終於揾番 往昔上海菜的味道

好高興 經朋友指點 原來在元朗安寧路  有一間上海菜老店“有利店” 立即帶隻老虎去試下 我終於揾番上海菜的味道 這種上海菜的味道 無食十幾年喇  當晚和老虎只試左三樣嘢 都十分滿意 下次一定要試多兩樣

不過千祈咪諗住場面豪華 真係甩皮甩骨果隻

雖然裝修欠奉  但都叫乾淨企埋嘅


好奇怪這個芽菜的冷點  用上四川麻辣味  但係有幾好食喎銀牙鱔糊 散叫78元 唔捨得 叫個客飯47元

上海菜"銀牙鱔糊" 我至愛 但近年越食越失望  這個我比90分  


但這個"銀牙鱔糊" 完完全全揾番上海菜銀牙鱔糊感覺 仲要係大大塊厚肉黃鱔 Wo 正

厘碗客飯例湯 就麻麻地咧

三鮮炒麵 這個正宗上海口味炒麪 色 香 味有晒

炒麪乍喎 咁大隻新鮮蝦嘅？ 雖然得四隻 但少食多滋味 還好好味添
這隻蝦大而鮮甜  同昨晚盗香果隻差得遠

老虎至愛"高力荳沙" 除非果間上海鋪無 否則老虎一定要食

一個頗費功夫和考功夫的甜品“有利店”都無令人失望 32蚊六個 10年前價錢囉

嘩！多謝象版！
多謝你唔係因為你有好地方介紹，
係因為你呢個報告帶番俾我好多舊嘅回憶！
仔時冇錢但又大食，
去食飯上海客飯係其中一個重要嘅選擇.......
嗰D獅子頭客飯，家常豆腐客飯，鱔糊客飯.........
一湯一餸二飯，食到杯盤狼籍，幾咁知味！
而家？好多時半碗飯都唔肯食呀！

食物，果然都係歷史嘅一部份，
同樣見證住香港嘅變化同埋每個人成長之路！

kt1997kt 發表於 2011-9-10 09:51

                               
登录/注册后可看大图

嘩！多謝象版！
多謝你唔係因為你有好地方介紹，
係因為你呢個報告帶番俾我好多舊嘅回憶！

上海客飯  現今還有不少地方有得食 但係大多是港式茶餐廳味道 要尋回昔日獨有上海菜的口味  實在困難 幸而現在找到了
kt師兄你講得啱架 吃東西都會有一份回憶 就以上海菜來說  我會想起住在葵涌的日子 因為當時就如師兄所講  上海客飯是當時常吃的飯餐 味道當然也是值得懷念的原因喇

kkbbq 發表於 2011-9-11 07:36

                               
登录/注册后可看大图

上海客飯  現今還有不少地方有得食 但係大多是港式茶餐廳味道 要尋回昔日獨有上海菜的口味  實在困難 ...

除咗客飯，我都好鍾意食上海湯粗麵，
係咁加豆板醬同醋，
又大碗又扺食！

"上海抄粗"真是童年回憶!!!

我都好懷念上海菜近十年搬左入天水圍食少左好多野:y-22:,
細個果陣住慈云山成日落鳳凰村食上海野:y-59:,
一係就鑚石山詠X園食:y-33:。
SO 懐念可惜2間鋪都.............:y-26:

jefflau123 發表於 2011-9-19 14:17

                               
登录/注册后可看大图

我都好懷念上海菜近十年搬左入天水圍食少左好多野,
細個果陣住慈云山成日落鳳凰村食上海野,
一 ...

原來師兄都係天水圍圍頭人 天水圍  我真係覺得無一間食肆掂嘅
不過好彩  二十分鐘車程的元朗就好一個美食城 仲要唔算太貴果度好嘛 無辦法喇 jeff師兄  搭多幾蚊車囉

象版有興趣一齊食下飯吹吓水天水圍之友:y-28:

臭河旁邊個間麻
呢間野真係好耐喇
我細細個就食喇

我都系未揾番舊時食開个种味,尢其回鍋肉,韮王炒蛋同咸肉豆腐
睇嚟呢间揾日去試下至得
多謝象兄介紹