比人老點左去九龍城

近日 小象對越南滴滴咖啡十分鐘愛:em7:  但可惜越南滴滴咖啡豆  快將用盡:em9:   有朋友說  九龍城會有"越南滴滴咖啡豆"售賣 :em6:  

小象昨天  冒著酷熱天氣   由天水圍去九龍城尋找"越南滴滴咖啡豆"   可是  行匀九龍城賣貨熱點  也遍尋不獲越南雜貨鋪 連售賣咖啡豆的店鋪也沒有  大熱天時行了個多小時  令小象疲累萬分     

天氣熱得就像在印度之際   眼前  就是一間頗有名聲的印度餐廳   難度這是阿拉真神給小象的安排   未食午飯的我  這樣就行了入去印度餐廳


這間Indian Curry King餐廳就像其他印度餐廳一樣充滿印度色彩

我坐在一張二人的小桌   旁邊是個小酒吧  也可說是水吧

我點了  一份腰果濃汁羊肉 76蚊  一份印度牛油薄餅  19蚊  

桌上擺設在環境襯托下  都特別有印度感覺D

這一塊唔知乜名堂  次次食印度菜都有   就像微辣薯片一樣  味道鹹鹹地 辣辣地 只是無薯仔味  是麵粉味  幾脆幾好食架

這個都係唔知乜名堂  同印度薯片一齊攞埋嚟  味道像芝士  用嚟點印度薯片   味道唔錯

印度牛油薄餅

這個正宗印度牛油薄餅  當然比大陸水圍村  皇崗村食果D好好多  又夠厚  又夠鬆  牛油味又唔會有臊的感覺   賣19蚊抵過水圍村  皇崗村喇

腰果濃汁羊肉

比小象想像中細碟  只有八件羊肉  但這羊一定不會是急涷貨色  咬下去唔會死死實  煮功亦唔錯  羊肉夠淋身  還有恰當的羊肉味

但個腰果濃汁   濃就很夠濃   但腰果味我就真係品嘗唔到  這是一個不辣的汁  就因為天氣太熱  唔想食辣  再身水身汗  所以唔點咖喱
不過這個汁雖有無乜特別  但憑汁的印度香料  用來點印度牛油薄餅  簡直Perfect

個腰果濃汁   我總覺得有種熟悉的味道  食到尾  才發現原來有雞蛋   雞蛋黃已壓爛混在濃汁中   那熟悉的味道   就是雞蛋黃


總括來說  這個印度菜午餐 算OK  75/100    埋單95大元

比較米芝蓮推介的筲箕灣東大街的恆河咖哩屋, 好似恆河较抵食:薄餅大件的亦包餐, 肉份量相若, 價錢平日$45, 假日$68, 但好像恆河亦非正宗印度餐!

象兄，可能印度象神指引你去推介一下印度飲食文化，那些印度牛油薄餅和腰果濃汁羊肉，令人流晒口水

識得班印度朋友，佢地D咖哩真係香辣、野味，同出面食開果D無得比！

it's difficult to get 正宗印度餐 in HK, without spending some money

jkl678 發表於 2011-8-1 20:54

                               
登录/注册后可看大图

比較米芝蓮推介的筲箕灣東大街的恆河咖哩屋, 好似恆河较抵食:薄餅大件的亦包餐, 肉份量相若, 價錢平日$45,  ...

乜恆河咁平嘅咩 但係 萁灣遠左D囉

無爭有為 發表於 2011-8-1 23:41

                               
登录/注册后可看大图

識得班印度朋友，佢地D咖哩真係香辣、野味，同出面食開果D無得比！

正宗印度人整嘅嘢  一定口味更特別
這店也全是印度人主理 但或多或少  都會改變一下  令味道更適合中國人口味
就如上次去深圳穆斯林餐廳  竟然有"鮑汁"羊蹄

irene559 發表於 2011-8-2 18:08

                               
登录/注册后可看大图

it's difficult to get 正宗印度餐 in HK, without spending some money

唯有叫有為師兄 介紹印度朋友我識  先有正宗印度餐囉

唉,年紀大就吾好四圍去啦,吾係一陳蕩失路、吾識返屋企、你就屎喇!

吾知越南鋪響邊,你就請我D後生仔帶你去嘛、去完請我食番e餐咪算數囉!

kkbbq 發表於 2011-8-2 21:20

                               
登录/注册后可看大图

唯有叫有為師兄 介紹印度朋友我識  先有正宗印度餐囉

象兄，重慶大厦入邊就有正宗印度人烹調的餐廳，你敢唔敢去試