都係得雞肉和豬肉  荷葉飯係人都知應該係有火鴨絲..冬菇..蝦米..豬肉..厘D材料喇  點解只有雞肉和豬肉架  重話金潮個荷葉飯都係必食之一添  最失敗係荷葉飯要有的荷葉清香  但係一D都無    失敗  50/100

七個人 六條女 一條佬 八個菜  咁七多野  梗係食九得慢D喇
佢老味  食完一樣  立即收碟  最後重有三隻碟  各有少少未食完  就問我地收得碟未  好似想立即趕鳩我地走咁樣  埋單加埋兩支啤酒 每人一舊  抵就真係抵食  服務就真係刁那嗎喇

埋完單  六點四十分  門外已經好多人等緊枱

d蝦無頭 應該已經魂歸天國！
香港人好犯賤咖，覺得間o野咁寸，梗係d野好掂囉！

本來睇到D菜式都好o岩我口味，價錢又唔貴，但要滾水淥腳
相信都唔會做到我生意 {:soso_e150:}

呢個魚皮好過有為兄上次試嗰個不知所謂嘅拖水魚皮好好多！
南乳藕片炒臘肉，呢樣最送得碗飯落！

食餐飯仔都被人趕頭趕命，換著我真食得唔自在囉。 。

隻扇貝好吸引，新鮮。唔怪得要$20隻

抵就幾抵，但咁樣待客就遲早聽收檔！
如果換轉係我吧挺火爆形，晨早拍檯兼爆粗啦！

想問下係葵芳邊到?

呢間以前係我飯堂, 真係好味~~~

象兄,我同你一樣,藕片唔鍾意爽口!淋身入味最正!我亦都鍾意蓮藕煲湯,再加綠豆就最好!
我食野鍾意慢慢享受,最憎人望你快d食完趕客咁!:y-21:

這間金潮係舊鋪時經常有去，但現址就很小去。主要是太串。