一間真正有Heart做~用誠意做的食肆

元朗屏山 久聞有一間好特別的餐廳 但我開工佢先開 我放工佢就收檔關門 這間就叫華嫂冰室
在輕鐵坑尾村站落車 行落停車場直行 行五分鐘就見到

第一次是星期三和一個女性朋友去試食
涷檸茶  我個女性朋友 咳 唔敢亂飲野

涷檸多(益力多) 我至憎飲益力多 但這個我接受 單是創意已贏晒

鮮茄豬扒雞翼烏冬  鮮茄湯底唔夠勝香園好味  但豬扒 雞翼都好味

芫茜皮蛋鮮牛魚肉米粉  鮮牛和魚肉同樣新鮮  茶記食咁嘅貨式  諗都諗唔到

招牌菠蘿包  必點項目

招牌菠蘿包內有 鮮油 雞蛋 蕃茄  保証耳目一新  保証食完唔會屌鬼


芝士鹹牛肉多士  這個反而平平凡凡  不過不失


以上埋單112大元

過兩日又去過  今次係帶隻老虎去

話梅柑桔水  柑桔水加話梅  女人至愛  老虎讚好


柚子七喜  我覺得甜左小小  但有賣點

豬扒烏冬(冬蔭公湯底) 我隻老虎一路食一路讚件豬扒超正  個冬蔭公湯底  睇個賣相都知好味喇 不過可惜鹹左小小

烤牛油豬仔包  一個用焗爐焗得香脆的豬仔包  再加上比一般多一倍的牛油  這樣簡單便成妙品

雞蛋沙律牛油多士  本來我叫係 “雞蛋沙律烤牛油豬仔包” 但豬仔包賣晒 要轉左做多士  但這樣又發覺多士都可以好味成咁  雞蛋沙律更是美味中的美味  好簡單雞蛋撈沙律醬   來挑戰你的膽固醇吧

煎魚餅  老虎話咁大碟  點食啊  最後咪又食晒


埋單107大元



這間華嫂冰室 是一個屏山原居民 “華嫂” 在此開間小餐廳做吓街坊生意 但華嫂並非一般茶記的粗枝大葉做法 是用心 用工夫 用時間去做到最好

這華嫂冰室 無炸爐 所以豬扒明火煎出嚟 所以特别好味 昨日我見隣座情侶叫餐蛋麵  我暗笑嚟這裏食餐蛋麵咁笨實  點知碗餐蛋麵出到嚟 件餐肉煎到卜卜脆 但又比茶記的厚一倍  可想而知外脆內軟的餐肉是何等…Wowwwww

華嫂冰室無微波爐 多士都係用焗爐焗  華嫂話 佢唔會用微波爐 “丁”食物  更唔會用炸爐速成肉類  全部都明火即做  厘D咪Heart囉

名人元朗原居民鄧達志  幫華嫂冰室一吹  更成為食客朝聖熱點  華嫂待客親切 你讚吓佢 華嫂對你更加熱情  但係去華嫂冰室食嘢一定要有時間  一來要等位  二來因為全部食物都係即叫即做  唔會炸定二十塊豬扒  煎定三十隻蛋  有柯打就放上麵上的茶記手法

因為制作需時  所以叫左野好耐先有得食  但千萬要乖乖地坐喺度等  千祈唔好追  千祈唔好追扮大款  因為座上客 大都是附近的叔伯兄弟  個個都係圍村人  有頭 有面 有錢 如果你發爛渣 都唔知會點




重有好野喎 當你食飽又可以行一下屏山文物徑  屏山文物徑可以睇半日架  睇完你又會心思思再食華嫂冰室  剛才見到又想食 又吃飽左  食唔到的食品等緊你喇

請注意 “華嫂冰室”辦工時間 銀行假 仲要串到 中午有一個鐘停業關門食飯  夠串未

一間不一樣的冰室！
食物有誠意，不抱殘，不胡亂創新
睇象版的介紹，就知係一間真正的食肆
有車位o岩晒我，可惜星期日唔開
唔理啦，mark低間店先，點都要搵個星期六帶主子走番轉

頂！上次一大棚人去屏山文物徑玩嗰時都見過呢間餐室
但就掂行掂過......走寶呀！走寶呀！

個菠羅包同莞茜皮蛋牛魚肉米粉.....流哂口水呀！
就算要用成百蚊油錢都要去走一轉{:4_137:}

chulo2009 發表於 2012-4-28 08:15

                               
登录/注册后可看大图

一間不一樣的冰室！
食物有誠意，不抱殘，不胡亂創新
睇象版的介紹，就知係一間真正的食肆

最好去食早餐  食完行文物踁  行到餓  食第二餐  咁就不枉此行咧{:soso_e179:}

kt1997kt 發表於 2012-4-28 08:44

                               
登录/注册后可看大图

頂！上次一大棚人去屏山文物徑玩嗰時都見過呢間餐室
但就掂行掂過......走寶呀！走寶呀！

走寶  真係走寶！！如果比你一早你食左華嫂個處女報告咪比左你囉{:soso_e113:}
如果要我幫"華嫂冰室"評分我比88/100  是我比最高分的一間食肆{:soso_e179:}
只因玩玩吓嘅小生意  都花咁多心思  咁認真去做  小象向華嫂敬禮{:soso_e183:}

kkbbq 發表於 2012-4-28 19:52

                               
登录/注册后可看大图

走寶  真係走寶！！如果比你一早你食左祥嫂個處女報告咪比左你囉
如果要我幫"祥嫂冰室"評 ...

乜祥嫂處女報告有多D分？
唔好喇，元朗、天水圍，流浮山....都係你地頭
我都係跟你揾食穩陣D:y-85:

kt1997kt 發表於 2012-4-28 20:01

                               
登录/注册后可看大图

乜祥嫂處女報告有多D分？
唔好喇，元朗、天水圍，流浮山....都係你地頭
我都係跟你揾食穩陣D ...

我唔知點解寫左祥嫂應該係華嫂啊{:soso_e127:}
累到kt兄又跟我寫祥嫂添  唔好意思囉{:soso_e120:}
祥嫂處女報告梗係無多D分  而家都仲未有分啊 {:soso_e112:}  不過小象出報告  都唔係想要分{:soso_e100:} 只係想和大家分享我食野的樂趣{:soso_e182:} 就算無分我都一樣寫  之不過有分加  是多一份鼓勵而矣{:soso_e165:}

都幾遠吓.......如果住市區就唔太方便......假期才可以去走一走!!呢啲冰室愈來愈少了!

第一次去食呢間都□系屏山原居民朋友帶我去。
當時真□系等都到就來無心機，但仲有□系坐滿位啦都仲
越來越多人排隊來食！{:soso_e103:}
第一樣食完最難忘既都□系招牌波蘿油。正到呢~
當時我話外買3個返屋企家人食，有個伙計話唔做外賣！！{:soso_e114:}
當時凸一凸， 事因當時好多人啊排隊，唔得閒做俾我。。
真□系吹距唔漲~{:soso_e146:}

kkbbq 發表於 2012-4-29 05:04

                               
登录/注册后可看大图

我唔知點解寫左祥嫂應該係華嫂啊
累到kt兄又跟我寫祥嫂添  唔好意思囉
祥嫂 ...

象版出報告點會冇分，唔好介意我踩過界黎加你分