香港大食代

隔籬"國內飲食區" 版主Ken哥師兄 出左個國內大食代Foodrepublic的美味報告 小象同Ken哥  乃同期師兄弟兼老友 我都出番一個"香港大食代奧海城Foodrepublic"滔下光先

小象又帶隻老虎出城  今次去行下奧海城 當時時間是下午四時 都唔知係下午茶定晚飯 話時話這奧海城大食代Foodrepublic好多食品選擇喎

馬拉咖啡一杯 夠濃 唔夠香

咖吔厚切多士 始終都係搵唔番六、七十年代的咖吔香味 得個甜字

最憎用個"鐵圈"圈住嚟煎嘅蛋  好似罐頭制品咁樣

馬拉咖啡  咖吔厚切多士  鐵圈煎蛋  三樣嘢  賣廿五蚊乍  仲阿之阿左  抵到爛喇  其實都唔係唔好食嘅

老虎叫左個素菜麵餐  又煎長鍋貼  又油菜  加碗素菜麵   都係賣廿零三十蚊

食完咖吔厚切多士個餐仲未滿足  見到這肥牛鍋飯  又要叫番個   送果碗羅宋湯 都好真啊  有牛肉粒在內  好驚喜

飯上黃色一粒粒果D係芝士  要加六蚊  好似總共要四十幾蚊 我隻老虎話  食完個麵餐好飽  老虎唔食牛肉  又唔食芝士  但佢竟然同我爭食厘個肥牛鍋飯 好唔好食  唔駛講喇

食飽喇  甜品時間  三色沙冰30大元  紅豆 芋頭 紅腰豆  一般般  但求滿足左甜品慾望

小象覺得在奧海城  百零蚊有咁多嘢食   而且味道都可以 大食代奧海城Foodrepublic算一個唔錯食野地方

大食代是新加坡集團，所以其中好多食檔均是來自南洋
象版的第一副相是大食代的代表美食：Toast Box
佢地的咖吔多士是正宗新加坡本土美食
我見你食既係厚切多
其實真正好食，應該係薄切多，中間夾一兩片牛油，外面搽上咖吔
佢地既咖吔跟牛油出奇的配合
新加坡有兩三間是以咖吔多出名，Toast Box作為連鎖店，都算有水準，我指係新加坡味道的水準
值得一提，佢地既南洋咖啡真係咖吔多士的最佳拍檔
冇錯，象版講得o岩，咖啡唔夠香，單獨飲就麻麻地，但配咖吔多士就唔錯，可能係我自己有錯覺吧
如果我冇記錯，佢地有喇沙，都食得過
除左在大食代之外，Toast Box在時代廣場地庫都有分店
以Food Court來說說，大食代管理得唔錯，新加坡人雖然古板D，不過管理真係有一手

chulo2009 發表於 2011-10-29 00:03

                               
登录/注册后可看大图

大食代是新加坡集團，所以其中好多食檔均是來自南洋
象版的第一副相是大食代的代表美食：Toast Box
佢地的 ...

唔知係咪細個果時要求和口味都低一D 記得細個果時嘅咖吔  除左甜之外  有一股獨有的味道
年幼時  上海街的三陽茶餐廳...洞天冰室...街邊大排檔... 小象都喜歡食咖吔多士加一杯檸檬茶
但係當年那股咖吔獨有味道  近三十幾年都搵唔番   直至現在小象到任何餐廳  如果有咖吔多士  一定叫番一件 可惜一次又一次的失望
小象也曾經在馬來西亞  一口氣買了五樽不同味道的咖吔   也全部送入垃圾筒   究竟係我記憶錯左 定現今的咖吔味道改左呢？？
超版閣下 你好似對南洋馬拉文化有D認識喎 可以解小象疑難嗎？？最好可以介紹間 有靚咖吔食的地方 就最好咧

象版果然夠快手。。:y-87:

呢間好耐去食過，特別lunch時間太很多人。。。。

“胡椒廚房”果份肥牛飯，賣四十幾蚊就貴左d。。
對比深圳果間，得多左d芝士jek嘛，人o地賣27蚊，+5蚊仲有杯野飲tim..

kkbbq 發表於 2011-10-29 07:04

                               
登录/注册后可看大图

唔知係咪細個果時要求和口味都低一D 記得細個果時嘅咖吔  除左甜之外  有一股獨有的味道
...

你咪玩我啦，我對南洋飲食文化的認識跟一般香港人差唔多，都係好一般咋。
細個果陣，唔鐘意咖吔既味道，佢果陣椰漿加蛋既味道我接受唔到，食過一次就敬而遠之。
過左20幾年，屋企附近一間咖啡室店主極力推薦佢地既咖吔多，姑且一試，雖然冇兒時咁抗拒，但感覺不外如是，我總覺得占醬多好食得多。
冇幾耐，間咖啡室執左。
又再好多年冇試呢種同我冇乜緣份既食物。
幾年前，身處新加坡，當地朋友帶我去一間本地有名的咖吔店「亞坤咖吔」，進行一生人第三次與咖吔作親蜜接觸。
咦？！   嘩！好味！
點解呢？點解跟我印象中的咖吔多咁唔同？
負分指數驟然急升至超高正分！
細心分析，發現於亞坤食既咖吔冇我腦中烙印的甜漏膩滯。多士好薄，新鮮烘好，卻加上一片不薄的鮮牛油。
牛油可以好漏，咖吔亦可以好漏，兩者放埋一齊，竟然冇增加漏膩感。
多士薄薄的，冇攤薄前兩者的香口味道，始終，咖吔才是主角。
緣份唔係冇，只係遲左黎。自始，我鐘意左食咖吔多。
後來到某商場，到當地的大食代，發現Toast Box。
雖然比唔上亞坤，但都可以滿足到我。
返香港後，大食代冇幾耐都開始進軍香港，將Toast Box帶埋過黎。
第一次在香港幫襯Toast Box，都係在奧海城。自時代廣場店開張後，我轉移陣地。偶爾經過太古城，時間許可的話我都會鑽入大食代，然後滿口塞滿咖吔多。(據聞太古城間大食代已光榮結束，請默哀！)
雖然後來鐘意上咖吔多，但我冇周圍去搵邊處有好食既咖吔，反正呢類甜漏高熱能食品，對我黎講唔可以多食。
象版對飲食既熱誠令人佩服，不愧係飲食版的版主。
點解今日既咖吔俾唔番你兒時既感覺？
我姑且嘗試分析一下。
據專家講，人類的味覺係會隨住年齡已改變。
年紀愈小，味覺就越敏銳，對單一味道既感覺都特別強烈，而且對甜味情有獨鐘，對帶有苦、辣味的食物就耍手擰頭。所以一般小孩對甜品係視為珍品，就算是簡簡單單的砂糖搽麵包亦甘之若飴。（其實到今時今日，久不久來一片砂糖麵包也是人生快事）
年紀大了，味蕾改變，已不會追求單一味道，以涼瓜為例，大部份小孩只覺得它味苦，但成年人的味蕾會感受到它的苦中的甘香。
同一道理，小孩不會喜歡喝咖啡。
今日象版搵唔番比得上以前感覺的咖吔，原因可能係兒時既味覺印象太深刻，並非食物品質下降，只是味覺改變了。
但點解我會都一把年紀才鐘意左咁甜漏既食品呢？
點解我第二次試食時(當年我都過左而立之年) ，仲係對咖吔毫不感冒呢？
原因係 (我又姑且嘗試分析) 製法和新鮮程度。
香港一般在市面上買到的均是罐裝或樽裝，好多都係由遠自南洋船運過來。而我在新加坡試到的係新鮮製造，自然係香口得多。
另外，咖吔是由椰汁或椰漿、鴨蛋、雞蛋、砂糖和牛油等材料混製而成。材料的品質、比例一定對味道有好大影響。唔講亞坤，我覺得Toast Box的咖吔甜度適中，椰味帶有清香。
我好懶，冇毅力周圍搵食，所以講唔到邊度有靚咖吔，況且，見親茶餐廳餐牌上既只係得咖吔西多。
我只係鐘情新加坡式的咖吔多士。
我在X飯網見到有好多人推介咖吔多 (或叫咖央多) 的食店有：
~ 赤柱「泗益」茶檔，老字號啊！
~ 灣仔駱克道市政大廈街市熟食中心2樓既「英記茶餐廳」
不過兩間賣既係咖吔西多，NOT MCOT。
希望以上並非生埃。

"鐵圈煎蛋"-非常好嘅形用詞，冷冷冰冰。所以我比較喜歡炒蛋

chulo2009 發表於 2011-10-30 16:11

                               
登录/注册后可看大图

你咪玩我啦，我對南洋飲食文化的認識跟一般香港人差唔多，都係好一般咋。
細個果陣，唔鐘意咖吔既味道， ...

chulo師兄的誠意回復  真令小象汗顏
小象兩日夜歸  未能和師兄盡談咖吔  歉甚
明晚應可在家  屆時再求教師兄

chulo2009 發表於 2011-10-30 16:11

                               
登录/注册后可看大图

你咪玩我啦，我對南洋飲食文化的認識跟一般香港人差唔多，都係好一般咋。
細個果陣，唔鐘意咖吔既味道， ...

Chulo師兄的一個誠意回應  令小象對Chulo師兄肅然起敬  小象加30分給Chulo師兄的回覆  這是對師兄一個尊敬的表示  難道Chulo師兄會稀罕嗎？

就正如小象每個報告和回覆  也從不是為分數而出發 一個誠意的報告 全希望為能和大家分享箇中滋味…互相交換心得…探索更高認知…結交一些共同喜好的朋友….等等   這就是 我們在網上文字交談所渴求  正所謂識英雄重英雄   就憑Chulo師兄一篇強勢回覆  抵鳩你做超版嘅:em17:

擦完鞋  發完嗡風 又講番食咖吔 :em11:  Chulo師兄話可能小象兒時味覺靈敏一些  所以當然覺得靈舍好味  :em19: 咁又真喎  現今步入老年的我  視力當然最明顯地衰退:em14:   一副漸進老花鏡  終日架在面上  無左就如盲人一樣:em3:

嗅覺~~當年靈敏得像狗 但已日漸衰退而不自覺{:4_135:}   到别人聞到一些氣味  而自己一點也感覺不到時……{:4_144:}

味覺~~我覺得自己有時吃東西忽鹹忽淡{:4_141:}   幸而這現像不常見 但是可能已像嗅覺一樣  不自覺地慢慢轉變了{:4_134:}

小象廿多年來  凡有"咖吔多"的餐廳 小象一定點選嘗試  但是至今還是解不開小時候對咖吔的情意結   所以小象覺得  味覺未必是最終原因

Chulo師兄提及"坤記咖吔多"上面有一片薄薄牛油   小象覺得這是一個不錯的結合 下次都要加件鮮油  試下都好喎   可能兒時的咖吔味道  立即番番嚟

最後多謝Chulo師兄推介的兩店  小象試完  一定向各位回報

kkbbq 發表於 2011-11-1 19:54

                               
登录/注册后可看大图

Chulo師兄的一個誠意回應  令小象對Chulo師兄肅然起敬  小象加30分給Chulo師兄的回 ...

象版太客氣，你果30分令我喜出望外，多謝！:em15:
"識英雄重英雄"，講得好！
就算大家觀點未必相同唔緊要，最緊大家肯真心分享。
個人真係覺得咖吔加鮮油係好有化學作用
但一定要真牛油，唔係有D茶餐廳用既假牛油:em16:

我去TST新港間大食代, 冇乜野食.
如果有 toastbox 都幾好