本帖最後由 cm3924 於 2011-8-24 22:33 編輯
上一份報告
http://www.vshare.cc/forum.php?mod=viewthread&tid=579601
七月十六日嗰晚, 小弟嘅老頂為咗公司個大PROJECT順利完成,
於是就再拉隊去揾嗰位廚師那處食多一餐,
同消失的創新私房菜有那種聯系? 消失的?? 創新?? 私房菜??
請再繼續留心以下介紹o
消失的?? 唔係
先黎一窩當晚嘅湯水, 粉葛湯, 唔好睇少哩個湯,
用咗粉葛, 半肥瘦豬肉, 豬粉腸, 豬骨, 雞腳… 再煑咗好多個鐘,
所以火喉十二分足, 味道濃郁, 但又唔會過晒火, 鮮甜可口,
粉葛同埋其他肉類配料互相產生了微妙嘅化學作用, 小弟都
唔知用多邊幾種形容詞先至能夠寫到那一種味道,
完全令到小弟對粉葛的見解改變咗 (四星/五星滿分):em6:
飲咗幾碗湯, 以為會開始食其他餸菜, 但係估唔到廚師會先上一盤大蝦什果沙律,
廚師解釋道: 食咗哩個沙律, 醒一醒各位個胃口, 再試食其他主菜會有唔同嘅感覺,
同埋可以令當晚在座各位人仕食多啲稍後送到嘅餸菜o
哩個大蝦什果沙律係用新鮮大蝦為主, 雖然係用咗罐頭什果去做配,
但係廚師再加咗新鮮青瓜, 再放在鍚紙盤內, 加上蕃茄同埋青瓜雕花各兩個,
哩個沙律味道幾好, 既清新又可口, 酸酸甜甜, 雖然唔可以話係滿分,
但個賣相再加上心思, 水準以上之作 (三星半/五星滿分):em12:
創新?? 係
鮮帶子海參炒三色椒四季豆, 啲材料咁多,
小弟寫哩個報告就幫碟餸菜改番個名,
五彩繽紛, 何謂五彩, 紅椒(紅色), 黃椒(黃色),
青椒加四季豆(綠色), 鮮帶子(白色), 海參(黑色),
好新穎嘅配搭, 味道一流, 三色椒同埋四季豆新鮮爽脆,
好有咬口感, 鮮帶子加上海參, 哩兩種海產本身肉味較淡,
不過廚師用足心機去選料以及少鹽少油去炒煮,
既清新又健康, 一試難忘 (四星/五星滿分):em6:
創新?? 唔係
清蒸海青斑, 哩次用咗青斑魚, 約斤半重, 石斑魚好唔好食,
小弟認為第一樣要睇魚本身係海斑定係養斑, 如果係魚排飼養嘅石斑魚,
就算係東星石斑魚都不及大海內嘅野生青斑魚好食吃, 因為養魚肉質鬆散,
鮮味久佳, 尤其是石斑魚皮同埋其他部位都係大打折扣,
各位有食過這兩種海魚和養魚便會分辨得到, 不用多說,
哩條魚都係蒸得啱啱好熟, 火喉掌握洽到好處, 上枱後,
小弟食落口又滑又鮮味, 不過哩次啲蒸魚豉油出咗少許問題,
問題在於廚師當日太忙, 助手按照他的方法去調配的蒸魚豉油較為鹹咗味些少,
原本廚師可以及早試味, 這個問題就不會發生, 可惜當日是星期六週末晚上,
他要招待很多其他友人食客, 所以無暇去試味, 忘中有錯乃人之常情,
就算大師傅都會犯上一些小錯處, 這條蒸魚應是接近滿分,
但係要扣了豉油味道失衡同埋不小心留意助心工作情況
這兩個失誤的部份 (三星半/五星滿分):em12:
創新?? 係, 小弟未食過, 認為係美味加上惹味的”私房菜”
椒鹽鴨舌雞軟骨炸豆腐, 哩碟餸菜辣辣地, 好惹味,
如果用黎送啤酒就一流, 不過當晚要飲其他種類嘅酒,
係飲邊種酒, 下回分解 (三星/五星滿分):em19:
蒜香豬串骨, 一睇個賣相就知道又係用黎送酒會味道倍增,
聽廚師講解他先用沙茶醬, 老抽同埋其他調味料醃製而成,
然後就秘製成為一碟蒜香豬串骨, 肉味濃郁, 蒜香撲鼻,
小弟當日連食幾串, 再飲幾啖酒, 真係大快朵頤 (四星/五星滿分):em6:
蝦乾炒連藕, 蝦乾幾大隻, 連藕片爽口, 加些少芹菜同埋豬肉碎去炒,
又係好味滋味一齊黎, 這次連藕係生炒嘅, 無預先將啲連藕片飛水焯熟然後再炒,
所以食落重有清甜味道, 新鮮爽脆可口 (三星半/五星滿分):em12:
上湯焯勝瓜, 廚師响上層加一啲紅椒絲同埋韭黃絲,
賣相綠中有紅, 紅中有黃, 三種清新顏色混在一起, 勝瓜新鮮爽脆,
淡味中還帶著小小甜味, 將小弟先前殘留在口裡的各種肉腥臊味一掃而空,
廚師的手藝/手法是一絕, 上餸菜的次序同埋安排都係經過心思熟慮,
真係好野 (三星半/五星滿分):em12:
消失的?? 係以下那幾支酒
由於小弟唔係太過鍾意飲酒, 所以只能夠簡單介紹哩三支紅酒,
第一支2009年, 第二支2007年, 第三支2005年,
因為唔識分品牌同埋酒莊名稱, 只係知道法國有五大酒莊,
但係又唔識啲酒莊地點嘅分佈和其他資料? 各位只能看相識酒o:em5:
這裡”消失的”解釋係那幾支曾經是出產當年的初生紅酒,
到咗啱入飲嘅時候就會被飲用, 而家已經消失咗,
不過小弟聽過眾多友人講哩幾支酒飲用之前要怎樣”灘”一至兩個鐘,
飲用頭幾啖酒同埋再過多幾十分鐘後嘅味道, 又梅味, 又桃味, 又芒果味等等…
哩啲都係左耳入, 右耳聽咗一大輪, 就當作資訊幾則, 聽了便算,
但係當晚啲氣氛依然留响小弟腦海之中, 現在還記得當日飲飽食醉嘅情況,
各人盡興而歸, 不過哩餐又係免費, 小弟唔晒比錢,
日後如果有機會再試食那位廚師嘅私房菜,
再為大家寫下報告, 多謝收看!
|
立即注册
登录
提升卡
置頂卡
沉默卡
喧囂卡
變色卡
顯身卡
