kkbbq 發表於 2012-4-24 17:38
其實我都賣過豉油西餐 小店開業時"鐵板牛扒"十分盛行 塊鐵板係一隻牛果個牛代厘 你記得 ...
牛型鐵板我當然記得,以前果種用梳打粉拿到鬆晒既牛扒好有風味
我有位朋友,當年(30幾年前)佢在波士頓做廚房學徒,佢話D牛扒根本唔係牛肉,叫我唔好去食
唉,o靚仔想鋸扒,唔食呢類"牛扒",邊有咁多錢去真正扒房食喎,總之唔係人肉就得
象版你近排經常踩過黎港島區試食
等我介紹另一間老牌豉油西餐俾你
就係西環皇后大道西的森美餐廳(Sammy's Kitchen),位置近東邊街口
呢間野曾經威過下
上任掌門係酒店西餐廳西廚出身,而家應該係由佢個仔或者孫打理
格局都係正宗豉油西餐,收費大眾化
以前我好多時由上環行過去食晏,不過近十年都冇再幫襯
唔知風味仲保唔保留到? |