初試台灣金車酒堡出品 : 噶瑪蘭 (KAVALAN) 威士忌

完全估佢唔到，一直以為台灣「金車」只係有伯朗珈琲，原來威士忌都有產品。今次有朋友介紹呢枝台灣土產嘅噶瑪蘭 (KAVALAN) 威士忌。本桶原酒 (CASK STRENGTH) 冇加水稀釋，亦冇經過冷凝過濾，所以酒精濃度有59.4%咁勁。

近似琥珀嘅酒色，開瓶後有啲蝴蝶蘭嘅花香，隱約夾雜乾果味 + 杏仁味 + 香草味，豐富而多層次。第一次選擇淨飲唔加冰，細細啖試酒味......點知一入口真係勁嗆喉，絕對唔係講笑，喉嚨有15至20秒好似俾火燒嘅感覺，要即時飲杯冰水。

我嚐試加冰嚟飲比較容易入喉，有明顯嘅麥芽味 + 雪梨桶 (SHERRY CASK) 香味，後來隱約有啲香草味 + 蜂蜜味，由舌底慢慢滲透至口腔裏面。酒體屬於濃烈、厚實、綿密，餘韻停留時間短快消散，畢竟係高濃度酒精，只適宜輕嚐淺酌。

以非苏格兰出品算不错。
Kavalan仲未出倒顶级酒因为酒厂只有十年左右历史。