本帖最後由 kkbbq 於 2011-10-27 20:04 編輯
隔籬"國內飲食區" 版主Ken哥師兄 出左個國內大食代Foodrepublic的美味報告 小象同Ken哥 乃同期師兄弟兼老友 我都出番一個"香港大食代奧海城Foodrepublic"滔下光先
小象又帶隻老虎出城 今次去行下奧海城 當時時間是下午四時 都唔知係下午茶定晚飯 話時話這奧海城大食代Foodrepublic好多食品選擇喎
馬拉咖啡一杯 夠濃 唔夠香
咖吔厚切多士 始終都係搵唔番六、七十年代的咖吔香味 得個甜字
最憎用個"鐵圈"圈住嚟煎嘅蛋 好似罐頭制品咁樣
馬拉咖啡 咖吔厚切多士 鐵圈煎蛋 三樣嘢 賣廿五蚊乍 仲阿之阿左 抵到爛喇 其實都唔係唔好食嘅
老虎叫左個素菜麵餐 又煎長鍋貼 又油菜 加碗素菜麵 都係賣廿零三十蚊
食完咖吔厚切多士個餐仲未滿足 見到這肥牛鍋飯 又要叫番個 送果碗羅宋湯 都好真啊 有牛肉粒在內 好驚喜
飯上黃色一粒粒果D係芝士 要加六蚊 好似總共要四十幾蚊 我隻老虎話 食完個麵餐好飽 老虎唔食牛肉 又唔食芝士 但佢竟然同我爭食厘個肥牛鍋飯 好唔好食 唔駛講喇
食飽喇 甜品時間 三色沙冰30大元 紅豆 芋頭 紅腰豆 一般般 但求滿足左甜品慾望
小象覺得在奧海城 百零蚊有咁多嘢食 而且味道都可以 大食代奧海城Foodrepublic算一個唔錯食野地方 |