豬牛對決

小象失業  唯有以食度日  今日路過中環  諗起九記牛腩  演藝界 傳媒界無不奉若神明  小象登時頓起食心  一嚐獸肉

頂丫  我12：10去到重未開門  但已經有十幾人在排隊等開門  唔撚係阿化  我唔like排隊架喎

睇吓個牌開幾點  仲有二十分鐘  山長水遠嚟到  又見未開門都咁多人排隊  唔通真係咁堅  唉 就將就一次喇  二十分鐘都叫做知要排幾耐丫

12:25條龍已經好Q長  奇怪咁多人咁得閒嘅  唔通佢哋都好似我咁 “失業”

終於入到去開餐  厘個女人我唔識佢架


想食乜自己睇  我叫左碗牛腩河 $30元

六件牛坑腩  招牌貨  果然有D料到  夠淋  但有咬口  鹵汁無掩蓋牛肉味道  
湯有牛味  偏淡 唔搶口  
河粉幼滑   
這碗招牌牛腩河內的牛腩  上湯  河粉  味道各自各精采   真係有料到88/100
好的確是好  但係同元朗學記的牛腩相比  又差唔多質數乍喎  差只是元朗學記牛腩味偏濃入味  九記牛腩淡口自然  但兩者的牛腩質數和炆煑工夫  真是平分春色  元朗學記20蚊碗  重唔駛搭車出城喎


有最低消費架  唔好入去食碗淨麵啊


在九記牛腩淨係食左碗牛腩河  當然唔夠喇  我一早預左還有一餐  就係潮洲豬雜


irene559師兄一句「大象版主，為什麼你不來“xx人”正街的麵店，這是在港島區港島太平洋酒店對面？你可以吃很好味的牛或豬肉/器官麵條......」這樣的誠意  小象今天一定要去試下豬雜  小象由中環歌賦街  行去西環正街  行左50分鐘之嘛  辛苦到厘……..

irene559師兄就是要介紹我食這間潮洲人粉麵店  當然就要叫irene559師兄推介的「豬肉/器官麵條」喇

豬雜米粉 $20元 有豬肺 豬粉腸  豬潤  豬心  豬肚  豬脷
豬肺  這是我吃過最好的豬肺  咁爽嘅  點整架
豬粉腸  真係有粉  有腸  Good
豬潤  做得都唔錯只可惜太薄  厚番D就正咧
豬心  豬肚  豬脷 都ok 但以豬脷最差 因為太淋囉  個米粉都好正架  特別幼身  小象喜愛銀絲米粉  75/100

這碗是蝴蝶腩  $20元  網上copy資料(蝴蝶腩是連接豬肺的一小塊肉，因狀似蝴蝶而得名。這部分連筋帶肉，筋爽脆，肉比腩肉更稔，而且每隻豬只有一塊，十分矜貴。)   這碗應該並非全是蝴蝶腩  有夾雜其他豬腩 但亦煲得淋而入味  但鹵水材料似乎未足  稍稍偏鹹而缺乏甘香  這是美中不足

蝴蝶腩位置 口感就和吃牛腩一樣  只欠缺牛肉的獨有香味  由其軟根位置更是不似在吃豬肉  75/100


豬雜米粉 $20元   蝴蝶腩  $20元  可樂 $7元  $47蚊埋單  厘次飽晒lu

講到豬器官，仲以為你講豬下腸添！

又貴又要等，好彩我戒o左牛，要駛受呢D罪！不過、反而對呢個豬器官粉麵店有興趣，搵時間試試先！

係中環黎講，30碗招牌牛腩河一啲都唔貴，我係大埔墟群記清湯腩食都要le個價，爽腩仲要加2~3文添！
最緊要象版肯收貨，貴貴都值喇

豬雜米２０蚊好抵喎～唔知同深水步比，邊個好食ｄ呢？

SmallD 發表於 2012-4-25 14:41

                               
登录/注册后可看大图

講到豬器官，仲以為你講豬下腸添！

豬肉/器官麵條  我係學介紹我去個師兄講架乍{:soso_e120:}

walnut 發表於 2012-4-26 11:45

                               
登录/注册后可看大图

係中環黎講，30碗招牌牛腩河一啲都唔貴，我係大埔墟群記清湯腩食都要le個價，爽腩仲要加2~3文添！
最緊要象 ...

大埔墟群記  係咪都係我食 "蝦籽撈麵"一樓果個熟食市場啊  師兄

九記呢間老字號，名氣太大
以前仲係大牌檔時，已經係要排隊等位
人年紀愈大，愈怕等位
上次幫襯仲未有自由行，夾o岩開門時間到，係唔駛等（遲15分鐘就唔包）
今日，咪預我囉

見象版竟然殺到西環食豬什，攪到我都心思思
我知呢間"潮州人"的存在，但冇幫襯過
今日下午專登蛇過去
想話食蝴蝶腩河，點知早就賣晒
退而其次，叫豬什河
你分析得好仔細，好專業，我都無謂獻醜品評
總之一句講晒，20蚊係抵食既
想唔到鋪頭細細，但地方清潔整理
所有員工有制服
我見全部員工，包括廚房，起碼有七個人，算人手好足
可能地點問題，位於成條正街最靜的位置，平日收7:30 pm，周末收5:30 pm
即係話夜晚基本冇生意
下次我會早D去試個蝴蝶腩

話時話，象版你由九記行去潮州人要50分鐘，你都行得好滋油，正路30分鐘都到 :em19:

chulo2009 發表於 2012-4-26 21:20

                               
登录/注册后可看大图

九記呢間老字號，名氣太大
以前仲係大牌檔時，已經係要排隊等位
人年紀愈大，愈怕等位

估唔到朱老版今日就去試菜{:soso_e179:}
可惜試唔到蝴蝶腩{:soso_e114:} 不過來日方長實有機會{:soso_e113:}
我真係由九記去潮洲人行左50分鐘{:soso_e127:}
因為我厘D鄉下佬會四圍睇下野架嘛{:soso_e120:}
我重搵到把我老豆年代嘅摺扇添喎{:soso_e182:}

kkbbq 發表於 2012-4-26 21:11

                               
登录/注册后可看大图

大埔墟群記  係咪都係我食 "蝦籽撈麵"一樓果個熟食市場啊  師兄

群記應該同大埔一樂燒鹅一樣係大埔美食。唔係位於熟食市場，左近喇。
群記好串架，下午一點先開門做生意，六點唔夠賣哂就收鋪、有時間入去試吓喇，係大埔中旅社落車就得啦。
google map輸入；「大埔群記清湯腩」 就揾到