九龍城 - 創發潮州飯店

講開上水景點
又扯起條筋講吓另一傳統老店
早幾日約咗友人食晚飯
但公司有些工作要趕
成九點鐘左右先走得
唔知食乜，突然諗起食潮州菜
因為時間上晚飯唔係晚飯，宵夜唔係宵夜
食潮州菜可以半小菜半打冷嘛！

揀咗九龍城呢間老店
因為友人話想食傳统少少嘅潮州菜喎
去到門口己經有個背脊插住雞毛掃嘅阿伯指揮交通
路邊唔係錶位但變咗阿伯私人停車場
落車就要俾40大洋！

坐低，同上水景點一樣，
一位阿姑亦同樣高效率地送上茶介
但面口就同上水天淵之別了
佢真係見多識廣，一眼就知道友人先係今餐飯的最終決策人
好好禮貌，好好聲氣咁捉咗友人出去打冷檔揀餸
對我簡直眼尾都唔望吓，駛唔駛咁現實呀{:soso__11465115810828156359_4:}

攪咗一輪，阿姑同友人一齊好開心咁番埋嚟
我問吓友人叫咗乜.......阿姑笑哂口爭住答:

鹵水鵝腸拼鵝翼
涷蟹一大隻
螺頭雞燉翅一大盅

頂！呢位阿姑真係笑騎騎，放毒蛇
不折不扣top sales，五六十歲人仲叻過骨場嘅靚女營銷{:soso_e146:}
殺傷力大過上水阿姑多多聲{:soso_e127:}
不過咁，阿姑的服務質素同水準都應該要讚嘅{:soso__11557795375682083426_4:}

好喇！吹完水，上菜.......



一睇隻蟹就知係好野啦！
真嘅！好新鮮，好有蟹味
凍蟹好簡單，食原味食鮮味
蟹合時令，又新鮮整出嚟
差極有個譜
友人好鍾意食蟹
kt 望住友人開心滿足嘅食相......抵番哂喇！{:soso__7573642724237818508_1:}



鹵水鵝腸鵝翼
鵝腸好爽好入味，幾有咬口
絕對唔係嗰種用化學物品加工漂白嘅鵝腸，真係好耐未食過咁好味嘅鵝腸喇！
鵝翼亦鹵得火候恰到好處
唔太淋有少少咬口趙頭，好入味好入味
仲有一樣野一定要講
kt 相信呢間傳统老店的陳年鹵水汁
經過咁多年日月精华的累積
絕對是此店出品好味鹵水食物的必要原素
總之，kt 真心推介呢碟鹵水鵝腸鵝翼
無論食物新鮮度，火侯同鹵水汁味道都是上佳之選！{:soso_e179:} {:soso_e179:} {:soso_e179:}





螺頭雞燉翅，成4舊水一盅(大約四至五碗左右)
不過好足料，大家睇相都睇到嘅喇
惟一少少美中不足就係唔太熱 (呢個可能係kt要求食好熱嘅翅啫)



食食吓阿姑又笑哂口攞咗碟反沙芋過嚟
kt 以為佢送俾我哋食
原來唔係，佢話反沙芋係此老店的必食之物
祇是限量供應，佢手快先搶到兩條留俾我倆喎
真係吹漲，唔封佢做營銷之星都唔得{:soso__6136696232999955667_2:}

講番反沙芋，普普通通啦
最敗筆是芋頭切得太大件
炸起來唔係好夠通透



呢碗唔知係"乜薯"糖水
問咗阿姑兩次佢都講到一舊舊
淨係識話係潮州燕窩喎
又係customer oriented，見到女仕推銷類似燕窩嘅物體都掂

講真，碗糖水唔得
"乜薯"本身無味，糖水又唔甜，最衰仲係溫溫吞吞{:soso_e135:} {:soso_e135:}

最後埋單千一蚊
提一提，老店即係老店......竟然唔收信用卡
好彩嗰晚我銀包都有銀啫
如果唔係實俾阿姑好似大耳窿咁押住kt去錢呀{:soso__1455159028375167598_1:}

貴夾唔飽  這就是kt員外老爺的宵夜{:soso_e120:} 去得潮洲酒家  每人三舊水至四舊水都似乎走唔甩{:soso_e101:} kt員外就食夠人均消費550大元  真係勁{:soso_e179:}

厘隻涷紅花  真係好正{:soso_e165:} 小象家道中落  久已未聞其味{:soso_e135:} 我講真架  依家我食唔起  兼唔捨得{:soso_e149:}

鵝腸 我就食得起咧{:soso_e113:} kt師兄{:soso_e181:} 萬九幾分同意你講法{:soso_e179:} 這店的鹵水真係鎮店之寶{:soso_e179:} 煲陳年鹵水  如果用嚟淥化學鵝腸  咪破壞整煲鹵水味道{:soso_e134:} 所以一定會用新鮮鵝腸{:soso_e100:}

一煲靚湯  貴精不貴多{:soso_e124:} 小象又係最怕不溫不吞嘅嘢  一碗靚湯  熱到熨口才飲得過癮{:soso_e112:}

反沙芋頭 小象至愛甜品  但我的友人似乎不大欣賞  每次叫我要食大半碟{:soso_e101:}

個糖水  應該是搵笨實之最咧{:soso_e155:}

講真 今時今日 千一蚊食到高質食材  又見識到勢利現實版搶錢大姑嘅表演  唔貴架喇{:soso_e113:}

kkbbq 發表於 2011-11-20 06:30

                               
登录/注册后可看大图

貴夾唔飽  這就是kt員外老爺的宵夜 去得潮洲酒家  每人三舊水至四舊水都似乎走唔甩{:soso_e10 ...

創發嘅食物質素係有保證嘅！

講真，我冇怪過今次個大姑，雖然佢都係推介貴野嘅搶錢版嘅喇
但佢祇係係做好佢份工啫
而且，大姑又冇逼我哋，牛唔飲水點得牛頭低！

kt兄,可否逐一講每道菜的價錢給我作為參考?{:soso_e181:}
老實說,我蠻喜歡吃潮州菜,可惜比其他菜都偏貴的!小弟是窮光蛋一名,有些菜想吃不敢吃(花不起),{:soso_e150:}不太貴的亦可一嚐!{:soso_e100:}正如鵝腸!這碟鵝腸單看賣相,小弟口水橫流了!{:soso_e124:}想起上次在沙田吃的鵝腸,真是差天共地!沙田那家的鵝腸顯然是經過化學處理,一咬口,即刻想吐出來,{:soso_e119:}因為做得太差勁了!{:soso_e111:}
我亦有點喜歡吃蟹的,只是老人家牙齒不好,所以少吃!這蟹相信不便宜,小弟無緣一試了!{:soso_e105:}
總括來說,這店應該靠得住,小弟有空經過的話,一定要試一試!多謝kt兄的分享!!!{:soso_e121:}

果碗糖水係薑薯，好野黎架，冬天才有得供應
唔得閒，講住咁多，遲D再認真回帖

estheryau1221 發表於 2011-11-20 10:34

                               
登录/注册后可看大图

kt兄,可否逐一講每道菜的價錢給我作為參考?
老實說,我蠻喜歡吃潮州菜,可惜比其他菜都偏貴的! ...

唔好意思呀EY，我真係唔知每道菜嘅價錢
我講得出個螺頭翅因為價錢貼咗喺牆身之嘛
其實螺頭翅係最貴嘅喇，菜膽翅應該係140蚊
個鵝腸鵝翼確實價錢我唔知
但應該七八十蚊左右啦
個蟹係時價，大約五百零六百左右
反沙芋12蚊/條，糖水15蚊/碗

我再補充一下之前的回帖。

薑薯，應叫「姜薯」才對，是我寫錯。

姜薯是潮州特產，冬天才有供應。外型有點像薯仔，其實佢應該被歸納為淮山類，口感也相像。

姜薯味清甜爽滑，那種滑是淮山所缺乏的。卡版食果碗係白果姜薯糖水，係好傳統的潮州冬季糖水。

這道甜品，材料好簡單，不過要煮得好，就要比較花心機。

姜薯煮得耐會溶化變成糊狀，即時失卻爽滑的獨特口感。批皮後的姜薯容易變色，要食的話，一係即批即煮，一係放入清水，但都唔可以擺放太耐。

煮這甜品，以清水煮溶冰糖，落白果，白果煮熟，最後落姜薯，滾兩下，立即撈起。最傳統的煮法，係好似煮刀削麵，用刀或削皮刨在窩上刨姜薯，呢頭刨好果頭就撈起，否則溶左就唔好食。

咁浪費人力，又賣唔到錢，好多潮州食店都唔會供應。我鐘意食姜薑糖水，因為芸芸眾潮州甜品當中，這味算是特別清，再上有季節性，特顯矜貴。平心而論，佢又真係比唔上清心丸綠豆爽咁討人歡喜。
卡版食果碗係唔夠熱，咁就死火，點會好食丫。

我對創發一向有偏見。（要批評人家，當然要表明是偏見）

創發冇錯係老字號，但以前只係一家打冷店，賣的係簡單潮州平民食品，即係話佢係一家小飯店，唔可以話係一家酒樓，在老一輩的潮州人眼中，未算係一家有代表性的潮州菜館。但到今日，佢已經賣起貴標價的菜。
今日潮州菜比不上八十年代的興旺，不少真係稱得上好的潮州菜館在九龍城區陸逐結業，還讓人記得名字的舊店，就只有樂口福。

講番創發，池中無魚蝦為大，而家好多人講起去九龍城食潮州菜，都只會諗起佢。佢一向賣開小菜，並唔擅長精緻既潮菜，本來冇乜所謂，做平民菜市場都好大，可惜佢在九十年代末，菜單加左唔少非潮州菜，不倫不類（我直頭覺得咁係不務正業），自始我就black list左佢。希望佢已經浪子回頭。

卡版食果個翅賣得唔算貴，唔知佢地有冇做正宗潮州翅？估計應該冇，有都唔會做得好。

邊間食店都一樣，凍蟹一向賣得好貴，我早就戒左自己俾錢出街食，人地請客就冇所謂。

凍蟹太容易整，無須技巧，難係難在點買到咁大隻靚花蟹。

冇大隻既，退而其次，買夠兩隻細D架囉，每隻一斤上下，自己蒸，開支白酒，炒多個菜，兩口子撐檯腳，慳一半價錢有多。

反沙芋亦係我的心頭好，工序太複雜，冇可能自己做。

鵝腸掂係應份的，打冷店就係賣鵝腸豬紅大眼雞。

講開打冷食品，煎蠔烙都算係。驟然諗起，原來我唔鐘意創發的其一原因，就係某次食佢地的煎蠔烙，好唔得。

偏見，偏見，以上評論全屬偏見，有時候，自己在某些方面太過執著。

kkbbq 發表於 2011-11-20 06:30

                               
登录/注册后可看大图

貴夾唔飽  這就是kt員外老爺的宵夜 去得潮洲酒家  每人三舊水至四舊水都似乎走唔甩{:soso_e10 ...

象版要食凍蟹，何不自己買番屋企蒸？
除左未必買到咁大隻，味道一定唔會差過出街食

estheryau1221 發表於 2011-11-20 10:34

                               
登录/注册后可看大图

kt兄,可否逐一講每道菜的價錢給我作為參考?
老實說,我蠻喜歡吃潮州菜,可惜比其他菜都偏貴的! ...

潮州菜應該唔會貴過其他地方菜
可能某些菜式的材料較貴，產生了錯覺吧

chulo2009 發表於 2011-11-20 20:16

                               
登录/注册后可看大图

我再補充一下之前的回帖。

薑薯，應叫「姜薯」才對，是我寫錯。

先問吓偶像先，九龍城樂口福得唔得？