本帖最後由 cm3924 於 2011-8-21 12:30 編輯
神秘的魔法私房菜(1)
哩一個係好遲來嘅報告, 享用時應該係七月十四嗰晚, 唔係舊曆o
因為小弟十分忙碌, 為咗公司有個大PROJECT,
老頂吩咐小弟七月籌備,八月頭遠行一段長時間,
唔知係唔係公司近排生意少咗好多,
個PROJECT要推遲咗? 而家先至有時間再黎出下報告,
原本啲相片SAVE在電腦內自己留念, 不過, 最近又有機會見番個廚師,
內心本來唔想發表哩個報告, 因為各位又係有得睇, 無得去試食,
內心交戰著, 點樣好呢? 考慮了一陣, 由於覺得他煮啲餸菜味道一流,
小弟去過好多地點同埋食肆吃飯, 雖然不可以算是個食家,
但點都可以知道哩個廚師的烹調手法掂唔掂,
於是就介紹下他那種別出心栽的餸菜, 有大路餸菜,
也有自己改良的菜式, 而家見到哩啲相片,
我啲口水又差啲流晒出黎:em6:
粉絲蒜蓉蒸開邊龍蝦, 原理同用普通中細蝦一樣,
之不過哩次用咗澳洲紅龍蝦, SIZE唔大唔細, 粉絲同埋啲蒜蓉好入味,
啲龍蝦肉好爽口彈牙, 同用普通蝦製法應該係一樣,
可能用咗龍蝦就味道同視覺有新鮮感, (四星/五星滿分):em17:
一條清蒸海東星班, 哩條魚估計斤幾重, 有幾貴就唔知,
小弟也對用邊一種石班魚無去研究, 小弟想讚下哩個廚師對
蒸魚的獨特竅門, 火喉掌握十分準確, 條魚蒸到啱啱好,
食落口又滑又鮮味, 啲蒸魚豉油自己調較, 味道少有噤好味,
比張魚背鰭位置相大家望下,
小弟真係對佢蒸魚啲水準食指大動,
由於小弟在不同嘅大酒樓同埋酒店中菜部食過同樣清蒸東星班,
但係都不及哩個廚師啲手藝一半, 五個GOOD無走雞 (五星/五星滿分):em6: :em17:
潮式凍紅蟹, 哩兩隻凍紅蟹SIZE唔大唔細, 估計加埋斤幾重,
紅蟹肉雪凍後仍然保持啲鮮味, 再點少少紅醋, 食落好開胃口,
影咗隻蟹拑同埋下部份比大家觀賞下,
一陣間再介紹其他肉類 (三星半/五星滿分):em8:
可惜這一碟香煎本地牛柳小弟無享用, 原因唔再講,
有睇過小弟其他報告內容就知道, 不過問過廚師,
哩碟係本地街市內相熟檔口啲私伙嘢, 平時唔賣比普通客仔,
廚師同個牛肉檔主係老死至有貨供應, 轉述佢講點樣整哩碟牛柳,
牛柳早上攞番黎先洗一下, 再吊起牛柳黎風乾, 留番晚飯時備用,
由於係私伙同埋限量供應, 又要牛肉檔有新鮮牛番貨, 廚師先有貨,
廚師都會煮比啲好朋友分享, 講咗好多其他嘢,
講番其他友人對牛柳評語, 牛肉好好味, 媲美高級西餐廳水準,
不過哩碟係本地用大陸牛肉, 廚師手藝可見一斑 (????/五星滿分):em10:
這一碟名為美極豉油皇中蝦, 蝦係用海中虎蝦, 味道又係無懈可擊,
中虎蝦肉厚, 蝦尾返上去到蝦頭部都有好多蝦羔,
望下相入面啲燈色蝦羔就知道係唔係好肥美, 蝦肉又爽口,
無”霉”口, 又有羔, 這碟蝦又係當晚水準以上之餸菜,
之前都食過其他地方啲豉油王香煎大蝦,
味道同埋用料又係相差太遠, 比較番這一碟,
相當失色 (四星半/五星滿分):em6:
一碟椒鹽煎豬扒, 係廚師特意煮給在場不吃牛肉的同行友人
包括小弟在內,廚師一番心機去煎哩碟豬扒再切每件上碟,
由於係雪藏豬扒嘅關係,無咗肉嘅鮮味, 口感爭些少,
點樣煎同用咗調味都係普通料子,
不過係廚師為咗唔同食客啲口味, 用心去煎嘅椒鹽豬扒,
水準中規中舉 (三星/五星滿分):em15:
最後煮多一樣上湯浸菜心, 一般酒樓食肆都會做上湯浸菜,
選用時令菜去煮, 當晚食咗好多海鮮同埋肉類,
之後食咗這一窩上湯浸菜心, 啲菜心好嫩, 好新鮮, 好清新,
能夠去咗口內過多肉味同埋油膩感,
真係好窩心的餸菜 (三星半/五星滿分):em9:
原本廚師想炒多一碟拿手豉油王炒麵, 不過當晚個個友人都食到肚滿腸肥,
有啲男友人重好似有咗幾個月見肚了, 所以就唔使廚師去炒多碟麵,
不過就算食剩咗啲餸菜, 其他友人會把餸菜打包帶走, 以免浪費o
總括哩一餐個真實價錢就唔知道, 因為小弟都係掹車邊先有得去食,
不過廚師係同行友人老死, 廚師只會收取材料同埋其他飯品費用,
用料有幾貴同埋價錢唔係好重要,
小弟最重要係發覺哩位廚師對煮餸菜的熱誠,
可以係前所未見, 有熱誠, 有水準, 有火喉, 有功力, 有創新, 重之係有內涵的廚師,
不過在街上碰到面, 小弟都唔會觀察得到, 多謝收看!:em7:
|
立即注册
登录
提升卡
置頂卡
沉默卡
喧囂卡
變色卡
顯身卡
