羊扒芝士撈麵

今日又去旺角 本來又想食Ocuz 但好食另一回事 食完忍唔住又讚 咁就唔好


在Ocuz隔幾間  有一間叫富泰家的台式餐廳  在門口拉客的姐姐 一句「試吓我地嘅芝士撈麵喇」咁我就入左富泰家台式餐廳

柯打午餐A 改芝士撈麵 加六蚊 改台式飲品加四蚊

羊扒芝士撈麵  賣相可以  但睇真D就….. 我點解咁講  呢個芝士汁有幾多料真係一眼就知 入口感覺只是一個黃色漿糊獻  唔好話芝士牛油味  連味道也淡出鳥來  幸而還有一些灑在面的芝士粉味道  否則都唔知點食

但係兩件羊扒又幾好味喎  雖然羊扒調味100%港式豉油西餐味道  但係羊扒質數  重好過上星期在Ocuz食果件羊胺  小象覺得這羊扒超出這個餐的價值

講番個麵  點解會用即食麵嘅  見Menu有天使麵  所以我仲以為係天使麵  一件羊扒配即食麵  連件羊扒都降左格  失敗

飲品 改台式飲品加四蚊  士多啤梨乳酸  我唔記得左台式飲品  全部都係用塑化劑 色素 化學果味沖制  全都是假的味道  我蠢到以為是乳酪 奶昔之類  上枱先大失所望  台式飲品唔係真實嘅嘢  我一向麻麻  唯有當水飲晒

這是所謂奉送的鮮果  三粒西瓜  肉肉酸酸咁  慳番好過喇

埋單44蚊  價錢算合理  不過水準就差D  番頭機會45%

公仔麵係垃圾食品,只係愛黎醫肚,用黎煮餸真係失敗

芝士汁應該係生粉打獻的，絕非係西餐的牛油面撈！
咁樣出來的效果有點兒無奈，可惜！{:soso_e115:}

無爭有為 發表於 2011-11-20 21:06

                               
登录/注册后可看大图

芝士汁應該係生粉打獻的，絕非係西餐的牛油面撈！
咁樣出來的效果有點兒無奈，可惜！ ...

對這一個就是一個麵撈 {:soso_e100:}  仲係一切無誠意的麵撈{:soso_e101:}   唔係行家可能唔知乜嘢係"麵撈"{:soso_e120:} 但我知我做嘅芝士汁一定比他好{:soso_e144:}

呢間野都幾求其喎
好唔好食另一件事
羊扒+芝士+公仔麵？:y-9:
真係第一次見！
呢間野有冇早餐食，係咪朝早賣唔哂午餐用埋佢唔好浪費:y-17:

kkbbq 發表於 2011-11-20 21:21

                               
登录/注册后可看大图

對這一個就是一個麵撈   仲係一切無誠意的麵撈   唔係行家可能唔知乜嘢係"麵 ...

仲係一切無誠意的麵撈

我鐘意象師兄呢句，搞鬼得黎又插中重點！

如果唔改芝士撈麵，叫番原本法國芥末醬汁，亦唔改台式飲品，照象版對那兩片羊扒的評論，呢個午餐$35都應該算係值回票價。

chlonline 發表於 2011-11-20 20:52

                               
登录/注册后可看大图

公仔麵係垃圾食品,只係愛黎醫肚,用黎煮餸真係失敗

雖然話公仔麵冇益，但久唔久食番個日本出口的出前一丁（一定要日本做的），同時飲番杯可樂
都係一件開心事
其實，煮即食麵都要講技巧，煮得好唔好，差別好大

羊扒、芝士、一丁呢個配合真強..
超爆膽固醇

chulo2009 發表於 2011-11-20 22:25

                               
登录/注册后可看大图

如果唔改芝士撈麵，叫番原本法國芥末醬汁，亦唔改台式飲品，照象版對那兩片羊扒的評論，呢個午餐$35都應該 ...

就算依家比四十四蚊  我都覺得值得架{:soso_e112:}   果兩件羊扒  直程係一個驚喜{:soso_e179:}