洪水橋King Ludwig Beerhall德國餐廳

元朗最近開左一間國際連鎖 King Ludwig Beerhall德國餐廳 聞名以久的正宗德國鹹豬手 怎能不前往一試  未去前 已得知該餐廳佈置得很有德國特色  大部份檯椅 擺設 食具都是由德國運到  是一間頗為講究的國際連鎖店  加上時近聖誕  便有漂亮聖誕裝飾 可以影下相添 是日 約左四個靚女去晚餐  咁嘅環境真係無嘥



先點選一些飲品  八點前飲品Happy Hour  約八五折  但8.5折都唔平架  一杯Mixed dring 要60蚊起錶

横掂都係貴 我要左杯0.5Ltr Hoegaarden White Beer

隻啤酒杯好有手感超大隻




King Ludwig Beerhall德國餐廳  除左環境擺設吸引小象外  最喜愛的還有一伙四個菲律賓人的LiveBand  唱70＂80＂年代的英文抒情老歌  啱哂溝中女  試想 開間時鐘酒店在隔籬  一定發達  如果你生日重正  有蛋糕比你吹臘燭  LiveBand為你唱生日歌  氣氛高潮又高潮

我們五個人  叫左一份$718蚊四位用特價Set Dinner (佢話原價$1436) 加一個德國雜腸鍋 $149
$718蚊Set Dinner有乜食呢  睇吓Menu先
頭盤：德國麵包籃  蕃茄沙律配羊奶芝士及香草蒜蓉包  德國煙燻腸拼青瓜沙律  薄切煙三文魚伴牛油果  酸椰菜鴨肉春卷配粉紅胡椒醋片

主菜：脆皮燒豬肘配酸椰菜及薯仔  蘇黎世牛仔柳配薯餅  智利鱸魚柳配紅花汁  香草扒蒜香什菜拌蕃茄長通粉

甜品：德國珍寶黑森林蛋糕 伴特色甜品六款

頭盤：

德國麵包籃 有香草芝士醬和牛仔肝醬跟碟  各款麵包都好好味  該香脆的香脆  該鬆軟的鬆軟  麵包表面都有著一些鹽 吃起來有少少鹹  香草芝士醬都唔錯  但另一牛仔肝醬 更是我們爭食的目標  牛仔肝醬  對我厘個三高人仕有威脅  但真係欲罷不能  90/100

蕃茄沙律配羊奶芝士及蒜蓉包  羊奶芝士味道似乳酪  香草蒜蓉包比不上德國麵包籃嘅包  65/100

德國煙燻腸拼青瓜沙律  德國煙燻腸就似中國臘腸  只是有煙燻香味 和沒有中國臘腸的肥肉  所以口感比較乾  但又不是死死實實  有著另一種風味  70/100

薄切煙三文魚伴牛油果  真係切得超薄  煙三文魚伴牛油果 小象在加拿大吃過一次  是這個的兩倍份量  煙三文魚用料唔錯 伴香軟牛油果更特顯煙燻香味 但太薄真係有點到喉唔到肺  68/100

酸椰菜鴨肉春卷配粉紅胡椒醋片  鴨乜春肉春卷呢  我真係食唔出鴨肉味  似上海炸春卷味道  粉紅胡椒醋片  咪係上海炸春卷碗醋汁囉 挑！！ 50/100








King Ludwig Beerhall德國餐廳地方是罕有的大露天室內任由選擇但當晚可能天氣寒冷所以戶外無人在進餐

主菜：


脆皮燒豬肘配酸椰菜及薯仔  這是今晚的主角  首先待應會把脆皮燒豬肘上桌(德國鹹豬手)給你過目 當然唔駛驚  唔會要你老鼠拉龜咁樣鋸隻德國鹹豬手

瞻仰遺容後  待應會把脆皮燒豬肘拿走  在另一張檯把鹹豬手解剖之後  再送上桌

這德國鹹豬手果然名不虛傳  真的非常脆皮  而且皮十分薄  就如一塊香口薄脆肉  十分入味腿肉  就如金華火腿的濃郁  但無左金華火腿的 “油益味”  但可惜比較鹹  我杯0.5Ltr Hoegaarden White Beer大派用場  德國鹹豬手並不是大大隻   好彩同吃是四個都係女  如果五個都係仔  一定唔夠食  今次我仲可以食兩件  加咬埋條骨  88/100

蘇黎世牛仔柳配薯餅  講都費事 睇吓都知有幾好食  把撚！！！ 40/100

智利鱸魚柳配紅花汁  智利鱸魚柳？？同佳寶11蚊一條果D急凍魚柳一樣  食唔出有乜分別  紅花汁？？似蛋黃忌兼汁多D  不過乜汁都好喇  味道都OK  60/100

香草扒蒜香什菜拌蕃茄長通粉  想嚇死人咩個菜名13個字  再叫都叫唔番  三個字咪夠囉 “齋通粉”
40/100  有三十分比改菜名條羚羊嘅

德國雜腸鍋  叫錯左  失望  好普通  無特別  奉勸大家唔好叫  50/100

甜品：

德國珍寶黑森林蛋糕伴特色甜品六款

德國珍寶黑森林蛋糕  如果有人生日上桌時會有臘燭  這黑森林蛋糕 四條女都話唔好食 但我覺得佢哋唔識食  蛋糕本身真係好鞋 但可能那是德國蛋糕傳統口味  所以最正並非蛋糕  而是蛋糕面和邊邊的朱古力碎  這朱古力碎有濃厚苦味  懂吃朱古力的人 便知這才是純正朱古力  
還有一樣更好味嘅  就是蛋糕入面的酒紅莓  這真是這蛋糕中的極品 苦澀的純正朱古力  微甜的紅莓加上酒香 大部份女仕是不懂欣賞的東西  80/100

特色甜品六款



只有這櫻桃蛋糕  和這朱古力慕士  芝士餅好食  由其芝士餅超好味  另外三款甜品可食可唔食 70/100



King Ludwig Beerhall德國餐廳 環境 氣氛一流 食物未算精采 但亦算可以 埋單1440大元  西餐食排場講氣氛  這餐廳已經滿分  食物可能只是小象係鄉下佬  唔識欣賞呢  但我都會有下次幫襯  我鐘意這裏的氣氛

多謝象師兄好介紹，
請問象師兄此店是否近丹桂村？
價錢如何？
我其實好鐘意呢D淡淡肉架！

無爭有為 發表於 2011-12-17 01:37

                               
登录/注册后可看大图

多謝象師兄好介紹，
請問象師兄此店是否近丹桂村？
價錢如何？

有為師兄{:soso_e163:} 咁我又唔知果度係乜村{:soso_e132:} 我搭輕鐵  在洪水橋站落車  行過去囉{:soso_e100:}
用東亞信用咭找數有優惠{:soso_e112:} 埋單$1440  我地五個人  每人$288{:soso_e189:}  
必食之選"脆皮鹹豬手" 啱哂我地厘D食肉獸{:soso_e120:}

睇完師兄的介，都想去試試，唔知間餐廳易唔易搵？

去德國時食過真正鹹豬手餐,都無你係香港食得咁豐富和味!

無爭有為 發表於 2011-12-17 01:37

                               
登录/注册后可看大图

多謝象師兄好介紹，
請問象師兄此店是否近丹桂村？
價錢如何？

無爭兄，我見象版D相影得咁正
咪上網揾吓呢間野係邊度囉
原來唔近丹桂村
丹桂村係洪水橋站，
佢呢間野係chung uk tsuen 站 (中文唔知點譯)，洪水橋站下一個站
喺廣田街隔離
餐廳電話:2477-5000

象版，King Ludwig Beerhall呢個連鎖店喺香港有幾間分店
尖沙咀尖東站，赤柱美利樓，灣仔合和中心都有
我去得赤柱嗰間最多，貪佢望到海夠浪漫:y-80:
講番食物，我乜都普通
去到祇係必食鹹豬手同嗰隻農夫包 (我地人少所以冇得叫麵包籃 )
喜歡農夫包除咗包好味之外，另一個原因都係為咗個香草芝士醬同牛仔肝醬 (真係正)
我老虎喜歡香草芝士醬，我就情歸牛仔肝醬，唔駛爭:em20:
隻豬手我同老虎最鍾意食皮同埋伴碟的酸菜
反而D肉就好多時都食唔哂，浪費兼折墮
既然洪水橋又開咗間，環境又幾正 (呢樣對我幾重要)
得閒入去走番轉先

Mr.Tman 發表於 2011-12-17 10:47

                               
登录/注册后可看大图

睇完師兄的介，都想去試試，唔知間餐廳易唔易搵？

洪水橋站落車  有禮貌D問吓D鄉下人{:soso_e181:} 一定會話你知  唔難搵{:soso_e120:}

peterjoe 發表於 2011-12-17 11:45

                               
登录/注册后可看大图

去德國時食過真正鹹豬手餐,都無你係香港食得咁豐富和味!

師兄{:soso_e181:}   請問在德國食的鹹豬手  同香港果隻香港德國鹹豬手  有無分別呢{:soso_e132:}

kt1997kt 發表於 2011-12-18 16:16

                               
登录/注册后可看大图

象版，King Ludwig Beerhall呢個連鎖店喺香港有幾間分店
尖沙咀尖東站，赤柱美利樓，灣仔合和中心都有
我去 ...

kt版主 麵包 牛仔肝醬  鹹豬手  幾樣好野都試晒喇 {:soso_e112:} 嚟我地元朗聞下D牛屎味  感受吓鄉村式嘅King Ludwig Beerhall德國餐廳  另一種風味丫{:soso_e152:} 同赤柱  尖咀唔同架{:soso_e120:}