本帖最後由 cm3924 於 2011-7-31 21:36 編輯
這是遲來的報告, 因為太忙
17/7星期日中午, 要做跟得公爵, 倍同虎虎去到石硤尾大坑東邨彩龍大酒樓,
一齊與親朋好友決戰四方城, 這次開了一間大房同三枱雀局, 有十三人出席,
小弟不幸地要陪坐和做阿四, 郤有幸食番一餐經濟實惠的雀局菜,
先在周圍視察環境一下
先講位置, 該酒樓位於大坑東道同埋窩仔街交會處
對面有南山商場
斜對面商舖
酒樓正門右手面
酒樓正門左手面
酒樓正門
酒樓入口
門口招牌
今次行程主要目的, 雀局菜
當各人大戰一千二百幾回合之後, 好啦, 可以停手了, 去到要開餐嘅時候
先睇下今次個湯, 粉葛赤小豆煲豬展, 哩款例湯雖然不是名貴湯水,
係普通老火湯, 飲落口都好鮮甜, 火候十足, 湯面好似隔過油,
好飲 (三星半/五星滿分):em8:
第一碟, 玫瑰油雞, 成隻雞唔太大, 皮爽肉滑, 油雞中佼佼者 (四星/五星滿分):em9:
第二碟, 脆皮燒煵仔, 外皮鬆脆, 肉質鮮嫩, 肥瘦均勻, 美妙 (四星/五星滿分):em9:
第三煲, 薯仔排骨煲, 這個味道普通了, 薯仔好吃過肥雪藏排骨 (二星半/五星滿分):em13:
第四煲, 魚香茄子煲, 用來送飯一流, 茄子肉碎加上鹹魚香味, 正 (四星/五星滿分):em9:
第五碟, 金銀蛋浸莧菜, 金銀蛋可口味美, 但是莧菜不太嫩綠, 食落有些少渣在口內,
中規中舉 (三星/五星滿分):em5:
第六碟, 豉椒鮮魷, 鮮魷細細隻, 好爽同有咬口感覺, 加上豉椒味和那些青椒一起吃下,
可以食多幾啖飯 (四星/五星滿分):em9:
第七煲, 蒜子炆雞煲, 這款雞和玫瑰油雞好大分別, 雖然味重, 但是不能除去雪
藏雞的味道 (二星半/五星滿分):em13:
第八碟, 煎釀青辣椒, 這款青辣椒不是太辣, 加上煎到金黃色的鯪魚肉,
嘅可口又味美, 這款食了三隻 (四星半/五星滿分):em9:
第九煲, 海味什菜煲, 煲內好多款菜和乾濕海味,
但是大堆頭, 小製作, 吃了不多 (三星/五星滿分):em5:
第十碟, 豉汁蒸倉魚, 這兩倉魚都幾新鮮, 魚肉沒有鬆散感, 又好少魚腥味,
不過這碟魚最後先上枱, 大部份食客己飽肚, 最後都沒有浪費,
由在場好吃魚的友人連骨都想趙埋 (四星/五星滿分):em6:
最後送上飯後甜湯, 紅豆沙一碗, 那裡煮的紅豆沙不太甜,
紅豆煲到起沙, 加上少許果皮, 好好吃, 又是正字完結 (三星半/五星滿分):em8:
當日埋單價約是13XX, 共十三人攤分, 每人約100元, 玩足大半日, 又驚又喜,
有人歡喜有人少愁, 四方城內你就會明白:em20: :em23:
總結那裡地方很大, 是一個典型屋村附近的大酒樓,
下午四時同場其他樓層內會變成懷舊夜總會,
給一眾舞林人士自由自在地起舞, 收費也是廉宜,
適合大眾化消費的另一選擇, 環境裝修都有七八成新淨,
服務招呼八九分熱誠, 只是地方較偏離石硤尾和深水埗市中心,
交通只有港鐵站較為方便, 多謝收看 |
立即注册
登录
提升卡
置頂卡
沉默卡
喧囂卡
變色卡
顯身卡
可以生存咁耐一定有它的條件
