現今80後大熱朝聖食點 “勝香園”

每逢經過上環“勝香園” 都有大批年輕人排隊等緊食 ‘蕃茄牛肉通粉” 但係要我排隊等食 我就無咁嘅耐性 今日去到無乜人排隊 横掂得閒 又等一陣喇 等左十分鐘就有位咧

一個普通到不得了嘅舊式大牌檔 有乜把炮吸 引咁多年輕人嚟朝聖呢？ 成兩點半仲有人排緊隊

叫左碗蕃茄牛肉麵 單睇賣相有D睇頭咁喎 麵上鋪滿煑得淋而不爛的蕃茄  小象並非先吃 “蕃茄” 或 “牛肉” 或 “麵” 而是飲一口蕃茄湯
因為 “蕃茄牛肉”的配搭 作為一個湯 一定是其中的靈魂  這湯帶有微微蕃茄酸味  有茄膏調味較色就必然 湯的味道濃淡適中 完全合格 唯一缺點有少許即食麵的味粉味道

跟住食煑淋的蕃茄 這一定好味過食條菜 蕃茄入口溶化 無牙都食到  

牛肉比想像中好很多 我印像中 茶記制作的牛肉  大多數係用鬆肉粉 “乸”到腐屍肉咁 但“勝香園”的牛肉應該只用適量生粉撈過 這個做法可保持肉味和肉的纖維感 這種做法要控制得宜 大多生粉肉都霉埋太少又無效果 但“勝香園”這個牛肉小象一定要比隻手指公佢{:soso_e179:} {:soso_e179:} {:soso_e179:}

最後輪到個麵底 ~ ~ ~ ~ ~失敗…. 唔係個麵底失敗  係我失敗 蕃茄牛肉湯底 梗係食通粉喇  通粉和蕃茄湯底絶配嚟架嘛  我唔知點解柒撚懵懵咁叫左即食麵底  所以連個蕃茄湯 都有即食麵的味粉味道

咖央多 我的至愛 也隨着個蕃茄牛肉麵的好感 我對這咖央也給它一個高分數

多士 大家看看 這件多士切開的層次感 你就知道這件麵包也是一件好包 但“勝香園”不是多士聞名 原來它的焗脆豬先係好野 我又笨實多一次

一碗蕃茄牛肉麵 $23 咖央多士 $10 舊压細可樂 $6 埋單 $39

我一向覺得80後食野食景點 多過食味道 但今次比佢哋叻番次喎

“勝香園”開檔時間都有性格過人去幫襯要留意吓時間架

呢D地方先夠地道！
象版講的呢度我就未去過，
反而灣仔聖佛蘭士街就去過幾次，
賣既野同勝香園相約，但五知點解緊係好食過茶記！

i know how to cook 蕃茄通粉 ... it's very easy and also delicious ...

無爭有為 發表於 2012-4-20 00:12

                               
登录/注册后可看大图

呢D地方先夠地道！
象版講的呢度我就未去過，
反而灣仔聖佛蘭士街就去過幾次，

乜灣仔聖佛蘭士街  都有一間咁樣嘅檔口咩{:soso_e132:} 係咪都係大牌檔形式  同埋駛唔排隊架駛{:soso_e120:}
小象厘個鄉下佬"聖佛蘭士街"都未去過{:soso_e127:} 所以唔知喺邊{:soso_e120:} 請問有為師兄  附近有乜地標建築物呢？？灣仔小象間中都會去  睇吓有無機會試下先{:soso_e112:}

irene559 發表於 2012-4-20 01:01

                               
登录/注册后可看大图

i know how to cook 蕃茄通粉 ... it's very easy and also delicious ...

多謝irene師兄回覆{:soso_e181:}   如果要我做一個"蕃茄牛肉通粉"  可說易如反掌 {:soso_e113:}有時出去飲飲食食...係講下環境氣氛.. 就如“勝香園”街邊大牌檔就是它的賣點之一
餐蛋麵咪重簡單  我地很多人都識整  點解朝朝早...都要幫襯樓下茶記{:soso_e114:} 就因為唔通自己沖即溶咖啡  煎兩隻蛋  煮個餐蛋麵咩{:soso_e112:} 整完仲要洗碗先可憐嘛{:soso_e109:}
一個懂得欣賞食物的人  得閒玩吓煮飯仔  完全正確{:soso_e161:} 識食 識做 先叫真正識食之人{:soso_e179:} 所以irene師兄懂得厨功 更會鑽研箇中奥祕 對飲食一定有要求{:soso_e179:} irene師兄 有乜好食點 介紹下比我地好喎{:soso_e113:}
irene師兄{:soso_e181:} 出報告但係最好用中文囉  小象係一腳牛屎鄉下佬{:soso_e174:} 英文完全唔掂架{:soso_e101:}

呢度真係好正, 次次lunch 去俱都勁多人等~~

我未幫襯過勝香園（應該話近20年冇幫襯過，但之前可能有，唔記得，以前在附近上班，經常到九如坊食野)
港島區的大牌檔買少見少，自自由行大盛後，大牌檔成為國內遊客觀光景點
唔單止國內遊客鐘意去，家陣年青一代，都當左光顧茶檔係件好IN的一件事
影相、放面書，生活指定動作
近兩三年，歌賦街、九如坊一帶鋪價愈炒愈高
SOHO飲食區早已擴展到果頭至荷里活道文武廟以東
舊年開始，更加繼續西進，蔓延至西環頭上環尾的太平山街、磅巷、東街、西街等
一到周末，任何一間小店都變得人山人海
自置鋪的老店多左商機，租鋪的舊式小商店就要黯然離場
睇到呢D變遷，個心都有小小唏噓
我好怕等位，好多時寧願唔食都唔會等
勝香園之所以人山人海
除左果份懷舊味之外，我相信就是茶檔的基本多士
好多茶餐廳的奶茶咖啡沖得唔錯
但多士都係老牌茶檔烘得出色
無他既，食物供應選擇少，獨沽幾味，專注自己出色
勝香園位置得天獨厚，在行人通道兩旁，並非緊貼車路
希望佢地能夠繼續保存落下，等我地下一代都有機會幫襯
連鎖式食店，請滾開！

勝香園我去過一次 (即係我扮過80後一次咁大把)
嗰次仲唔係路過，係間日朝早放假同老虎專誠捧佢場
我食咗茄牛通 (今次我醒過你喇象版)
真係幾好味，但我對茄膏嗰種顏色有少少抗拒 (唔知抗拒乜？可能顏色太好吧！)
我記得連杯奶茶都唔錯的！

但最令 kt 回味嘅係嗰種大排檔風味
同老虎好悠閒咁嘆奶茶、食茄通
然後好悠閒咁睇住怱怱忙忙嘅路人在斜路上上落落，在自已身邊經過.....
好一幅懷舊的回憶水彩畫，好有風味:em17:

chulo2009 發表於 2012-4-20 12:17

                               
登录/注册后可看大图

我未幫襯過勝香園（應該話近20年冇幫襯過，但之前可能有，唔記得，以前在附近上班，經常到九如坊食野)
港島 ...

附近重有一間蘭芳園  我估朱老版應該試過{:soso_e112:}
我就未食過  佢出名奶茶和唔記得乜野包{:soso_e100:}
朱老版對蘭芳園又有乜高見呢{:soso_e132:}

kt1997kt 發表於 2012-4-20 20:45

                               
登录/注册后可看大图

勝香園我去過一次 (即係我扮過80後一次咁大把)
嗰次仲唔係路過，係間日朝早放假同老虎專誠捧佢場
我食咗 ...

其實我都想飲奶茶架  不過當日行到身水身汗  咪飲可樂囉{:soso_e100:}
我甚少食通粉  所以慣性叫左麵  食食吓先覺得唔啱配{:soso_e127:}