咖吔多士，代象版試食

昨天陪主子四圍逛，走入中環的IFC Mall（國金商場）。自從蘋果店開張以後，國金商場的人流倍增，搞到好似入咗朗豪坊。

今次入嚟國金商場首要目的係借用廁所。天呀！入到去都有人問你有冇興趣睇示範單位。成個商場內外，睇怕都有七、八十位地產界從業員（我唔會叫佢地做地產代理，因為咁係有辱呢個行業嘅真正專業），行到邊度都有人騷擾，甚至會閃到你正前面攔住，一定要將你截停。呢個係咪香港"地產霸權"另一種體現？

用完廁所，想話去食個下午茶。

幾經辛苦，闖過地產銅人陣，想去幫襯Amanda S間餅店，滿座。

好多間食店都爆滿。

行番去機鐵站果邊。剛才路過已經見有間星馬食店，都有蛋糕供應，又唔見爆滿。

呢間 Asian Twist（冇中文名），原來都有咖吔（佢地叫咖椰）多士賣。

  

象版講過想搵有好食咖吔嘅地方，咁我就大條道理做試食員啦。

咖吔多套餐賣$36，有份咖吔多、咖啡、蛋兩隻。散叫咖吔多要$15，咖啡$20，換言之加$1已經有兩隻蛋，要套餐定散叫，唔駛我多講啦。

先講煎蛋……其實有乜好講吖，只可以話，新加坡食法就係咁。

不過並非真係冇野講。人地新加坡有甜豉油供應，佢地檯連樽鹽都冇，要我主動問有冇豉油或鹽。

侍應拿拿聲去拎樽鹽俾我，仲多送一樽胡椒粉。

其實我最想要嘅係新加坡甜豉油，咁至有風味。

唔夠正宗，印象扣分。

埋單果陣，見另一檯有碟豉油送蛋，激死！

原來並唔係深圳骨場先至有77。

跟住講咖啡，係杯溝勻咗鍊奶嘅咖啡，唔駛再加糖。

對我嚟講，甜味啱啱好，不過就咖啡味略遜。

其實我係以我對越南滴漏咖啡嘅標準嚟評論。

平心而論，杯咖啡係及格嘅，如果及得上越南咖啡，就要叫做超好啦。



最後要講下主角：咖吔多士。

我要嘅係傳統多士，即係薄多士。

佢地仲有咖吔厚多同西多。

多士中間夾片牛油及搽咗層咖吔。

相比於Toast Box（終於查番佢個中文店名，叫：土司工坊），都係遜色咗D，如果份烘多士熱辣多一D，味道可能會香D。



主子方面，原本佢打算食件蛋糕，但見餐牌有佢嘅心頭好：喇沙，仲係只賣60幾蚊連杯咖啡，佢立即改變主意，搞到佢當晚飯都唔駛食。

我只係試過啖湯，味夠濃，有機會自己都試下。



感覺上，咖吔多比唔上土司工坊。

可能下次去土司工坊，又會覺得味道都係差咗。

甚至再有機會到新加坡幫襯”亞坤” ，都可能搵唔番當年果陣頭頂放煙花嘅感覺。

象版，如果你仲係搵唔番兒時對咖吔嘅感覺，接受現實，認命吧。

以下是象版的香港大食代報告結連，裡面講咗好多有關咖吔嘅討論。

http://www.vshare.cc/forum.php?mod=viewthread&tid=583497&extra=&page=1

Asian Twist 地址：IFC Mall 2017 號鋪（香港機鐵站上面）


***********************************
附文一則：” 好入味呀！….？？？？”
***********************************

再早一晚，應主子要求，放工去中環鏞記附近新開幾個月嘅"來佬餐廳"試下 。人山人海，似乎應該唔係”新屎坑，三日香” ，好有期望。

叫咗佢地嘅招牌菜：來佬汁雞翼，其實就係瑞士汁雞翼。

其他詳細唔講，當晚埋單300幾蚊，真係物….非所值，令人失望。

番到屋企，上去X飯網睇下，見好多多評論都大讚” 雞翼好入味” ，我睇到差D吐血！

時下好多人興寫食評，本來人人口味唔同，呢方面無須統一，但一D基本常識點都要有。

間店嘅雞翼，除咗外邊嘅瑞士汁，裡面係冇味。冇雞味，亦冇醬汁味，根本冇點認真醃過，又冇用醬汁煮得夠火候。點解D人個個都話好入味？！

最多可以話D雞翼淋上醬汁，好好味！好味與否係個人口味，係主觀嘅，我會尊重，但咪再亂咁講好入味，咁客觀嘅事實，希望果班寫食評嘅人唔好為寫而寫，人云亦云。

仲有D令我吐多幾口血嘅事，我當係個人口味及要求唔同，我係咁易呻埋出嚟。

乾炒牛河，人人都讚。我就認為毫無鑊氣，只係一般茶餐廳貨色。其實有好多茶餐廳炒得好好多。

焗豬排飯，又係有人讚。我情願以一半價錢去幫襯大家樂或者美心快餐。豬排質素跟後兩者都係差唔好，急凍肉，冇乜肉味。其實我係鐘意食後兩者嘅焗豬排飯，30幾蚊一個餐，抵呀。

Chulo師兄{:soso__9695053041195967338_1:} 點好意思  要閣下親自去試食咖吔{:soso_e100:} 件咖吔多個賣相唔錯喎{:soso_e179:} 但師兄話唔夠熱辣辣{:soso_e122:} 小象覺得 只有茶餐廳才有熱辣辣多士供應{:soso_e124:} 越大 越扮勁果D餐廳  件多士實涷咁滯{:soso_e120:} 又見師兄輕輕略過咖吔味道  可知又一次.......{:soso_e127:} 杯咖啡睇就幾濃  不過顏色怪D{:soso_e128:}

瑞士汁雞翼  老實說  幾間名店的瑞士汁雞翼  小象也曾嚐試{:soso_e120:} 但小象已同自己講過  唔會再中計{:soso_e148:} 小象間執笠餐廳  也曾賣鹵水雞翼  賣至在區內薄有名聲{:soso_e144:} 小象六年前賣12蚊六隻鹵水雞中翼  太平館賣四十蚊三件瑞士汁雞翼{:soso_e140:} 我大膽講句  味道一定唔差過太平館{:soso_e120:}

Chulo師兄  名人效應  報紙  電視講一講就發架喇{:soso_e182:} 好似早兩個星期翡翠台  有個飲食節目   講油麻地"美都冰室"杯懷舊紅豆冰 點正 點靚{:soso_e145:} 我就飲到發火咁滯{:soso_e155:} 比翡翠台講一講  又可以收錢收唔切喇{:soso_e112:}

kkbbq 發表於 2011-11-6 22:28

                               
登录/注册后可看大图

Chulo師兄 點好意思  要閣下親自去試食咖吔 件咖吔多個賣相 ...

呢間既咖吔多比唔上Toast Box，不過在國金咁貴租既地方，散賣都係$15，算抵食。鐘意食鮮油多既朋友，不妨試下。

佢地既淨齋咖啡顏色係好黑既，應該係正宗南洋咖啡。南洋咖啡味濃，但我飲杯加左鍊奶既就係差左少少咖啡的濃郁香味，唔係冇，係唔夠。好奇怪，印象中在新加坡的茶檔飲咖啡，都係覺得比越南咖啡略遜半籌，所以我唔敢話呢間店既咖啡唔正宗。

瑞士汁雞翼根本上係好易整，太平館賣到貴晒，其他跟風既又跟住搶錢。如果一定要選其一，我一定係揀食滷水雞翼。滷水雞翼仲要講求時間的控制，時間滷得太耐會重味得滯。雖然話係六年前o者，象版賣12蚊六隻鹵水雞中翼，蝕錢喎，點解我遇唔到咁大方既食店老板？

美都冰室我都路經過好多轉，但一次都冇幫襯。我見佢既價錢唔平，裝修殘舊，雖話有懷舊feel，但我對佢冇童年回憶，所以佢賺唔到我錢。見你食個紅荳冰都咁勞氣，我都可以將佢放入黑名單囉。

chulo2009 發表於 2011-11-7 01:00

                               
登录/注册后可看大图

呢間既咖吔多比唔上Toast Box，不過在國金咁貴租既地方，散賣都係$15，算抵食。鐘意食鮮油多既朋友，不妨 ...

國金地皇  15蚊件多士一D都唔算貴喇{:soso_e112:} 南洋咖啡偏苦澀  啱晒我厘D飲開黑咖啡嘅人{:soso_e152:} 香港有些茶餐廳   賣一杯咖啡色嘅水  我都試唔少{:soso_e150:} 飲一啖  已經想倒左佢{:soso_e119:} 我甚至見過有一個茶檔  直接用雀巢即溶咖啡(唔係三合一){:soso_e117:} 但係 加D黑白奶後  又出奇咁好飲喎{:soso_e120:}

六年前  急涷雞中翼約七毫子至八毫子一隻{:soso_e100:} 六隻雞翼賣12蚊{:soso_e101:} 以飲食行業興旺時三分錢生意計算{:soso_e100:} 當然無錢賺{:soso_e115:} 其實飲食行業  現今大部份茶餐廳小企業都是極度困難{:soso_e126:} 好聽是老闆  唔好聽只係搵份工比自己打{:soso_e149:} 幫供應商搵生意{:soso_e154:} 由其現今飲食行業  物料...食材..租金..工資..水..電..煤..全部價格飛漲{:soso_e135:} 小企業其係好難捱架{:soso_e109:}



油麻地美都餐室 當年我多在附近出沒{:soso_e176:}  所以二三十年前 已經常幫襯{:soso_e182:}
現今一杯17蚊的紅豆冰 唔算貴丫{:soso_e139:}  但你睇吓杯紅豆冰個賣相 {:soso_e150:} 你都心中有數 這杯紅豆冰有幾好飲喇{:soso_e119:}
紅豆冰 唔係乜嘢高技巧野 紅豆只要夠綿 少少起沙(紅豆質數非常重要){:soso_e102:}  其次落得夠淡奶 就已經夠滑口{:soso_e151:}  有奶香{:soso_e124:}  但這一杯係單看外觀 已知兩樣都做不到{:soso_e110:}  我以前杯紅豆冰去左邊度呀{:soso_e107:}



我呼籲大家 唔好再比一D盲目吹捧愚弄 美都餐室只是個景點 不是一個食點{:soso_e111:}

由以前睇栴艶芳時代至今都未入過去！

好耐冇過嚟香港飲食版搗亂
象版梗係少咗垃圾要掃喇:y-17:

跟手發覺超版出咗個代試食報告
有冇收番象版錢？
講番報告，超版你都幾厚道
但唔坦白，唔好食唔似原味咪直接講囉
轉十幾個圈等kt揾你對主角多士嘅comment
祇係話俾Toast Box遜色咗D，烘多士熱辣多一D，味道可能會香D
好彩象版同 kt 都係話頭醒尾嘅人.......咁先明咋！

超版你講來佬餐廳同X飯網
又勾起我條筋想講吓一間上水名店
俾少少時間我，等我又出番份飲食報告呃吓分先:y-17:

kkbbq 發表於 2011-11-7 19:11

                               
登录/注册后可看大图

國金地皇  15蚊件多士一D都唔算貴喇 南洋咖啡偏苦澀  啱晒我厘D飲開黑咖啡嘅人{:soso_e152: ...

你等我象版......
我又出個報告幫你介紹另一個景點

kt1997kt 發表於 2011-11-14 12:01

                               
登录/注册后可看大图

好耐冇過嚟香港飲食版搗亂
象版梗係少咗垃圾要掃喇

原來你仲喺度.....{:soso_e120:} 咁耐唔見你  幾鬼掛住你{:soso_e165:} 快D出個"景點"報告我地欣賞下喇{:soso_e182:}   

kkbbq 發表於 2011-11-14 19:06

                               
登录/注册后可看大图

原來你仲喺度..... 咁耐唔見你  幾鬼掛住你 快D出個"景點"報告我地欣賞下喇{: ...

冇法子，個邊好多垃圾要掃同廁所要洗呀！
今日得閒D過來吹吓水{:soso__3185177629100771804_1:}

ifc黎講算好平, 咖吔多士我剩係食過ssp維記, 都唔錯