沙巴水天堂 金之島
a heavenly summer DINAWAN ISLAND
好多人去外地享受陽光與海灘，只要有陽光、水清又沙幼就已經收貨（筆者本人都係咁諗），不過，當去過馬來西亞沙巴呢個新開發的島嶼「金之島」之後，可能你自此會提高享受的要求，因為金之島裡面，水清沙幼只係基本享受，佢有個獨特嘅水中景色，可以話係由水面至水底都一樣咁靚，單是眼前呢個較淺水既水草叢已經令人眼前一亮，當你再游到深水既珊瑚群時，你會發覺自己有如進入了一個水天堂一樣。
Island & Beach
金之島，原名汀娜灣島Dinawan Island，係位於馬來西亞亞庇市南部一座私人島嶼，由亞庇市區乘快艇大約25分鐘到達。呢個島在去年12月31日除夕先正式啟用，除了設施新之外，島一帶大多地方都未受一絲污染。金之島唔算好大，環島行一圈大概40分鐘左右，不過靚風景就非常多，除了水草叢灘之外，附近碎石灘亦十分特別，因為水退時碎石灘會出現一條碎石小路，情況就好似碎石小路將石灘與大海隔開一樣，但由於碎石多既關係，所以唔係咁適宜游水，不過景色就真係好靚，尤其係黃昏時段，夕陽景色確實係一絕。金之島既正灘（亦即係碼頭一帶）位於東面，島上所有水上活動都係安排系正灘附近，不少遊客都會系正灘玩浮潛。金之島上一共有兩個碼頭，兩個均由木搭成，一個長、一個短，潮漲時船會泊在短碼頭，而潮退時就會在長碼頭泊船。雖然碼頭係由木搭成，但不見簡陋，反而有點水鄉既感覺，黎明時係碼頭欣賞日出靚景亦係一絕，天氣好，雲霧稀薄時，不但可見日出，就連神山初現既美景亦可一覽無遺，因為金之島既東面就正正係神山所在。
[ 本帖最後由 雲遊四海 於 2007-1-9 18:55 編輯 ] |
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡
