肇順名匯河鮮專門店

四個人 在新蒲崗到"肇順名匯河鮮專門店"吃飯  年前新張時要定位等候  但今天晚上七點鐘黃金時間  竟然係咁全場得兩枱客  這間"肇順名匯"已經做到兩位晚飯  送蒜子箝魚煲或香脆炸子雞半隻  兩位晚飯都有野送  生意都搞成咁當然有佢嘅理由喇


龍蝦球煲  花膠鵝掌煲  98蚊個抵食

薑葱龍蝦球煲 伊麵底 98蚊
一睇就知係大蝦球 並非龍蝦球 大蝦球其實以咁嘅價錢  有咁嘅份量 都算食得過 味道就緊緊合格 伊麵食完都無乜印象  一諗起菜單寫明龍蝦球 咁就有一份比人搵左笨實嘅感覺 大蝦球咪大蝦球囉  做乜要寫龍蝦球  咁做生意唔掂架  60/100

花膠玉掌煲  98蚊
果然係花膠  塑膠啤出嚟嘅一樣  咬落去好爽口  係喎 爽口啊 點樣可以整成爽脆花膠呢  味道梗係無啦 塑膠啤出嚟嘅點會有味 鵝掌平凡 無野好講  45/100

豬潤杞子泡菠菜 55蚊
一個厨房  連豬潤都做得干爭爭 佩服 佩服 55/100

蒜子箝魚煲  送嘅
一開蓋 香氣撲鼻 雖然箝魚唔新鮮 但魚肉走油得頗為香口  調味得唔錯  加上大葱和干葱頭的香味  這煲唔使錢嘅箝魚煲  反而是全晚之最  吹漲未65/100

順德大良雙皮奶  16蚊
夠滑 無奶香  好彩唔甜  68/100

南瓜西米露  晚飯送甜品
好味喎 重南瓜味 72/100


埋單每人一舊  的確唔算貴  但係我諗都幾難再有下次

咁嘅水準  唔怪得之我地八點半走  只有四枱客  我諗 就算下次我想嚟"肇順名匯"  佢可能都摺左lu

咁既價錢都算係抵食啦，
記得早幾年新開張果陣係威係勢，
物幾年後的今日搞到要大平賣啊，
爽脆的花膠聽都未聽過，係咪受到幅射呀？

無爭有為 發表於 2012-3-7 21:34

                               
登录/注册后可看大图

咁既價錢都算係抵食啦，
記得早幾年新開張果陣係威係勢，
物幾年後的今日搞到要大平賣啊，

我諗到點形容件硬膠花膠.....一個曬乾左嘅Dom Dom{:soso_e120:}

吾蒸條河鮮試下!

20813261 發表於 2012-3-7 22:19

                               
登录/注册后可看大图

吾蒸條河鮮試下!

賴過野喇{:soso_e101:} 整舊花錦鱔皇煲  又係無味無道{:soso_e118:} 都唔知食緊乜咁{:soso_e127:}

kkbbq 發表於 2012-3-7 21:48

                               
登录/注册后可看大图

我諗到點形容件硬膠花膠.....一個曬乾左嘅Dom Dom

咁能樣？:em18:
俾我實叫佢回水，:em3:
至X憎咁樣浪費食物，仲要係花膠添！:em16:

象兄,我以為我雙眼有事,原來我無睇錯,真係蝦!龍蝦球變蝦,呢招算高!{:soso_e110:}
我都未食過爽口既花膠,真係想像唔到果種口感係點!{:soso_e117:}

蝦=龍蝦 (球)...This shop is very pk......

龍蝦變蝦球，咁揾笨！換著我一定問喺埋搞錯囉！
爽脆的花膠，聽落都幾嚇人驚!
豬潤都做得乾爭爭，真喺不敢恭維!

食材揾笨實，廚房冇心做！聽拾罷啦。 。

無爭有為 發表於 2012-3-7 22:55

                               
登录/注册后可看大图

咁能樣？
俾我實叫佢回水，
至X憎咁樣浪費食物，仲要係花膠添！ ...

我都講過  年紀大左火氣少左{:soso_e164:} 做左服務行業後  就更懂體諒別人{:soso_e100:} 亦唔想為小問題破壞場面氣氛{:soso_e114:} 又令自己唔開心{:soso_e115:} 以" 肇順名匯"咁嘅慘況{:soso_e154:} 唔屌佢都死架喇{:soso_e120:} 不如慳番啖氣{:soso_e183:}