kt 強力推介 - 石澳美味泰國菜

象版早前在淺水灣有波睇，
kt 之後在石澳灘畔就有好野食！

早幾日放工後和友人飛車往石澳，
目的係睇吓日落 (揾籍口啫，睇日落點會去東面海灘吖！:em8: )
衝吓浪，踢吓沙，追吓月............
浪漫浪漫一番.............
閒日晚上的石澳灘頭，真的有它無盡的吸引力:y-80:

雖則有情飲水飽，
但都要揾野醫肚嘅！
在無心插柳的情況下，
kt 食到呢幾年以來我覺得最好味、最滿意的泰國菜！

這家半家庭式的菜館........石澳樂園，
位處石澳停車場側，待應、厨師、收銀........
全部都係識講廣東話嘅泰國人，
沒有金碧輝煌的裝飾，
但簡單的小店，卻洋溢著那種道道地地的泰國風味！


此食肆裝修好普通，連冷氣都冇，但海風徐來，食緊辣野都唔覺熱！

kt 唔係推介此店的裝修環境........
此店俘虜了kt 的是它的食物........


先來第一個，明爐燒住上的冬蔭公


好典型好正宗的冬蔭公

友人無辣不歡，加上要求高，
同佢食好多次泰國菜，對冬蔭公都未符佢嘅要求，
冬蔭公嘅最高境界可能就係又辣又麻，再試真就有少少又甘又酸嘅感覺！
今次第一啖入口，友人即刻舉起手指公，讚不絕口！
kt 入口第一啖嘅感覺係好好味，但味道好複雜，
麻、辣、酸幾種味混和得好好.........
但.......隔一兩秒後辣味就湧出嚟，攪到要飲水先頂得順！
飲完水救咗火，口腔入面又有番個種有層次嘅複雜味道！勁正！:em17:


柚子沙律，蝦爽柚子甜，又係優質出品

中秋時份的柚子，時令嘅關係此時是最汁甜果美的，
所以廚師冇畫蛇添足，加乜加物，
祇係落咗少少汁醋同幾粒脆花生，
這種食其自然的鮮甜味道，
在平實中就顯出厨師的功架和自信，又要勁讚！:em17:
不時不食，又一明證！


香芧泰式竹節蝦

你唔好睇少這味菜，
賣相祇是小弟影相影得差咋！
這味菜係全餐所有菜式中最高水準的作品............
香茅味，辣椒味，全部都滲入了蝦身蝦穀中，
仲有，厨師將整個菜炸得好香口，好乾身，
完全冇半點肥膩嘅感覺！
kt 推介 - 此菜是必食之選，冇得頂！:em17:


泰式酸辣炸烏頭

原本這菜色是蒸烏頭的，
但kt 心血來潮，問吓仲可以有乜製法，
回覆話可以炸烏頭喎！嘻！咁咪試吓新野啦！
厨師用咗雜菜鋪在魚身上，令賣相增加咗吸引力，
烏頭亦炸得香口，惟一失分的是...........
那酸辣汁做得畧甜，蓋過了應有的辣味，少少敗筆！


泰式鹵牛脷

呢味菜都好好味，適合唔食得辣嘅人，
牛脷鹵得好入味，但又唔太淋，有咬口質感！
啖啖肉，好滿足，但兩個人點努力都食唔哂，要打包


炒雜菜

炒菜都好考厨師手藝，
要炒到菜唔肥，菜唔硬，但菜又要有鑊氣就唔係太容易
呢碟菜，符合哂上述的要求了！

食到飽飽，埋咗單後又可以行番出海灘散吓步，
增進感情、幫助消化！
好滿足好滿足的石澳一夜！

真係好似好好味喎。
不過好多疑問：

你兩個人食咁多野？
同友人去浪漫？？唔係老虎？？
埋單幾多錢？？？

tok 發表於 2011-9-18 15:49

                               
登录/注册后可看大图

真係好似好好味喎。
不過好多疑問：

tok 版你咪八卦，
我講係友人呀，今次唔係老虎！
其實上次西貢食喜多郎日本野偶像都盤過我友人係邊個喇！:em8:

今次係叫多咗野，根本就食唔哂，
成碟鹵牛脷幾乎全部要包走！

埋單$580，貴在碟蝦同條魚，分別都係百三四蚊左右！

kt1997kt 發表於 2011-9-18 16:03

                               
登录/注册后可看大图

tok 版你咪八卦，
我講係友人呀，今次唔係老虎！
其實上次西貢食喜多郎日本野偶像都盤過我友人係邊個喇！ ...

你風流成個ＶＳ都知架啦。
唔駛怕醜喎。

唔貴喎，咁多野先５百幾．．．

唔貴喎！不過太多啰！

好正喎:em17: 柚子沙律 我好鐘意架  :em7:
冬蔭公個煲嘅賣相   都殺晒喇 :em20: 何况泰國人制作嘅冬蔭公  都幾難唔好飲:em11:
我上次去石澳都想試吓這間泰國菜  就因為佢無空調.....:em18:
我食野唔熱得架:em2: 一熱  我就龍肉都無心機食:em14:
等涼D  我又搵論壇元老笨實  去石澳食餐泰國菜先:em8:

tok 發表於 2011-9-18 16:08

                               
登录/注册后可看大图

你風流成個ＶＳ都知架啦。
唔駛怕醜喎。

好彩你話我風流啫......祇要唔下流就得啦:y-87:

講價錢，講質素.......呢間野好得:em17:
如果唔係咁，個報告heading 都唔用 "kt強力推介"啦！

ckhuen 發表於 2011-9-18 17:34

                               
登录/注册后可看大图

唔貴喎！不過太多啰！

係呀！我都承認叫得太多野！

男人老狗有時都會儍吓儍吓嘅.......
今次亂叫野都係為搏紅顏一笑啫.......:em21:

kkbbq 發表於 2011-9-18 18:11

                               
登录/注册后可看大图

好正喎 柚子沙律 我好鐘意架   
冬蔭公個煲嘅賣相   都殺晒喇  何况泰國人制作嘅冬蔭公   ...

我都好鍾意柚子沙律的，好鬼開胃！:y-5:

冬蔭公有分大中細煲，我叫嗰個係細煲，$58咋，成四五碗！

象版你日光日白去就真係熱少少嘅，我夜晚去就冇問題:em20:

你揾元老笨實之後記住益埋我呀！
揾完人笨心情大靚食野都好味D:y-17:

kt1997kt 發表於 2011-9-18 21:27

                               
登录/注册后可看大图

我都好鍾意柚子沙律的，好鬼開胃！

冬蔭公有分大中細煲，我叫嗰個係細煲，$58咋，成四五碗！

我果次去都傍晚喇  重都好熱 只見好多鬼佬  重坐在露天晒太陽 真犀利
點解去開石澳  都唔去東大街再食過啊 下次叫埋論壇元老去囉