多謝論壇元老請小象食好野

失禮講句 山頂餐廳改名為太平山餐廳後  小象都未去過 今日論壇元老XXXXXXXX揸佢架靚車   和小象港島南區加山頂一天遊   我地去左赤柱和淺水灣睇波之後   上到太平山餐廳食lunch 睇吓我地食乜正嘢

印度馬拉蝦咖喱配紅花飯  $179

這個印度馬拉蝦咖喱  有80%印度咖喱味道  只差印度牛油略遜  和唔夠辣  早知要兩隻辣椒  馬拉蝦好爽 配上香濃印度咖喱汁 更是美味

這個飯 就是我們吃印度菜的黃飯  但黃色飯點解叫紅花飯  原來紅花泡出來的水是黃色的  

炭燒豬仔肋骨  $276

三件有特製醬汁調足味的豬仔肋骨  燒得不會有很多炭燶  旁邊伴有薯蓉  酸椰菜沙律  和一小小碗醬汁
炭燒豬仔肋骨 肉也十分豐厚 頗為嫩滑 無鞋和un的感覺  如果肉汁多一些會更好 由其左上角的薯蓉  用來撈印度咖喱可口非常

這雜菜沙律也是跟這個炭燒豬仔肋骨

食完之後又遊覽山頂一會才作歸途

哇，真系正，特别系果个咖喱加红花饭

个炭燒豬仔肋骨真系有d燶，如果唔燶ge，味道卖相就会好好多！

嘩！呢間野我次次行過就算，驚佢係謀人寺，
睇落都唔算太太貴.........
晚餐價錢係點呀象版？
仲有.....你咪必定要餐後咖啡嘅，有冇得送？

我中意食燒排骨，最衰唔識得果個元老，無得食！:em22:

個咖喱睇落唔錯喎...

个炭燒豬仔肋骨睇落應該好好味，但係價錢都咪話唔溶

小弟有幸被邀與象版一遊，實為榮幸，小弟原想請象版食飯，一報象版開小弟眼界之勞，但象版極為客氣，已將所需費用給回小弟，在此謝過！
在淺水灣，象版引見，果泳，屍夫，等等，令小弟大流鼻血，象版亦謀殺了不小菲林，相信象版會不日放影！:em6:

20813261 發表於 2011-9-14 13:45

                               
登录/注册后可看大图

小弟有幸被邀與象版一遊，實為榮幸，小弟原想請象版食飯，一報象版開小弟眼界之勞，但象版極為客氣，已將所 ...

佢點忍到吖！出咗啦！
象版再唔出，流鼻血都似！

ansonlama 發表於 2011-9-14 07:32

                               
登录/注册后可看大图

哇，真系正，特别系果个咖喱加红花饭

真係幾好味 但連加一要兩舊  又好似貴左D