上水景點 - 廣成冰室

上星期六，約了一位久別重逢的小妹妹見面
小妹妹，返了家鄉一大段時間
現在鳥倦鳥知返，重回某深圳大場
作為金魚伯伯，豈能不第一時間上去見見面
看看小妹妹有甚麼改變吧！

小妹妹返中班，kt 晨早無所事事
揸車泊在上水廣場
貪佢有全日泊車優惠 (全日$75)
泊好車，睇吓錶
乜咁早呀？十點都未夠
有少少肚餓想食個早餐
記得上水有間名牌餐室
攞出手機上X飯網一check
廣成冰室-------排頭位，係佢喇！
成一百四十個good comments
仲唔仆到去試！

揾路都揾咗成十分鐘
終於揾到喇！


街道門牌，確實地址自已查啦！不過下兩張相好似影咗出嚟{:soso_e120:}


附近街道環境


終於揾到你了!

嘩！人頭湧湧，趁墟咩！
一見咁大場面，內心好複雜！

位都幾乎冇得坐，好似走難咁！
就算食龍肉，感覺都差咗好多啦{:soso__1523699748924892962_3:}

另一方面，見到咁多人
又覺得就算俾人揾笨，都有好多人陪喎
典型香港人死唔蝕底心態{:soso__15976094114752447130_4:}

一坐低，有個大姑好有效率攞咗杯茶俾我
跟住好有效率咁問我 : 「食乜？」
多個字都唔講，連尾音都冇
kt 問有冇餐牌，大姑又好有效率: 「冇！」
手指另一邊牆身，意思係叫我自已睇

唉！老人家眼力唔好，睇到標哂眼水先望到吓
咪以為kt 吹水吹大咗，俾張相大家睇吓


有冇講錯，個餐牌係咪好難睇

好啦！既然睇得唔太清楚
又見大姑企喺度啤到行唔肯走
係都要我即時落單，好似驚走犯咁
咪同佢講要早餐熱奶茶囉
「乜旦？」大姑又拋出一句冇感情的高效率問題
乜煎旦都有分別嘅咩？(原來最後先見到隔離枱可以點滾水旦的{:soso_e131:} )
佢見我冇反應，即時轉身行咗去
kt 好無奈，鬼叫自己唔係熟客，唔識架步咩！
唉！個心諗緊......
如果vshare 有呢D 「食乜？」，「冇！」，「乜旦？」嘅回帖
我實會話係灌水、無意義回帖扣Q佢分，仲有可能禁佢言{:soso__5896765600444667387_3:}

好喇！落咗單，見大姑落單咁有效率
咪坐定定等野食囉
果然快手，先嚟一個飽.......
哎！俾大姑兇一兇，唔記得要鮮油菠蘿
再望一望大姑嘅背影，都係唔敢改單喇{:soso_e114:}


個餐包好普通好普通，仲係凍嘅

唔係 kt 奄尖，食鮮油餐包/鮮油菠蘿
最重要係麵包要熱，牛油要凍
嗰種冰火感覺，先係其最重要神韻嘛
呢件鮮油餐包，唔駛咬落口都知水準係乜啦！

點解餐包嚟得咁快？
原來全部製成品都擺哂喺門口個柜度



即叫即取，用咁簡單嘅高效率工序點會有好的食物供應？
唉！........名店？

有餐包冇奶茶，乾巴巴點食呀？
kt 惟有等杯奶茶啦
一等10分鐘，真係成10分鐘
唔知攪乜，水吧的效率同樓面又係冰與火的分別


整個水吧冇人做野，谷氣谷到影相都有少少手震


等候奶茶時間，無無聊聊影番張懷舊吊扇相

奶茶到喇！真心話，不太差
有茶味，夠香夠滑


總算是一杯稍為令kt滿意的產品吧！

主角到了，在X飯網好評如潮的鮮牛肉通粉來了
連埋嗰隻"乜旦"一齊上{:soso_e107:}
牛肉真係好淋，但唔知kt係咪味覺有問題......冇牛肉味嘅{:soso_e131:}
kt 肯定.....又唔知用咗幾多秘製化學物料去改變牛肉細胞質地啦！


呢碟滿載盛譽嘅牛肉通，kt 無話可說


埋單26蚊，唔算貴，但名過其實


出門口見水牌好清楚，早知唔駛眼朦朦

賽後報告好簡單
呢間野係上水一間著名的景點........祇此而矣！
難為kt仲要慕名call 佢鐘去捧場
希望愈大，失望愈大
下次去上水食早餐
kt 就會求其輪牌算喇
可能有意外驚喜都唔定{:soso_e120:}

人一多D水準就唔掂，典型香港人老細心態，唔懮做嘛！

大表哥 發表於 2011-11-15 20:42

                               
登录/注册后可看大图

人一多D水準就唔掂，典型香港人老細心態，唔懮做嘛！

老細唔憂做，更加冇心改善食物質素，
班伙記咪有樣學樣囉
八成傳统老店嘅伙記都係寸到冇人有

哈{:soso_e128:} 哈{:soso_e128:} 哈{:soso_e128:} 又一把撚名店 {:soso_e180:}  個餐包 唔講有無冰火感覺住  單是賣相  如果放在麵包鋪可能會無人買{:soso_e120:}  一眼睇落去碟牛肉通粉都知把撚喇  {:soso_e134:} 隻單春煎蛋一定都係涷嘅{:soso_e150:} 又係煎定一大碟{:soso_e153:} 有水魚叫就擲一隻比你{:soso_e110:}

牛肉熟左  但呈現果種透紅色{:soso_e103:} 就係經過化學品..鬆肉粉過多處理之後的顏色{:soso_e110:} 咁樣嘅牛肉如果都會好食  我就切......{:soso_e171:}

今晚小象咁夜先蒲頭....就因為去左火煱{:soso_e112:} 亦食到同樣的化學鮮牛肉 {:soso_e126:}  小象食左半件就無再食lu{:soso_e101:}........................ 明日先講喇...老虎捉我上床喇.....{:soso_e135:}

上水廣場全日泊車優惠 唔喺記得$65 o呙又加咗？
鮮牛肉通粉 睇个樣好求其！牛肉一定經過化學品處理

ken_choy 發表於 2011-11-16 01:40

                               
登录/注册后可看大图

上水廣場全日泊車優惠 唔喺記得$65 o呙又加咗？
鮮牛肉通粉 睇个樣好求其！牛肉一定經過化學品處理 ...

ken 版，百物騰貴，上水廣場加咗價都一段時間喇！

講到求其，唔祇牛肉通，其它我食過我見過嘅都好求其:em13:

睇X飯網，呢間名店仲有另一出名野------紅豆冰，
不過試完個早餐，我都冇興趣再試喇:em18:

唔明，唔明。
咁既質素、咁既服務，價錢又唔係平
點解仲有咁多人去幫襯？
店鋪老闆有權安於現狀，不思進取
我唔會太過鬧佢
要鬧既係班客，縱壞晒間鋪
細路頑皮、無禮貌、驕生慣養唔做野
唔係完全細路既錯，錯在縱容而又唔肯教的父母
{:soso__18158761826380950362_2:}

澳牛新界版…！

kt1997kt 發表於 2011-11-16 11:47

                               
登录/注册后可看大图

ken 版，百物騰貴，上水廣場加咗價都一段時間喇！

講到求其，唔祇牛肉通，其它我食過我見過嘅都好求其:e ...

成年冇泊響嗰頭了，以為種嗰個價tim...

會唔會呢間特別出品俾OR啲人試呢？
所以個comment咁好。 。 。

kt1997kt 發表於 2011-11-16 11:47

                               
登录/注册后可看大图

ken 版，百物騰貴，上水廣場加咗價都一段時間喇！

講到求其，唔祇牛肉通，其它我食過我見過嘅都好求其:e ...

kt師兄{:soso_e165:} 你果D食物影出嚟  都唔似會好食喇{:soso_e120:} 我其實都成日想去試  今次多謝你幫左我一忙{:soso_e183:} 唔駛我心思思{:soso_e113:}