澳門船屋+內港葡餐廳難食兼出來一頸血

澳門船屋+內港葡餐廳難食兼出來一頸血
澳門船屋+內港葡餐廳難食兼出來一頸血




話說上星期六12點多打電話去船屋葡餐廳訂1點檯, 一個女人告訴我1點無位, 跟著我要求1點半, 她也說沒位, 最後她把我們推到2點, 我們免強應承, 打算如去到太多人的話就去內港餐廳。

1點多去到船屋, 發現佢地空檯4-5張, 我們後面還有幾檯客都一樣即刻有位, 但訂檯卻把我們推到午飯時間後, 船屋呢間餐廳真係居心叵測。

坐低冇水供應, 要客人買水, 真係大吉利士, 一支1.5公升水售20元, 可能呢d係葡餐廳習俗吧, 不過香港人就好唔慣。我叫了一杯雞尾酒, 50元左右吧, 我們再叫了兩個菜, 先試一試佢地廚藝得唔得,  然後再叫, 先叫了一客蒜蓉蜆和一客非洲雞。

蒜蓉蜆蜆肉瘦得不可再瘦, 而且死蜆很多, 差不多1/3係唔開的, d蜆湯好咸, 冇蜆味, 售約80元; 非洲雞雞瘦無肉, 肉無味, 醬汁無味, 我諗去茶餐廳都好食過佢, 售約100元。唯一要讚的係佢地隻硬豬仔包, 外脆內軟熱熱的。

咁嘅情況, 我們已知呢間野係遊客店, 名過其實, 立即結賬走人, 埋單, 兩個人兩個菜270多元。走時見到格離檯對男女, 叫左4個菜, 開左支酒, 而且見佢地食到high口high面咁, 都知d野食點勒, 佢地張單無2千都唔使出門口, 我們在坐其間不斷有遊客走入黎, 真係老襯何其多。


跟住我地沿路去左內港葡餐廳, 入到去只得兩三檯客,我地告訴侍應, 我們剛在船屋吃完, 覺得唔掂所以再過來試下, 叫佢介紹下, 不過唔好介紹d飽肚嘅, 因為之前都食得7成飽了, 侍應介紹了一客白酒煮青口, 售約80元, 有10隻, 味道都算ok。另一客佢介紹葡式乳豬, 我地問佢大唔大碟架, 她說只有六件, 我們接受, 上菜時真的有六件, 但不同中式乳豬, 肉比較厚身, 冇乜味道, 伴碟的薯條及醬汁又唔掂, 我地食剩一半都食唔到打包攞走, 這碟乳豬竟然售160多元, 真係買半隻都買到。埋單承惠260多元。

一個下午被宰2次, 吃個午飯4個菜共約550元。