真正的漁人碼頭食的法國餐

這裏是離家約一小時車程  是一個真真正正的漁人碼頭 如果早半小時到達  日落景色一定更美



很多的漁船泊在岸邊賣他們的漁獲  可惜我們去得遲了  19:30漁民已收晒工lu



前菜 牛油鹹豬  70/100

濃蝦湯  我無打錯真係 “濃”蝦湯 唔係 “龍”蝦湯 蝦味超濃咁解 又真係超濃喎  75/100

普通炸薯條  特別的是白色果碟仔  唔係普通沙律醬  而係蒜頭醬  好重蒜頭味  極普通嘅薯條都變成好味道  80/100

炸蟹盒  一件炸蟹肉(係蟹粉  唔係原件)  無乜味道 我都係鐘意百花釀蟹鉗多D  55/100


白酒忌兼煑青口  應該要飲埋D汁  因為幾清甜  但為免失禮  比鬼子佬白眼所以無飲  70/100

主菜開始前 開左一支堅正嘅白酒  明日去酒窖睇吓搵唔搵到這支白酒  賣番一支在家中嘆吓  85/100

出乎意料之外咁嫩滑嘅鴨胸  在香港食得大陸劣質煙薰鴨胸多  這件法國菜鴨胸令我有驚喜  68/100

厘塊唔係法蘭西客家豆腐  這是法國菜最出名果舊魚 “龍脷柳” 我個半唐番外甥仔 “柯打” 一份嘥錢的食物  60/100

羊面珠登肉  原來好多羊脂肪  個個怕so都話唔好食  但我又唔覺喎 但點都係穆斯林烤全羊好食D  62/100

牛仔肋骨肉  這個肉質夠淋  淋到無晒牛肉應有的口感  而邊邊部份太乾  配汁味道亦唔突出  整體我覺得麻麻地  55/100

這個立雜海鮮湯  比個“濃”蝦湯更鮮甜美味  這個是四款主菜之最  唔通在漁人碼頭  真係要食海鮮先啱數  85/100

餐後法蘭西甜品 準備中

芝士餅  芝士慕士底是一塊加硬餅乾  雖然慕士打得都幾好味 但芝士餅  我始終都係鐘意比較結實那種 真正成舊芝士咁樣的三角芝士餅  60/100

法國燉蛋 食過幾次法國燉蛋   同中國燉蛋大同小異 但今次厘個係用忌兼加蛋白打出來  但咪又即是慕士  58/100

這舊黑蚊蚊嘅係…朱古力碎加牛油布甸麵包 又係普通料 但側邊有一pat比慕士硬身一D嘅東西  有著濃厚花生的味道  令這甜品加添分數  68/100

雖然無得去食，都大開眼界！

能夠到真正的漁人碼頭擦餐美味海鮮，樂哉！樂哉！實在羨慕死人！
蝦湯也好，海鮮湯也好，相信只有足夠新鮮材料的食肆，才可以煮得咁出色，咁出味。
尤其海鮮湯，一切在乎功夫。
傳統的法國南部餐廳，每日都會用當日新鮮捕獲的海產，煲足一個早上，唔好飲就要打patpat囉。
個配薯條的蒜頭醬，真係令人垂涎。
其實，茄汁並非薯條的最佳配搭，我覺得茄汁味太搶，蒜頭醬當然係更好的選擇，如果怕蒜頭味（其實蒜味唔算重），可以試下用tartar sauce，味道會清新D，退而其次，mayonnaise沙律醬都可以，不能可能會甜左D.
貝殼類海產，我最鐘意就係青口，新鮮的青口。俾我係你，就懶理三唔識七既人的目光，飲埋個白酒汁先講.
象版話個龍利魚嘥錢。其實魚新鮮，冇理由差得去邊，睇相又唔覺煎得老左，請問塊魚衰在哪處？
你鐘意硬的芝士餅，即是美式的紐約芝士餅，我都鐘意，不過，如果主菜食得咁豐富，我自己會比較想食軟身D既
Popular Grove的Pinot Gris白酒，唔知香港有冇。飲酒都係好講環境氣氛，最重要係心情，心情好，乜野都加番幾分，唔知象版第二日買唔買到？又唔知味道都係同第一次飲時咁好？
香港都有唔少pinot gris賣，不過香港人白酒偏愛Chardonnay同Sauvignon Blanc，甚至香港人好多偏愛紅酒多過白酒，pinot gris在香港算是小眾。

chulo2009 發表於 2012-4-1 21:57

                               
登录/注册后可看大图

能夠到真正的漁人碼頭擦餐美味海鮮，樂哉！樂哉！實在羨慕死人！
蝦湯也好，海鮮湯也好，相信只有足夠新鮮 ...

係喎….朱老版{:soso_e165:} 估唔到鬼子佬厘個"立立雜雜海鮮湯"整得咁出色{:soso_e179:}

靜靜話你知 我食炸薯條從來唔點野架{:soso_e100:} 茄汁就更加唔點{:soso_e112:} 因為我就係覺得茄汁唔好味囉{:soso_e120:} 今次這個蒜頭醬  真係别有一番滋味{:soso_e121:}

件龍脷柳  當然係新鮮魚肉 D質感和我們香港茶記食開果D急涷貨  大大不同  但係魚味小象略嫌淡薄{:soso_e115:} 除了較急涷貨幼滑外 真的是不外  如是在鬼子佬的日常魚類選擇中  我寧願吃魚味濃郁的平價沙甸魚{:soso_e120:}

飲紅酒和白酒  都要講求氣氛環境  食物也是要決{:soso_e166:} 飲這白酒時  我和我的半唐番外甥仔說：我好想買支白酒..一些沙律..吞拿魚梳打餅…士多啤梨去湖邊欣賞湖景  吹下水{:soso_e102:} 這樣一支白酒  配上湖光山色  和簡單食物  何等優哉遊哉呢{:soso_e112:} 但半唐番外甥仔話  加拿大公眾地方飲酒犯法架  舅父…..{:soso_e110:}

講番隻青口  你睇吓厘隻烏鴉幾識嘆  捉D青口啄開嚟食   真想比杯白酒佢享受吓{:soso_e157:}

碼頭水深 但清澈見底  在碼頭下面的柱躉 好多大大隻海星依附著{:soso_e173:}

還有很多加拿大大蟹在游泳(起碼有一磅重)   如果在香港早比人捉晒lu

{:soso_e149:}真係羨慕死人，{:soso_e154:}象師兄仲成日話好窮
好多謝象版帶我地大開眼界，加拿大我淨係去過列治文咋，
我覺得龍利好似客家煎豆腐，
個立雜海鮮湯真係見到都流晒口水！

象兄,我都好欣賞日落景色,你下次多拍幾張就好了!
講到青口,我都好鍾意食架!如果我係你,汁都撈埋,話之佢有無白眼!呵呵..
立雜海鮮湯個賣相好得,睇到都想食!可惜......我無機會食到!!!

無爭有為 發表於 2012-4-2 08:36

                               
登录/注册后可看大图

真係羨慕死人，象師兄仲成日話好窮
好多謝象版帶我地大開眼界，加拿大我淨係去 ...

有為師兄  這個咁正嘅漁人碼頭  就在列治文{:soso_e100:} 在列治文市中心約15-20分鐘車程便到{:soso_e182:}
真係好搞笑{:soso_e120:}   這個龍脷柳  一放上枱  我就覺得似客家豆腐{:soso_e113:}

estheryau1221 發表於 2012-4-2 12:03

                               
登录/注册后可看大图

象兄,我都好欣賞日落景色,你下次多拍幾張就好了!
講到青口,我都好鍾意食架!如果我係你,汁都撈埋,話之佢有無 ...

如果去早十五分鐘到達...個日落景色一定影得好靚{:soso_e176:} 但個地球唔會等埋我嘛{:soso_e101:}
鬼子佬好注重食野禮儀  入鄉隨俗  唔好失禮我地強國人嘛{:soso_e179:} 在香港我梗係理鳩得佢喇{:soso_e113:}

kkbbq 發表於 2012-4-2 01:09

                               
登录/注册后可看大图

係喎….朱老版 估唔到鬼子佬厘個"立立雜雜海鮮湯"整得咁出色

靜靜話你知 我 ...

睇見D碼頭相，恨不得可以身在現場
如斯美景，冇得嘆番杯酒，真係一大遺憾
諗諗下，不如周末叫主子一齊開架車出去野餐
學象版咁：買支白酒..一些沙律..吞拿魚梳打餅…士多啤梨...
正呀！
講開食鬼佬煮既魚
我既經驗，唔好食既佔多，香港尤甚
但好食起上黎，真係諗起都流口水

這間Tapenade餐廳夜景好迷人，如果同女朋友或老婆去肯定好有氣氛！另外我覺得個前菜（牛油鹹豬）超正，望落去好似好軟熟，可能我比較鍾意食麵包關係，所以非常吸引我