元朗有乜食@麵食篇

元朗 真是一個大把野食的鄉下地方 小象現在就給大家介紹一下 一些元朗名店 及小象對它們的個人評價 當然這只是小象比較多接觸的食肆 可能有更出位的食肆 小象還未有品嚐過  井底蛙之小象 首先在此向各有識之仕請罪  歡迎大家作出指教

麵食篇：元朗麵店 林林總總 多不勝數 名店更多達六七間

勝利牛丸 憑一碗牛丸麵聞名全港 但今時今日一粒爽口彈牙牛丸  已非什麼特出賣點  連國內50蚊個的牛丸火煱嘅牛丸 都已可以和勝利牛丸比美  咁樣仲有乜賣點呢  60/100

好到底麵家  我諗這是元朗一間齋食朶嘅麵家  固步自封 不思進取 元朗人 都無乜人再會去幫襯  我週邊朋友 都無人提過下好到底麵家  我自己都唔記得無去幾耐 50/100

嘉麗園潮洲牛雜專家  好多人由省城入嚟食嘉麗園  小象初吃時立即愛上  其後更當飯食  當時真的好期待午飯時間  又有得食嘉麗園牛雜
但兩星期後 發覺嘉麗園D調味 除左偏鹹外 味精重好似唔使錢咁  我問同事有無覺得嘉麗園好重味精大家都話一早知喇 63/100

彪記牛丸麵家 唔通我真係唔識欣賞牛丸彪記牛丸 同勝利牛丸有乜分別  咁多人話這裏牛丸好食嘅  最令我火滾 有兩次食丸腩麵  兩次D牛腩都咬唔開  雖然話你主打牛丸  但牛腩都唔駛做到咁差阿化   彪記牛丸麵家  我已經發左誓唔會再幫襯  45/100

學記麵家  是位於冬菇亭的食肆  但他著名的牛腩和牛雜 真是少有失準  牛腩是正式牛坑腩  它的嫩滑真是叫一碗腩河你會嫌少  我試過食多碗腩米  牛雜這裏也是十分聞名  但我無食過唔知好唔好  因為次次我都食牛腩  唔想浪費一次食學記麵家牛腩的機會  但係在這裏千祈唔好食魚疍  點解在下面話你知點解 78/100

新東記麵家  就在學記麵家附近  在食牛腩河時  留意吓  你一定見到新東記麵家  點解唔好在學記食魚疍呢  因為新東記麵家的魚疍  小象覺得果種口感 只此一家 有彈性的魚疍 又有食棉花糖咁嘅口感  真係咁複雜 咁特別  炸魚角和魚麵  也是新東記麵家必食之選  但個麵湯就唔多掂  淡到PK  一定要加腩汁  但唔好食牛腩喎  要食牛腩去學記麵家喇 78/100

滿記麵家  在學記麵家街尾  小象最欣賞它的生麵  乜叫爽口彈牙鹼水生麵  滿記麵家就搵到咧  雲吞麵 係我在滿記麵家的最愛  三粒大蝦雲吞  爽口彈牙  生麵賣13蚊碗  鬆脆炸魚皮6蚊碟  全走介蘭6蚊碟  唔甜豆漿一杯6蚊  埋單31蚊  飽到仆街  星期六放工後  我好多時就係食滿記麵家 80/100

永年士多  一間永遠有十多人以上排隊的車仔麵鋪頭  這是一個年青人景點  也是一個吸引好多由省城入嚟的年青人  入嚟元朗朝聖的車仔麵鋪頭  永年士多最出名是他的辣辣沙爹汁  可惜小象不嚐辣  所以吸引不到我去排隊  但小象當然都食過永年士多車仔麵數次  感覺一般喇  我每次食都係無人排隊才吃  要排二十分鐘  就唔食lu  唔值得嘛63/100

許祥昌車仔麵  這一家也頗為人所熟識  勝在抵食 16蚊一碗任由配搭各款如豬紅…豬皮…配幾多款都得 味道因價錢嚟將就下啦  飲品11蚊杯  最多人飲係紅豆珍珠奶茶  70/100

生記刀削麵  四年前開業時  其門如市  由開鋪爆到收工  因為它真有它的獨特山西口味  當時我和老虎  一星期起碼兩次在此開餐  但隨着元朗越來越多選擇  生記刀削麵的生意少了一半囉 68/100



爽爽麵店  這間是小象認為是元朗麵店之最  麵以它的伊麵最棒  但很多人說它的河粉最好食  但小象未食過因此次次都賣晒  而爽爽麵店的醉雞和豬扒  就是最好的  該店無其他只賣醉雞和豬扒  每日營業八小時  賣晒收工  唔係有D辦法  點可以咁串啊 92/100

我N年前住過錦繡花園
亦久唔久會去元朗食吓野
但象版你介紹咁多間麵家，我祇係食過勝利牛丸咋
印象中，當年佢D牛丸都幾爽幾好味，但D粉麵就好普通啫

身為港島人既我
成世人去元朗加埋都唔知有冇十次
咁多間只食過勝利牛丸(都係因為其名氣)
睇怕係可見既將來都唔會有機會試其他
雖然如此
都多謝象版分享評價

kt1997kt 發表於 2012-1-10 23:04

                               
登录/注册后可看大图

我N年前住過錦繡花園
亦久唔久會去元朗食吓野
但象版你介紹咁多間麵家，我祇係食過勝利牛丸咋

kt版主師兄 原來N年前已經住錦繡花園{:soso_e179:}
睇怕宜家住半山或者南區喇{:soso_e163:}
富貴人家{:soso_e176:} 多D關照我厘個破產人仕啊{:soso_e144:}
勝利牛丸就因為個朶街之巷聞{:soso_e112:}
所以好多外來人嚟食  就如kt版主師兄話齋  個麵絶對唔叫做好{:soso_e117:}
永年士多車仔麵都好出名架  乜無試過咩{:soso_e132:}

batbatbat 發表於 2012-1-10 23:33

                               
登录/注册后可看大图

身為港島人既我
成世人去元朗加埋都唔知有冇十次
咁多間只食過勝利牛丸(都係因為其名氣)

又係只食過勝利牛丸{:soso_e113:} bat師兄{:soso_e165:} 搵日入下嚟元朗喇  好多好野食架{:soso_e179:}

kkbbq 發表於 2012-1-11 07:11

                               
登录/注册后可看大图

kt版主師兄 原來N年前已經住錦繡花園
睇怕宜家住半山或者南區喇
富貴人家{: ...

象版，我N年前住錦繡花園係租嘅咋，同富貴人家差好遠
祇係當時年少輕狂，兩口子想一圓大家想住house嘅夢
享受吓嗰種寧靜，種下果樹，種下花，剪下草個種生活咋
不過住咗幾年都頂唔住每日交通頻撲，要搬番出市區喇

生記刀削麵 好似好得~ 呢期口味重, 愛吃麻辣
搵機會試下先~! {:soso_e144:}

哇哇...师兄好介绍...要MARK低...

勝利牛丸          康景街1 號裕景坊20號祥發大廈地下
                               景街1號鈞德樓地下
                  谷亭街傑文樓地下1號舖
好到底麵家        阜財街67號
嘉麗園            康景街利景樓5號地下
彪記牛丸麵家      建業街51-53號
學記麵家          擊壤路熟食市場地下1號
新東記麵家        青山公路251萬昌樓地下A舖
滿記麵家          擊壤路9號金寶大廈地下1號
永年士多          豐樂里6號寶城洋樓地下
許祥昌車仔麵      擊壤路17號順發大廈地下B舖
生記刀削麵        大馬路212號華昌樓地下D舖
爽爽麵店          鳳攸北街5號順豐大廈地下

元朗學記食過一次，D粉面、湯牛腩、牛雜真係五錯，
難怪依家D大食代都有佢的店子啦，
但五知點解係大食代美食廣場內，
永遠食五到係元朗排檔風味，感覺就差了些！