鹿鳴春京菜館

已有數十年歷史的"鹿鳴春"  位於尖沙咀區  門面其貌不揚 但在老饗心中 這是傳統京菜的典範  在旅遊指南更響負盛名  每次在鹿鳴春 就如在聯合國中  各國人種都會得見

如果不知就裡 你真不會估到  一個這樣平平無奇的住宅門口  有一間聞名國際的食肆在樓上  每當大時大節到鹿鳴春用膳  必要定座  我們便是一個月前定位初五食開年飯  應該說我們本來想在鹿鳴春食團年飯  但定不到位  結果初五開年飯這個日子  是鹿鳴春安排  最快就是初五無得揀  死未

"鹿鳴春"有乜咁巴鳩閉啊 講撚到會飛咁勁  以下就是我們的開年飯  請指教

壹品大拼盤  有鹵水豬脷 五香牛肉  茶薰豬肘子  海蜇皮  大白菜(白色) 中國芹菜(綠色)  麵根(橙色) 除了茶薰豬肘子有特色外  其他都是一般  但賣相十分搶眼  65/100

干貝賽螃蟹  賽螃蟹就是炒蛋白 小象吃一般的賽螃蟹 是無蟹肉只有蛋白 需要用大量的油把蛋白炒熟 如果你做過這菜  你可能唔敢食 但鹿鳴春的賽螃蟹  真的有蟹肉同炒  而且絶對不像蟹肉雪藏貨 反而我又吃不到干貝 但調味炒功非常出色  80/100

蜜汁金華火腿  金華火腿是有菠蘿戔底  碟中的蜜汁可中和金華火腿的鹹度  其實吃法是和漢堡飽一樣  是一個中國漢堡包

這個就是中國漢堡包的包  味微甜(也可減輕金華火腿的鹹度) 十分鬆軟

放入一件肥瘦份量比例合適的金華火腿在飽內

這樣就是一個中國漢堡包  鬆軟甜美的包  加上金華火腿獨特的鹹香 真想多吃一件  可惜一人只有一件  70/100

宮爆明蝦球  唔知係咪D蝦太細隻 我未食過"宮爆明蝦球"用咁厚脆漿粉嚟炸  宮爆明蝦球是京菜受歡迎菜色  也是我去食京菜必點之選 但鹿鳴春這道菜十分失水準  敗筆全在脆漿中  55/100

砂鍋雞鮑趐  單看這個銅鼎  已是氣勢不凡  亦想像得到它在"鹿鳴春"服務了多少日子

這鼎趐  待應在分配時 已聞得到雞和趐發出的誘人香氣  鍋內的雞  最緊要盡量食埋  雞肉好好味架


大家22隻眼望著待應  用熟練的動作一碗一碗的分好  11個人蓄勢以待  去享受這美味

到手喇  D趐堅係粗  可惜可是煨得未透  有部份爽口左D  但近群邊部份滑不溜口  個趐湯在小象記憶中  更是無懈可擊  11隻手指公  向這砂鍋雞鮑趐致敬   92/100

這四個包係用嚟食趐伴食  粗鞋到離譜  無人食  50/100

烤北京填鴨  在這些菜館第一次無即席片鴨  甚至連隻鴨都未見過  上就上片好的鴨和薄餅

這北京填鴨真是令人有點失望  叫我講出有乜問題  我又講唔出  終於老虎講左一句好貼切的形容：「春滿園果隻重好食」62/100

松鼠桂花魚  又名松子黃魚  這道菜應該用黃花魚 將魚身切成方格  猛火滾油把魚身炸成一粒一粒凸起  尤如松子一樣  故名松子黃魚
黃花魚好像已絶種一樣  久未有見過用黃花魚制做"松子黃魚"  鹿鳴春竟然更用上桂花魚  桂花魚根本不是製作這菜式的魚種  鹿鳴春你有無九両菜  一個咁傳統嘅菜  在這一間咁傳統的食肆  用上這樣的不恰當材料  我呸！！  50/100

雲腿扒雙蔬  上海雲腿真是有它的一套  雖然是較鹹一些  但你都會嚐試  雙蔬全憑獻汁吊味  除大白菜較un外  可以達水準 70/100

花素蒸餃  餃點只有啄得很碎的白菜  調味亦很清淡  和剛才的全部重口味  十分大對比 68/100

高麗豆沙  我和老虎至愛甜品  二十多年前這是高麗豆沙香蕉  加一小粒香蕉在豆沙中  十分簡單但好食好多  唔明點解依家無左  68/100


以上是一個3380套餐  共有11個人食 埋單每人科款325元  抵唔抵見人見智  我覺得ok囉

真係話出就出喎！象版好野！:em17::em17:

鹿鳴春嘅野唔會差得去邊嘅！但亦唔會平得去邊！
象版你問呢餐$3,380抵唔抵？
我答你.....唔抵！不過冇計啫
點解唔扺？我覺得所有大時大節，
食邊間食肆邊個套餐都唔Q抵
就以你今次呢餐，如果平日食，個翅一完煨得好D，
填鴨一定當面切啦 (當面切都唔係因為排場，當面切隻鴨可以熱D冇咁油)
你話喇，同一樣價錢，平曰食係咪一定扺過大時大節食？

我睇完報告，都有少少欣賞鹿鳴春嘅能力呀
通常大時大節，好多食肆出菜速度慢咗N倍，出嚟嘅野係溫溫吞吞嘅，揾待應係冇人理你嘅
以上問題，鹿鳴春應該冇發生啦
如果唔係，以象版咁識飲識食，你仲唔喺個報告度炒蝦拆蟹咩:em8:

多謝Ching詳細報告

好耐好耐以前同D同事食過，最懷念佢o既砂鍋雞鮑趐，睇番都流口水！{:soso_e179:}

象版呢個報告真係來得合時
因為小弟黎緊星期四已經book好位去鹿嗚春食飯
不過我好肯定我呢餐一定抵過你
因為我係有！人！請！

鹿嗚春我都真係好耐好耐冇去過
印象最深刻始終係佢既片皮鴨, 魚同埋個翅
唔知仲有冇跌wat呢
等我星期四食完再同象版交流下~

鹿鳴春我又细食到大，基本上年年年夜饭都会系度食。
如果无记错E+老板系第二代，第一代老板同我麻麻系麻雀脚。

kt1997kt 發表於 2012-1-29 20:41

                               
登录/注册后可看大图

真係話出就出喎！象版好野！

鹿鳴春嘅野唔會差得去邊嘅！但亦唔會平得去邊！

kt版兄 3380元我覺得ok  單是鼎趐  我肯比 1800-2000元
隻填鴨就真老土  最後一面都唔比我地見吓  我知鹿鳴春好忙碌  但這是食填鴨的步驟嘛  點可以....

309841048 發表於 2012-1-30 02:56

                               
登录/注册后可看大图

多謝Ching詳細報告

請勿再作無聊回應  多謝合作{:soso_e181:}

大表哥 發表於 2012-1-30 06:57

                               
登录/注册后可看大图

好耐好耐以前同D同事食過，最懷念佢o既砂鍋雞鮑趐，睇番都流口水！ ...

識食這鍋雞鮑趐真是不可多得{:soso_e102:}

batbatbat 發表於 2012-1-30 09:51

                               
登录/注册后可看大图

象版呢個報告真係來得合時
因為小弟黎緊星期四已經book好位去鹿嗚春食飯
不過我好肯定我呢餐一定抵過你

等你個食評啊bat兄
淨係我吹好悶架食完番嚟寫個報告  一齊吹下{:soso_e182:}